يا جدعان أعمل ايه مع المدير بتاعي المريض نفسيا.

**SeaShark** · 22-04-2011 12:39 AM

دلوقتي المدير بتاعي عنده مشاكل كتير غريبة - مش طبيعي خالص - بحاول اتأقلم معاه و اعود نفسي مع اني في الشغل معاه بقالي ييجي سنتين.

بس واحدة من المشاكل دي بءي مضايقاني اوي و عايز ااخد رأيكم فيها.

المشكلة بإختصار انه بيضايق جدا لما يلاقي علاقتي كويسة بحد او بحس ان في حد بيحبني او بيعزني اوي و يبدأ يعمل اي حاجة عشان يوقع بيني و بين الشخص ده. و لو لقي شخص معين هو يعرفه بيتكلمني في التليفون عشان يسأل عليا مثلا الاقيه يبدأ يحاول يوطد علاقته بيه أكتر و يحاول يوقعنا في بعض بأي شكل مباشر او غير مباشر.

طيب ايه مشكلته هو دلوقتي؟ يعني ده مرض ولا عقدة نقص ولا ايه؟

اعمل انا ايه طيب اسيبه كده ولا اتكلم معاه و لا اديله بحاجه في وشه و اسيبله الشغل و امشي عشان انا خلاص قربت اجيب اخري منه؟

**M.Mostafa80** · 22-04-2011 12:42 AM

هو معتقد بمحبه الناس ليك انك هتنطره من مكانه وتستحوذ عليه عقدة نقص كل المديرين الموجودين فى كل مصر ودا بيبقى بنسب متفاوته من واحد للتانى ومن وجهه نظرى دا بيبقى ناتج من عدم الثقه بالنفس فحاول تنفخه وتفهمه ان مفيش حد ينفع مدير للمكان غيره دا اقصر واسلم حل
وفى مثل بيقول اصبر على جارك السو يايرحل ياتيجى مصيبه تشيله وربنا يهدى الجميع يارب

**SeaShark** · 22-04-2011 12:48 AM

المشاركة الأصلية كتبت بواسطة m.mostafa80

هو معتقد بمحبه الناس ليك انك هتنطره من مكانه وتستحوذ عليه عقدة نقص كل المديرين الموجودين فى كل مصر ودا بيبقى بنسب متفاوته من واحد للتانى ومن وجهه نظرى دا بيبقى ناتج من عدم الثقه بالنفس فحاول تنفخه وتفهمه ان مفيش حد ينفع مدير للمكان غيره دا اقصر واسلم حل
وفى مثل بيقول اصبر على جارك السو يايرحل ياتيجى مصيبه تشيله وربنا يهدى الجميع يارب

ده انا اصغر منه ب 10 سنين و بعدين ده الكلام ده سواء ناس من جوه الشركة او من بره الشركة

يمكن كارهني لله في لله

مع اني والله طيب

**eng:ahmed** · 22-04-2011 11:18 AM

عن تجربة مريرة أقدر أقولك الاتي:
أولا: ما فيش حد بيختار مديره و بالتالي فهو مفروض و مرفوض في أغلب الأحيان أو كلها
ثانيا: الحل السحري انك تمشي امورك معاه لأن في النهاية هو موجود و كابس على نفسك و يا سلام لو في تقييمات يبقى انت بالسلامة
مش بقولك تنافقه ولكن خليك بين البنين (يا نحلة لا تقرصيني و لا عاوز عسلك) و حاول تحسسه انك عارف اللي بيعمله معاك من وراك دي بالذات ممكن تخليه يفكر قبل ما يعمل حاجة تانيه دا لو عنده ضمير
وسؤال ع الماشي ممكن يكون واحد من حبايبك موصله صورة مش ولا بد عنك؟