الموضوع: مش كل من فك ماتور بقى ميكانيكى

طبعا انا هقول رائى كدة ممكن ميعجبش ناس كتيرر خصوصا فى بعض الاشخاص فاكرين انهم مجرد انهم حالو ماتور مثلا يبقوا كدة بيفهموا 100%...وطبعا الموضوع مش كدة خالص لان فى فنيات فى الشغل والعمل ميفهمهاش الا واحد فى المهنة وغير انة بيفهم انة كمان بيبقى عندوا ممارسة للنوع الموتوسيكلات الا بيشتغل فيها يعنى انا فى اعتقدى ان مينفعش ميكانيكى بيشتغل فى هوندا يعرف يضبط يامها الا لو كان اشتغل فيها قبل كدة 100 مرة وفاهم اية نظامها .... وانا هديكوا بعض الامثلة ودا طبعا خوفا على انكو بدل ما تصلحوا حاجة تخربوا حاجات اكبر بكتيرررر.. مش وحش اننا نفهم ونعرف اية الا بيتعمل على الاقل مفيش مكانيكى يشتغلك وتبقى عارف هو هيعمل اية .. لكن انا عايز الفت نظركوا لاشياء ... وهبتدى من ابسط حاجة تغير البوجيهات ... لو تلاحظو ان سلك البوجية علية من فوق الماتور كوتشة تراب دا احياينا بتبقى ناشفة او مقطوعة وبدخل تراب او رمل فوق البوجية ..لم انت تيجى حضرتك بحسن نية تحل البوجية وتركب واحد تانى الرمل الا فوق البوجية دا هيقع داخل الماتور وبتالى انت خربت البستم ..لكن الاصول بتقول انك تنفخ هوا الاول تفتخ بضغط هوا عالى قبل ما تحل هى دى الحرفة فى الشغل النظيف
2- لم تيجى تحل الكاربتير ..انت عارف ان لو الابرة الا فى البستم بتاع الكاربتير دى لفت منك مجرد لفة بس انت كدة بتغير تطبعها وبتالى بعد كدة مبتحكمش الشفط من الماتور بنسبة زى اخواتها .. زى مثلا كدة واحد حل بستم ينفع يركب الشنبر القديم؟؟؟ طبعا مينفعش لان الشنبر مطبع على السلندر نفس الفكرة فى الكاربتير
3- تغير اسطونات الدباريج ..طبعا حلو اوى انك لم تفك تبقى عارف انت فكيت اية وتجيب الاسطونات الجديدة وتركب زى ما كان وشكرا على كدة وتيجى تجرب المتوسيكل تلقية مش زى بروضوا مكان زمان وتبقى يا ابو زيد ما غزيت.. طبعا لانك عملت زى الا فى الفيدهات بضبط ونفذت زى الا بيقولك علية فى السيرفس مانيوال لكن ساعدتك ماخدتش بالك فى حاجات فنية زى مثلا 1-الاسطوانات الصلب الا بين كل اسطوانة دبرياج هل فيها خطوط ولا لا هل فيها تأكل؟؟ لان لو ركبت وهى فيها تأكل اسطونات الدبرياج مش هتقعد معاك شهر واحد..
2- اليايات او السوسط الا فى الديسك ..طبعا مع الزمن وحرارة الماتور بتفقد صلبتها وبتالى بتفقد قوتها على ضغط الاسطونات ..هل انت حتعرف قوة السوستة دى سليمة ولا لا الا ازى مر عليك 20 موتوسيكل من نفس النوع ....طبعا دى امثلة صغيرة لكن فى حاجات كتير جداا لايمكن اى حد جديد فى الحوار ياخد بالوا منها ...الموضوع يا جماعة مش موضوع فك وحل وتقفيل ... والموضوع دا انا عملتوا علشان متدخلوش فى مشاكل تصليح اكبر

المشاركة الأصلية كتبت بواسطة yascro

انا موافقك جدا يا هوندا ف اللى انت بتقوله
وفيه حاجه تانيه محدش واخد باله منها ان كل مسمار بتفكه ليه عزم ربط معين لازم يتربط بيه
مش ربط وخلاص
وفيه مفتاح عزم بيقيس الكلام ده

طول عمرك برنسسسسس وفاهم ..فعلا كلامك مضبوط لان ربط مسامير الديسك لازم تكون بحمل واحد ولازم فعلا مفتاح عزم وعايز برضوا اضيف للناس الا مش عارفة يعنى اية مفتح عزم ..هو عبارة عن مفتاح فى منه عن طريق ضغط الهوا وفى منة سستيم يدوى ودا بتضبطوا على على الضغط او حمل الرابط المعين ويربط معاك لحد لم يفصل عن الرباط وبكدة تضمن ان مفيش مسمار مربوط اكتر من التانى