صيانة الـخمسة الآلاف في مركز عصام وصفا تقرير حيادي بحت ..

**sayed911** · 22-04-2011 12:43 AM

بسم الله الرحمن الرحيم ...

السلام عليكم ورحمة الله وبركاته ..

هذا اول تقرير لي عن صيانة خارج التوكيل وقد كانت الصيانة في مركز عصام وصفا المركز المتيمز التابع للتوكيل ..

وهذا تقرير مني بذلك وبمنتهى الحيادية والشفافية بمميزات وعيوب ..

ببساطة انا كنت بعمل صيانة الـ خمسة الآف انهاردة ..

ووصلت المركز على الساعة 9 صباحا .. عشان كنت عايز اخلص بدري عشان عايز اطير قبل الشمس واللذي منه ..

تم عمل الازم في السيارة من تربيط للعفشة وكشف على الزيت وتغيره واللذي منه وعمل الالازم في السيارة والصيانة ولله الحمد خلصت في ساعة ونص بالضبط ... ولو حضراتكم تشوفوا كم الإهتمام اللي شفته من المهندس عصام مش طبيعي كم من الإهتمام يقولي اني صاحب المكان مش مجرد عميل الحقيقة !!!
والحق يقال اني قد لاحظت بعض العيوب في الصيانة لست ادري ان كانت قد حدثت مع غيري وان لم تكم قد حدثت ..

ممبدئيا خلينا نذكر المميزات كلها ..
- الإهتمام الممتاز من السيد المهندس عصام والإشراف الذاتي على جودة الخدمة المقدمة والخروج بنفسه لتجربة السيارة معي .. والإهتمام المباشر بالعمل على اليسيارة بنفسه ..
- السرعة في الأداء ولإنتهاء من الصيانة ..
- الصراحة مع العميل التي تصل الى حد الشفافية و(بيجيبوا من الآخر )
- الإهتمام في الإستماع للمشكلات بدون ملل او كلل كما حدث مني في بعض المرات ..

بس للأسف بقى نيجي للعيوب .. :
ممكن حد يقولي انا تافه اني ركزت في حاجات زي دي ولكن هي اشياء من الممكن تلافيها بسهولة وتزيد من جودة الخدمة المقدمة الحقيقة ..
- تم عمل الصيانة بدون عمل الأجزاء التكميلية لها .. مثال بسيط يوضح لكم ما اقصده ..
في اكثر من مركز خدمة زرته بأكثر من سيارة يتم في الصيانة وبشكل سريع وبدون طلب من العميل تربيط فرامل اليد بالشكل المناسب فإنها كالعادة (بتريح ) مع الإستخدام ولكن للأسف هذه خطوة تم اغفالها .. او بمعنى اصح انا من قد تناسيتها ظنا مني انا في الشيك ليست الخاصة بالتوكيل ..
- تم الكشف على السوائل الخاصة بغرفة المحرك بدون اضافات لا لمياه الريدياتير حتى مع وجود بعض النقص الملحوظ في السوائل ( اعلم ان الموضوع تافه وبإمكاني انا عمله ولكن ببساطة نحن نتحدث عن ان المركز به خدمة ممتازة في العمل ويمكن تلافي هذه النقاط البسيطة كما بدأها الرواس بلإستمارات التي كانت تعبأ بعد كل صيانة والتي قد اوصلتني انا شخصيا مثلا لعمل الصيانة وعدم فتح الكبوت نهائيا طوال فترى الـ 10 الآف كيلو الى الصيانة المقبلة )

فيما عدا تلك النفاط اعتقد ان الموضوع تم بسلاسة وتم بسرعة وفعالية وفيما عدا ذلك تعتبر من النقاط التي يمكن التغاضي عنها لأنها ليست ذات تأثير مباشر على جودة الصيانة او على جودة العمل داخل المركز ..
واتوجه بالشكر الكامل للسيد المهندس عصام على ما تم معي اليوم من عمل بشكل مباشر وسريع ..
واتوجه برضوا بالشكر للسيد ايمن عادل الزميل العزيز الذي ارشدني للمركز منذ اول يوم واشاد به وقد ساعد على انجاح العمل فيه ..
ونسيت المنصة لمن له الدور بقى ..

