السلام عليكم
محتاج منكم يا جماعة تقولولي ايه رأيكم في الفيرنا اوتوماتيك...عشان واحد صاحبي بيفكر يجيبها......بس هو قلقان من الفتيس الاوتوماتيك...!!
هلي سمعتوا ان الفتيس ده ليه مشاكل....؟؟؟ او مش مظبوط علي العربية.....؟؟!!
مستني ردودكم.....و الف شكر يا رجالة
بلاش فيرنا اوتوماتيك لى صديق على منتدى تانى له ملحمه مع غبور بسبب انه اشترى فيرنا اوتوماتيك من شهر وفتيسها طلع فيه مشاكل ومغلبيه لحد دلوقتى حتى المانوال فتيسها مش حلو معايا وبيطلع صوت مش طبيعى اللهم بلغت الهم فاشهد
سمعتها زى الهبا ب
لو مصر علي الاوتو يبقي
نيو اكسنت العاديه
انا اول مرة اسمع عن الكلام ده......انا اللي اعرفه ان الفتيس بتاعها نفس فتيس الالنترا القديمة و الجيتز.......!!!! يعني المفرووض انها كويسة
انا يا فندم عارف ان غبور بيقرف الناس في كل حاجة....انا عايز اعرف بس هل المشكلة اللي ظهرت عند زميل حضرتك مشكلة فردية ولا في كل عربيات الفيرنا الاوتوماتيكاقتباس:
المشاركة الأصلية كتبت بواسطة ezzeldin1234
اقتباس:
المشاركة الأصلية كتبت بواسطة bentrewsha
لازم اوتو و اخره 80 الف....و بلاش تقولي بيكانتو او i10
يا جماعة بلاش اشاعات وانا سمعت وواحد قاللى والكلام اللى زى دة
انا معايا فيرنا اوتوماتيك والعربيه زى الفل والحمد لله وكمان وانا باعمل الصيانة ماقابلتش واحد بيشتكى منها وبعدين دة نفس الأتوماتيك بتاع الماتريكس ... كل المشكلة انها استهلاك البنزين بتاعها اعلى شوية من المانيوال ودة طبيعى
غير كدة لا مشاكل على الاطلاق وياريت اللى عندة واحدة منها بس هو اللى يرد واللى ماعندوش ما يفتيش مع الأحترام الكامل للجميع علشان يكون فية مصداقية فى الأراء
أنا زيك بفكر في عربية في نفس الحدود و عمال أذاكر قبل ما آخد قرار. فكرت في الفيرنا أوتوماتيك و الساجا أوتوماتيك و بصراحة بدأت أميل للساجا
توكل علي الله اتوماتيك الفيرنا محترم جدا وانا معايا فيرنا اتوماتيك وصديق ليا معاه فيرنا اتوماتيك وعامله 130000 كم مفيش اي مشكله
السلام عليكم
أنا مش معايا الفيرنا أوتو لكن معايا أختها الكبيره للي ليها نفس الموتور و أكيد ميكانيكه الفتيس واحده و العربيه م شاء الله موجود في البيت منها تنين و شغلين و الحمد لله
خليه يتوكل علي الله
و ربنا يكتب له الخير إن شاء الله
فتيس الفيرنا الاوتوماتيك هو هو فتيس الماتريكس وعلشان متتعبش نفسك لوسمعت عن حد اشتكى من فتيس الماتريكس يبقى فى عيب فى فتيس الفيرنا
ولكن هى عربية جميلة جدا ( من حيث الفتيس)
توكل على الله
انا كمانبفكر اغير من الانوس واجيب واحده فيرنا اتوماتيك بس في ناس كتير تحذرني من الاتو مش علشان الفتيس بس علشان مشكله السخونه العاليه مع تشغيل التكييف وكمان ساعات في السرعات العاليه ..بيقولوا ده عيب اساسي في الاوتو بسبب ضيق مجاري مياه الردياتير ..وده بصراحه اللي مقلقني منها
كله اشاعات انا معايا اتوماتيك وعاملة 90000 كيلو وزى الفل المهم تتابع صيانة وتغيير الزيوت وكلة تمام وبلاش
تسمع لحكاوى الف ليلة وليلة اللى بتتقال ؟؟
والله عربية جميلة جدا
يا جماعه كل اللي أحنا بنسمعه دا إشاعات من ناس فاضيه و بتنتشر بسرعه الصاروخ و بالأخص موضوع العيوب التي لا يمكن كتشافها بمجرد النظر
