الموضوع: ايه آخر أخبار أسعار الصني هل زادت بالفعل؟

المصرية مش موزع معتمد

الموزع المعتمد : اتو ايجيبت , السبع , مودرن , يونايتد جروب , المحمل

وفى معرض فى اسكندرية مش فاكر اسمه , اعتقد العالمية

المهم دول موزعين معتمدين , وطالما مفيش حاجة رسمى جت من نيسان والموزعين دول شغالين بسعر واحد والقديم يبقا خلاص

ولو جه سعر رسمى من نيسان بزيادة , وكلهم اشتغلوا بيه يبقا خلاص بردوا

اما بقا لو حد فيهم غلى السعر عن التانى وهما موزعين معتمدين يبقا فى حاجة غلط وتقدروا تعملوا شكوة

يعنى حاليا مفيش زيادة ولو واحد غلى 1000 جنيه عن السوق وهو وموزع معتمد , وكمان باقى الموزعين مغلوش يبقا كدا فى وقفة

المشاركة الأصلية كتبت بواسطة ahmed.tv

الهاى لاين اتوماتيك ب101 الف
والسوبر صالون اتوماتيك ب 100 الف

وال ex اتوماتيك مزودة ب abs ب93 الف
وال ex اتوماتيك من غير فرامل abs ب90 الف

المانيول من غير فرامل abs ب85 الف
المانيول مزودة بabs ب88 الف

وال الكماليات موجودة واحدة فى كل العربيات
ماعدا السوبر صالون مزودة عن الموديلات بجنوط سبور مقاس 15 وابانوس ومرايات ضم واتنين ايرباجز ومخدع خلفى
والهاى لاين اللى بعد السوبر صالون فيها اللى موجود فى السوبر صالون وزيادة الفامية فى الزجاج الاجناب والخلفى والفوانيس الامامية والخلفية بردوا

وباقى الكماليات كلها واحدة وموجودة فى كل فئات الصنى مثل
الكل فيهم زجاج كهرباء امامى وخلفى , سنتر , فوجات انذار , مخدع امامى وايرباج واحد للسائق , ولكن فى السوبر صالون بيكون اتنين

ده فى الوقت الحالى , ومفروض دى الاسعار عند الموزعين اللى ذكرت اسمهم فى المشاركة اللى قبل اللى فاتت
لغاية ما ينزل اسعار رسمى بالزيادة الجديدة اذا كان فى زيادة ولو فى زيادة حتكون عند كل الموزعين كلهم يعنى مش واحد فقط