ملحوظة : مين كان النهاردة من نايل موتورز ملاكي اسماعيلية بيعمل صيانة هناك :d :d :d انا شايفه واقف قدامي ولكن للأسف لم تكن لدي بادرة الحديث واكتفيت بالمشاهدة وهوة حاطط الإستيكر الخاص بالمنتدى في منتصف الزجاج الخلفي وفي اسفله ..
بالمناسبة الصيانة تكلفت بالضبط 300 جنيه ..
41 جنيه فلتر زيت ..
108 زيت 5000 كيلو
141 مصنعية و صيانة ..

**Nistelrooy** · 22-04-2011 01:08 AM

وعليكم السلام ورحمة الله وبركاته

الف مبروك ع الصيانة ..

مش عارف الصراحة النقطة ان فعلا هو لازم يزود السوائل الناقصة ولا لاء ..

اسماعيلية انا ماعرفش حد معانا من الاسماعيلية غير محمد عبد العال .. ممكن يكون في حد تاني بس انا ماعرفش ..

**sleepyhammer** · 22-04-2011 01:08 AM

ألف مبروك الصيانة يا سيد وعقبال الصيانات القادمة باذن الله

وادعيلى انا قربت بردو على صيانة ال5000 وهعملها فى التوكيل هنا فى اسكندرية

وشكرا على التقرير يا باشا

**eng.m7md.ali** · 22-04-2011 02:48 AM

مبروووووووووووووووووووك يا ابو السيد ياجامد
ياراجل مش كنت تقول بدل مانا مكسل اعمل صيانة ال 25 لوحدي

**Raul_7** · 22-04-2011 02:57 AM

ألف مبروك يا سيد, وفعلا ملاحظتك مع إنها بسيطة بس مهمة جدا.

**Tarek Gen 2** · 22-04-2011 04:47 AM

اللغة العربية مبهدلاك يا سيد
فين ابو السيد بتاعنا :)
اخلاقك اتغيرت بعد الجايزة
الله يسهله يا سيدى بتتنطط علينا اهه

و الف مليار مبروك على الصيانة يا معلم و عقبال صيانة المليون

**mahmoud_magdy** · 22-04-2011 05:49 AM

مبروك الصيانه , ربنا يديلك خير العربيه ويكفيك شرها
ملحوظه : في حد من الاسماعيليه اسمه مصطفى ممكن يكون هو :d

**أبومعاذ** · 22-04-2011 03:19 PM

ألف مبروك الصيانة وعقبال ال 500 ألف
بالنسبة لتربيط فرامل اليد اللي أعرفه إنها مش بتترجلش إلا مع تغيير التيل الخلفي و بالنسبة للسوائل بتاعة العربية لو ناقصة عند حضرتك مكنش لازم تسكت لأن كدا في حاجة مش مظبوطة أنا عربيتي عاملة 40 ألف وماشية سنتين و مفيش حاجة من السوائل كلها نقصت فكانوا لازم يشوفولك النقطة دي بس خد بالك إن التزويد دا على حسابك يعني عشان يزود مية الريدياتير هيفتح جركن مية خضرا و حضرتك اللي هتدفع تمنه و نفس الشيئ لو أي حاجة تانية محتاجة تزويد :)
* أيمن عامل موضوع على الفيس بيجمع فيه أراء الملاك عن مركز صفا وأنا بعد اذنك حطيت رأيك فيه

**ye7ya** · 23-04-2011 05:51 PM

دااااا أنااااااااااااااااااااااا ااااااااااااااااااااااااا ااااا
حرام عليك يا بشمهندس سيد انا اللي كنت هناك
طب زوئني اديني كلاكس اي حاجة
انا أصلا عمال أقرأ الموضوع و أقول يوم 21 دا انا كنت هناك و الساعة 10 برضو كنت متواجد في التوكيل بس مأخدتش بالي خالص عشان العربية مكانش عليها الاستيكر
انا أصلا اول ما دخلت بصيت و دورت على الاستيكر في كل العربيات المتواجدة هناك بس ملقيتش
والله زعلتني يا بشمهندس سيد كنت عتوز أقابلكface to face

و كمان عاملك follow على تويتر

عموما خيرها في غيرها....