باركولي اشتريت هوندا شادو 600

**tafa17** · 23-04-2011 01:41 AM

المشاركة الأصلية كتبت بواسطة tamertamer

مبروك يا باشا ونشوفك كدة راكب الجولد ون قريب
تحياتى الحارة ليك والموتسكل دة جميل حافظ علية وربنا يديك خيرة ويبعد عنك عيون الناس قول امين

جزاك الله كل خير علي انك اول واحد رديت عليا وشكرا لدعائك

**tafa17** · 23-04-2011 01:43 AM

المشاركة الأصلية كتبت بواسطة alfath8

ربنا يحفظك ويديك خيره ويكفيك شره وانتا بتقول لسه مطلع الرخصة من قريب استنى شوية لما تتعود على السواقة فى الطرق السريعة وبعدين ربنايكرمك وتطلع فى اى حتى زى ما انتا عايز

تسلم علي الدعوة الجميلة وانا لسه مطلع الرخصة بس بقالي فترة بسوق كعادة كل المصريين الواحد يتعلم سواقة الاول و يسوق وبعدين يطلع الرخصة

**tafa17** · 23-04-2011 01:47 AM

المشاركة الأصلية كتبت بواسطة karembob

مبروووووووووووووووووووووك يا درش الف الف مبروك ربنا يديك خيرها ويكفيك شرها يارب
عاوز اقلك حافظ علها علي قد ما تقدر الشادو من افخم ما صنعة هوندا ربنا يباركلك فيها

تسلم علي الرد وفعلا زي ما حضرتك بتقول الشادو جميل

**tafa17** · 23-04-2011 01:52 AM

المشاركة الأصلية كتبت بواسطة mahgary

الف مبروك ربنا يحفظك يامصطفى

شكرا يا فندم علي الرد

**tafa17** · 23-04-2011 02:01 AM

المشاركة الأصلية كتبت بواسطة gtx295

ألف مبروك.وربنا يباركلك فيها.

تسلم يا باشا

**tafa17** · 23-04-2011 02:06 AM

المشاركة الأصلية كتبت بواسطة yascro

1000000 مبروك ربنا يحفظك

شكرا يا باشا
متابعك ومتابع مواضيعك الجميلة بصراحة الواحد استفاد منها كتير

**tafa17** · 23-04-2011 02:09 AM

المشاركة الأصلية كتبت بواسطة johnghaly

مبرررروك يا معلم

تسلم وان شاء الله ربنا يكرمك وتجيب هوندا ستيد زي ما انت عايز

**naser_56** · 24-04-2011 06:57 PM

الف الف مبروك وربنا يستر طريقك

**KHALED2010** · 24-04-2011 07:09 PM

المشاركة الأصلية كتبت بواسطة tafa17

بسم الله الرحمن الرحيم

الحمد لله رب العالمين
ربنا وفقني واشتريت هوندا شادو 600 موديل 2003 في الرخصة نفس شكل الاستيد بس يختلف عنه شوية ولونه أحمر
ومكتوب علي الجناب شادو وباركولي علي انضمامي لمنتدي الدراجات النارية والاعضاء المحترمين وعلي فكرة انا لسه مطلع رخصة سواقة دراجة نارية من أسبوع وطبعا امتحنت علي بايك شادو 400 بتاع واحد زي اخويا
وعايزين نتجمع ونسافر يوم كده العين السخنة
انا عجبني قوي الفيديو الموجود في المنتدي بتاع فريق blade bikers ما شاء الله فيديو جميل ويشجع اي حد ماعندوش بايك انه يشتريه ونفسي اتعرف عليهم واسافر معاهم يوم انا وصاحبي اللي معاه شادو 400 وكمان واحد صاحبنا اشتري شادو 400 يعني الاجمالي 3 شادو مستني الميعاد والمكان

والسلام عليكم ورحمه الله وبركاته
اخوكم مصطفي محمود

1000 مبروك وربنا يديك خيرها ويكفيك شرها امين يارب العالمين

**Atrees** · 22-05-2011 07:28 PM

ممكن استفسر منك علي سعرها واذا كان عندك واحدة تانية للبيع - انا نفسي اشتري واحد كاستم محترم بس انا بطيخة في موضوع البايكس دة

اتمني تساعدوني بالاسعار والمواصفات الجيدة وان شاء الله ابقي واحد منكم قريب

والف مبروك يا باشا ويحرسك :))))