فضيحة جديدة من شركة ابل ..Ios 4 اى فون يقوم بجمع المعلومات عن اماكن تواجدك

**wawoo** · 22-04-2011 10:51 AM

مجموعه من الباحثين يكتشفون بأن النظام iOS 4 يقوم بتسجيل رحلاتك بدون أن تعلم

هذا دليل أن هاتفك المحمول يعلم عنك كل شيء بل لربما يعلم مالا تعلمه عن نفسك أيضا وأذا كنت تشك في ذالك فأليك دليل من بريطانيا فلقد أكتشف باحثون بأن النظام iOS 4 يقوم بتسجيل موقعك ومن ثم يتم تخزينها في ملفات سريّه لايمكن لأحد أن يكتشفها حتى برنامج الأيتونز الخاص بك وبالتالي أنت لاتعلم حقيقة ماذا سيعرض خصوصيتك في خطر عالي .

**eng/muhamad** · 22-04-2011 11:00 AM

للاسف كلام صحيح و بيقولوا ان فى برنامج على السيديا بيلغى الموضوع ده
احنا عاوزين نرقع قضيه و ناخد تعويييييييييييض

**Ahmed_lol2007** · 22-04-2011 11:00 AM

الحمد لله انا أندرويد
مشكور ياباشا ع الخبر

**Ralliart** · 22-04-2011 12:52 PM

المشاركة الأصلية كتبت بواسطة ahmed_lol2007

الحمد لله انا أندرويد
مشكور ياباشا ع الخبر

شركة جوجل ألعن وأضل سبيلا

**Ahmed Selim** · 22-04-2011 01:23 PM

معلومة صحيحة و موجودة فى إتفاقية الأستخدام الخاصة بأبل.

و بعدين شركات الإتصال زى موبينيل و فودافون و إتصالات بيقدرو يعملوا كده عن طريق أبراج الإتصال اللى تليفونك لاقط عليها أياً كان نوع التليفون.....و لو عاوزين يتتبعوك هيتتبعوك...و مكالماتك بتتسجل.

و أعتقد فى أجهزة أندرويد جوجل بتسألك إذا كنت عاوز تسمح بتتبع موقعك أو لأ.

و كمان فى كلام ان تليفونات بلاكبيرى و أتش تى سى و موتورلا و غيرها فيها نفس الخاصية.

زمن الخصوصية راح من زمان....

عموماً اللى عاوز يمسح التراكنج على الأيفون ينزل من سيديا برنامج أسمه untrackerd

**wawoo** · 22-04-2011 02:12 PM

المشاركة الأصلية كتبت بواسطة ahmed a.maksoud

معلومة صحيحة و موجودة فى إتفاقية الأستخدام الخاصة بأبل.

و بعدين شركات الإتصال زى موبينيل و فودافون و إتصالات بيقدرو يعملوا كده عن طريق أبراج الإتصال اللى تليفونك لاقط عليها أياً كان نوع التليفون.....و لو عاوزين يتتبعوك هيتتبعوك...و مكالماتك بتتسجل.

و أعتقد فى أجهزة أندرويد جوجل بتسألك إذا كنت عاوز تسمح بتتبع موقعك أو لأ.

Untrackerd

اهلا يا احمد بك ..مش المقصود هنا هو خاصية تتبع موقعك من خلال الجى بى اس اللى انت بتخترها بنفسك او بتستعملها ..

اللى بيحصل هنا فى نظام ابل دة ..انة بيسجل قاعدة بيانات خاصة بكل الامكان اللى انت روحتها و بيسجلها فى مكان خفى فى الجهاز ..لاغراض غير معلومة حتى الان و بدون اختيار من المستخدم ..و بالتاكيد و اكيد هذة المعلومة مش موجودة فى اتفاقية الاستخدام و لم تكن معلومة من اصلة لاى مستخدم للجهاز و بالتاكيد هى تخترق الخصوصية بدون علمك ..لانة لا يعلم بعد لماذا قامت ابل بجمع هذة المعلومات من اساسة ..

طبعا شركات الاتصال تقدر تعمل كدة لكن باذن قضائى و نيابى ..و تسجل مكلمتك بناء على امر من النيابة ..محدش حيتتبعك و يسجلك كدة بدون امر نيابة و يخترق خصوصيك بالبساطة دى كدة ..الا لو بتتكلم عن امن الدولة السابق و اللى بيعملة كان ضد القانون ...

ما تفعلة ابل دة ضد الخصوصية و الدنيا مقلوبة الان بسبب الاكتشاف دة

**wawoo** · 22-04-2011 02:16 PM

المشاركة الأصلية كتبت بواسطة ahmed a.maksoud

و أعتقد فى أجهزة أندرويد جوجل بتسألك إذا كنت عاوز تسمح بتتبع موقعك أو لأ.
Untrackerd

على فكرة كمان فى الخاصية دى فى الفيس بوك الان و تقدر تشغلها و كل اصدقائك يعرفو مكانك توماتيكى من خلال الفيس بوك لو عاوز يعنى

..انما ما فعلة نظام ابل دة تم بدون اختيارك او علمك حتى ..

**M.Elwan** · 22-04-2011 02:37 PM

الموضوع ده مش موجود فى ابل بس لكن موجود فى انظمة تشغيل والهدف منها هو تطوير نظام LBS
LOCATION BASED SERVICES
وده نظام اساسة انه يعرف مكانك فى وقت معين بشكل دقيق وبيستخدم فى الدعاية بشكل كبير

يعنى مثلا لو سوبر ماركت عامل عرض مستمر لمدة ساعة على سلع معينة فى مول كبير
يقدر يعمل دعاية محدودة عن طريق ارسال رسايل فورية لكل الناس الموجودة بالمول فى الوقت ده بس
وبكده بيقلل مصاريف الدعاية للحد الادنى لانة استهدف TARGET GROUP
Location-based service - Wikipedia, the free encyclopedia