بعت عربيتى و عايز اشترى هوندا...!! القصة هتبدا من اول دلوقتى لحد ما تخلص على خير

**hashtka** · 22-04-2011 12:26 PM

دلوقتى انا بعت عربيتى السوزوكى سويفت 93 ....و بكدة ابقى خلاص خلصت اول خطوة فى طريقى انى اشترى هوندا سيفيك 93

دلوقتى انا مركبتش هوندا قبل كدة ...بس بقالى كام يوم متابع اخبارها على منتدى هنا و بسال على قطع غيارها و اسعارها ...او حتى اشوف واحد راكب واحدة او بيركن اقوم موقفه و اسالو على كل حاجة تخص عربيتو و عاملة ايه معاه

دلوقتى فى استفسارات كتير عندى اكيد...

اولا : ياترى فين افضل مكان اجيب منه هوندا و تكون ستوك او على الاقل مش ملعوب فيها قبل كدة....هل انزل بورسعيد ادور على ملاكى هناك؟ ولا اشوف حوار العربيات الى بتيجى فى الميناء ده لو عرفت.....

ثانيا : انا عايز اجيب هوندا سيفيك si الكاملة....بس بقالى كام يوم بدات افكر فى ال sir بس انا طول عمرى ماشى بمبدا ابعد عن العربيات الملعوب فيها...وبالتحديد الى متسقطلها مواتير.....ايه رايكم فى الكلام ده.....هل ممكن الاقى sir بس على امها بقى...متكونش عادية و متسقطلها موتور و خلاص....يعنى بالصالون بتاعها بقى و كدة .... و بردو عايز اعرف وجة نظركو ف الموضوع ده ...اكيد الناس المجربة فاهمة اكتر منى....

ثالثا : انا نزلت الحرفيين و سالت على قطع غيارها....و بالتحديد الكبالن...بما انى كنت راكب سوزوكى سويفت و متعقد من موضوع الكبالن ده كل شهرية تبوظ....مجدى الدسوقى قالى اسعر غير الى قالوهالى الباقين خالص....بالنسبة للجديد اقصد
يعنى مثلا قالى اسعار فى حدود 150-300 تبدا من الصينى لليابانى الاصلى....و المحلات الباقية قالولى 500 و 550!!
مين فيهم الصح!!!
و انا بردو لسة سال واحد بيركن عربيتو السيفيك 93 بردو....
قالى انو لسة مغير كبالن من قريب....و جابها من محل اسمو توشكى...ب 235 اليابانى الاصلى!!!!
ياترى مين الصح...
و ياترى الهوندا سيفيك افضل لما اجيبها ...اجيب قطع غيار جديدة ولا الاستيراد بتاعها نضيف؟

كفاية كدة النهاردة...انا مش هاخد خطوة غير لما تقولولى على طل حاجة و اعمل ايه....
بالذات ان ابويا بيتحدانى فى بعد ما بعت السوزوكى و كانت مضمونة و نضيفة فى ايدى...ممكن البس فى الحيط و اجيب هوندا وحشة....فا ارجوكو بقى خلوكو معايا...

**tarekzein** · 22-04-2011 01:50 PM

بالتوفيق ياباشا

وخليك مع وحوش الهوندا هنا

هتلاقى كل إجاباتك بإذن الله

**SAMEH_FOUAD** · 22-04-2011 01:56 PM

اهلا بيك ياباشا وان شاء الله تكون عضو هنا معانا وتنضم للعصابة

بالنسبة للسؤال الاول : انك لازم تشترى العربية من شخص مش من تاجر عشان مايكنش جايبها واقعة ويركب فيها اى حاجة تمشيك شوية وبعد كدة تلاقى بلاوى , لازم تكشف عليها كويس جدا ويكون واحد متخصص كمان وتعمل كبس ماتور

بالنسبة للسؤال التانى : فية ناس مسقطة مواتير باحترافية عالية وشغل مظبوط عمرك ماتقلق منة وفية ناس بتركب وخلاص فبردة دة بيفرق فى العربية نفسها وعموما انت لو لقيتها اوريجينال sir هتبقى غالية فى حدود 65 الف ونادرة جدااااا , وانت عادى هاتها متسقطة ومعاها الصالون باعها تمنة 3000 جنية كامل امامى وخلفى نظيف جدا

بالنسبة للسؤال الثالث : الكبالن الصينى ماتقربش ليها خالص , خليك فى اليابانى الشركات احسن وسعر الكبالن اليابانى ب275 جنية للواحد من عند مجدى الدسوقى والاتنين ب 550 هو دة السعر الصح ولما تحب تجيب نوع كويس هات ال nkn دة كويس جدا ,وماتقلقش هية معمرة جدا وبتقعد بالسنين بس اهم حاجة تحافظ عل الكبالن الداخلية , وكاوتش الكوبلن , وماتحرقش فى الملفات