و العربيه الفيرنا دي عربيه خدميه من الطراز الأول و عربيه شل من الآخر و مفيهاش عيوب ميكانيكا بتاتا لأن موتورها و فتيسها هيونداي بتستخدمهم في عربيات بقالها 10 سنين و محدش أشتكي منه في العربيات التانيه أشمعنا بقي الناس تشتكي في الفيرنا
+111111111111111111111
هي 3 غيارات أمامية ولا 4 ؟
4اقتباس:
المشاركة الأصلية كتبت بواسطة Eng.Geo
أكيد ؟اقتباس:
المشاركة الأصلية كتبت بواسطة hossam99
أصل مع واحد قريب صاحبي بيقول أنها 3 بس
وسمعت برضه من حد تاني
ابقى قوله يفتح ال over driveاقتباس:
المشاركة الأصلية كتبت بواسطة Eng.Geo
في فالتابلوه لمبة صفرا اسمها OD off لما تبقى منوره العربية مش بتجيب الرابع و الفتيس بيبقى حامى و العربية بتستجيب بسرعة بس دا جوا البلد و في السرعات البطيئة لكن اول ما تطلع عالهاي واي يفضل تشغله عشان كدا حيجيب الرابع و حيقى اريح للموتور و اوفر في البنزين(لما بيبقى مفتوح المبة بتبقى مطفية)
احنا مشكلتنا في مصر اللي منعرفوش يبئا يع
موضوع ممتـاز
شكر لكل الناس الى قالو رايهم بصراحة
كان ليا سؤال برضو
هل سحبها كويس مع تشغيل التكيف وهل هي بتنزل بجنوط 14 ؟
بتنزل بجنوط 14 والسحب معقول مع التكيف وليس سيء
اقتباس:
المشاركة الأصلية كتبت بواسطة hodesta
سحبها رائع جدا بالتكييف و نفس موتورها علي الماتريكس عندي و ما شاء الله بالتكييف مش بتقول لأ و أوتوماتيك كمان
بص يا باشا انا مش هقولك غير الى شوفته صاحبى معاه 2007 فيرنا اوتو ماشى بيها 140 الف دلوأتى ربنا يباركلو فيها مفهاش مشاكل و السحب بتاعها محترم جدا و مفهاش مشاكل سخونه
كل حاجه اشاعات و ده سمع و ده قال البلد باظت خلاص
الملخص عربيه محترمه جدا قى رينج السعر بشرط الصيانه الدوريه
معلش سؤال خارج الموضوع ..
هل زراير الزجاج الكهربائي مضاءة مع انوار التابلوه ؟ وهل للأربع ابواب ؟
ايوة الازراير بتنور مع نور التبلوه
شكراً للرد .. وهل الثلاث أبواب الآخرين زر الزجاج بينور مع نور التابلوه ؟اقتباس:
المشاركة الأصلية كتبت بواسطة chicobon
تمام الاربع ابواب بينوروا مع نور التابلوه
موضوع مميـز
وتسلم كل الناس اللى ردت
بالتوفيق
بلاش اشاعات انا معايا فيرنا اوتوماتيك موديل 2004 كورى و العربيه زى الفل احنا مشكلتنا فى مصر بس اننا مبنعملش صيانه للفتيس و زيت الفتيس كل فتره ثم الفتيس يعمل مشاكل ليه طول ما هو تمام و ما اتفكش قبل كده
شكرا للرد .. جزاك الله خيرااقتباس:
المشاركة الأصلية كتبت بواسطة ahmedcar
الفيرنا اوتوماتيك مناسبة جدا وممتازة على سعرها وعلى الوضع الحالي للبلد اللي لا يسمح بالسيارات الفخمة ..
من ضمن اللي يعيبها - في وجهة نظري - عدم وجود بيان غيار الفتيس الاوتوماتيك في التابلوه , وضعف سعر اعادة البيع عن العادية
انا معايا فيرنا 2007 1500 سى سى ... العربية كويسة جدا كسحب مع التكيف فى النهار لمسافات من القاهرة للاسكندرية مثلا
لو حتطلع من القاهرة شرم رحلة طويلة يعنى العربية حتلاقيها بعد 4 ساعات بيبدا الاداء بتاعها يقل لو كنت محمل ناس ومشغل التكيف وفى الصيف والحر
انما غير كدة العربية كويسة جدا مع التكيف والسحب
اتمنى اكون افدتك