وبالنسبة لقطع الغيار فية استيراد نظيف وفية جديد بس تجيبة اصلى هو غالى شوية طبعا

وربنا يوفقك واى استفسار احنا فى الخدمة

**M_Nabil** · 22-04-2011 10:45 PM

المشاركة الأصلية كتبت بواسطة hashtka

طيب انا لو جبت هوندا si كاملة ...اجيبها مانوال ولا اوتوماتيك؟ دى نقطة لوحدها على افتراض انى مش هسقط موتور

و ولو عايز اسقط موتور ال 170 حصان....اجيب انهو واحد؟
http://www.nilemotors.net/Nile/189865-a.html
وسعره هيبقى عامل ازاى؟ و يبقى افضل لو جيت اسقط الموتور الى بتكلم عليه...ان العربية تبقى اصلا مانوال ولا اوتوماتيك؟

تجيب أوتو أو عادى دى بترجع ليك سواء أنت بتحب الراحة يبقى أوتو بتحب تشد وتجرى يبقى مانيوال بس 98% من الهوندا Si هتلقيها أوتو الخليجى كله أوتو تقريباً الاوروبى والامريكى بينزل منه مانيوال بس ماتور كامه واحدة Vtec مش كامتين من غير Vtec زى الخليجى

انما حوار التسقيط عشان تضمن انه 170 حصان يكون الماتور الجيل الثاني من أول سنة 92 لحد 2000 ويكون سوق ياباني كودة B16A بدون أرقام بعد حرف الـ A أو B16A4 أو B16A5 بس الأخير ده أوتوماتيك غير الأكواد دى في الغالب هيكون 160 حصان، السعر بيتراوح في حدود من 7500 الى 8500 جنية والاسهل هو تسقيط ماتور من نفس فتيس العربية يعنى من مانيوال الى مانيوال أو من أوتو الى أوتو وطبعاً العكس ينفع عادى مافيش حاجه مبتتعدلش بس بنتكلم من حيث السهولة

ملحوظة محافظة بورسعيد نادر فيها الـ Si لو لقيتها في الغالب بيكون واحد شاريها من القاهرة

**rms1986** · 23-04-2011 12:46 AM

معايا هوندا سيفيك

sir

b16a jdm
control p30

sir suspension 14''brake pad

التابلوه الاسود بتاعsir s والدريكسيون الاسود بتاع ال sir

وكمان الفتيس المانوال

موديل 92 فابريكه دواخل والموتور جديد تقريبا كبس 87%

كراسي ريكارو امامى وكمان مكسيه جلد بيج

جنوط 15
o.z made in italy
15 50 205

كاوتش شجره للسرعات نيكسن

كاسيت كينوود

55000 جنيه
المطلوووووب

العربيه مانوال لزوم الجرى

لونها ازرق رياضى بتاع البي امااات

قابل للتفاوض البسيييط

**rms1986** · 23-04-2011 12:51 AM

هاجى المقابله اللى عاوز يتفرج عليها هبقى في المقابله ان شاء الله

**hashtka** · 23-04-2011 02:17 AM

لو عايز تنزل فى السعر شوية لحد 45 كدة ....انا جاهز بالفلوس و ممكن اخلص علطول

**rms1986** · 23-04-2011 02:39 AM

يعنى ياباشا اكيد في تفاوض اكيد بس لدرجه انى اطلب فوق سعر العربيه ب عشر الاف جنيه على اساس انى حرامى؟؟؟؟؟

ممكن اتفاوض بس مش بالمنظر ده

السعر ده يركبك اس اي نظيفه انما

sir ii b16a

jdm japan

اعلى مكنه اس اي ار موديل 95 تقريبا

عالعموم رقمى هسيبه لانى عاوز ابيع بجد لانى محتاج فلوس ولولا الفلوس مكنتش بعتها لانها تحفه وجنوط ايطالى احسن مقاس مع العربيه

انا هسيب الاعضاء يحكمو برضه محدش يرضى يخسف بالناس حاجتهم

0105621860

**hashtka** · 23-04-2011 08:35 AM

لا ولله يا rms1986
انا مقولتش كدة عشان اخسف بحاجتك الارض ولا حاجة
انا قلت كدة على اساس اقصى كاش معايا اقدر ادفعو و اخلص فيه فى خلال اليومين دول

الموضوع: بعت عربيتى و عايز اشترى هوندا...!! القصة هتبدا من اول دلوقتى لحد ما تخلص على خير

LinkBack

أدوات الموضوع

عرض

-

-

-

-

-

المواضيع المتشابهه

عايز اشترى ريس هوندا

عايز اشترى هوندا ريبل 250

رحت اشترى لوجان Mcv 7 راكب لقيت القصة دى..........

عايز اشترى هوندا سيفيك؟ ساعدونى

الكلمات الدلالية لهذا الموضوع

المفضلات

المفضلات

ضوابط المشاركة