فتوى فى كهرباء الكارسنز

**mazagngi2002** · 22-04-2011 01:04 PM

السلام عليكم
ارجو مشورة سريعه

معايا كيا كارينز وفيها مشكلة فى الكهرباء ان فى حاجه بتاكل البطارية ( واظن اعضاء كتير ساهموا بالحلول فى الموضوع ده )
لفيت على امير وجوزيف والتوكيل وتكنو وان وكلهم معرفوش حاجه
ولازم دلوقتى ادور العربية كل يوم حتى ايام الاجازات علشان متنمش البطارية
واحد قالى فتوى كده
انى لما غيرت بطارية الفابريكة بواحده فاراتا ( وده حسب نصيحة التوكيل) قالى ان معامل الشحن بيختلف فالدينامو مش بيقدر يشبع البطارية كفاية
مش عارف هل ده صح ولا غلط ؟

**smartchoice** · 22-04-2011 04:00 PM

أنا حاسس أن الكلام ده هجس لأن المفروض الدينامو بيطلع فى حدود ال 12 فولت و كل عربيات المالكى بتشحن فى الحدود دى يبقى أزاى الدينامو مش مكفى البطارية

أنت ممكن تشوف شحن الدينامو كام و المفروض لو العربية مهربة الكهربائى بيجيب لمبة و بيوصلها بجسم العربية و الناحية السالبة من البطارية لو اللمبة نورت يبقى فى سلك مهرب و موصل بجسم العربية

لو مفيش مشكلة تهريب او مشكلة دينامو يبقى البطارية فيها مشكلة و ممكن تلحق تغيرها فى الضمان

**mazagngi2002** · 22-04-2011 08:40 PM

لا فى كهرباء رعشة فى اللمبة لما اوصلها بالسالب
لكن كله اجمع ان دى كهرباء السنتر

**smartchoice** · 23-04-2011 03:33 PM

يعنى السنتر بيهرب كهربا لجسم العربية ؟
طيب و أيه الحل أكيد فى سلك عريان و لا حاجة و بيهرب
لأن أنا عندى سنتر و أنذار و العربية مبتهربش
حاول تشوف مشكلة لحل التهريب ده
و ربنا يسهلك الأمور و تعرف تحل المشكلة دى

**ahmed_su** · 23-04-2011 05:14 PM

مشكلة ان البطارية "تنام" تفرغ الشحن فى زمن بسيط

ده مرجعه ان فيه احمال بتستهلك البطارية يبقى لازم ندور ايه الاحمال المتوقعة؟؟؟

اللى ممكن تكون شغالة فى الخباثة واحنا مش عارفين

ونفضل نتجنب حاجة حاجة حتى نقدر نصل للمشكلة

اكيد طبعا الناس اللى انت رحتلها كشفت على الدينامو وقدرته على الشحن

يبقى نبتدى من اول كتاوت الدينامو... الجزء الالكترونى اللى بيوحد تيار الدينامو المتردد علشان يشحن البطارية

وبعدين الانذار ممكن يكون فيه دائرة قصر بسيطة بتستنفذ البطارية كمان

اى حاجة ركبة على ولاعة العربية ممكن تكون السبب لو مفتاح الكونتاكت فيه مشكلة

ممكن يكون فيه مشكلة فى نظام الصوت انه ممكن تكون واصلة له كهرباء

وبرضه من خلال اى مشكلة فى مفتاح الكونتاكت وبرضه ممكن

يكون اللى سببها تركيب الانذار بطريقة خطأ

دائرة نور الفرامل - تسريب من كتاوت المارش - طلمبة البنزين - ولاعة العربية- السنتر -الانذار

كل الامثلة اللى ذكرتها حصل عن تجارب مشاكل بتؤدى لتفريغ البطارية

وفيه حاجات كتيرة بس الموضوع محتاج صبر وشوية متابعة لو هتعمل الموضوع بنفسك

او فنى فاااهم وعنده صبر علشان يوصل للمشكلة

بس مبدئيا ممكن تفصل دائرة جهاز الانذار لمدة يوم او اتنين وجرب حالة البطارية بعدها

**exact** · 25-04-2011 04:21 PM

المشاركة الأصلية كتبت بواسطة mazagngi2002

فى حاجه غبيه كده جت فى بالى
انا مركب الفلاشة طول الوقت فى مكانها usb .... هل ممكن تكون دى اللى بتسحب ؟

مش للدرجة...
قد يكون العيب من الدينامو...لو عندك او عند حد من اصحابك آفوميتر قيش البطارية والعربية مبطلة المفروض تدي 12.5 فولت ولو العربية دايرة وكل حاجة مطفية والار بي ام على 2000 المفروض متقلش عن 13.5 فولت...
بعد كده تبطل العربية وتخللي الآفو على وضع قياس الامبير وتفضل اي واحد من اقطاب البطارية ويتوصل الآفو على التوالي في وضع الامبير...وتشوف هيقرا كام....المفروض في اعتقادي الشخصي ميتجاوزش 250 مللي امبير (ربع امبير يعني) لو الانذار قافل العربية وكل حاجة مقفولة ونور الصالون مطفي هو ونور الشنطة واي حاجة فالعربية وللعلم تيار الانذار لا يتجاوز 100 مللي امبير باي حال في وضع الانتظار...ونظريا لو البطارية كانت 55 امبير يبقى هتفضى بعد 550 ساعة (نظريا)
ممكن والآفو متركب تبدا تشيل الفيوزات واحد ورا واحد...تشيل واحد وترجع تركبه وعينك عالآفو لحد اما هتلاقي فيوز او ماتشيله هتلاحظ هبوط فالقراية...هتشوف بتاع ايه يبقى انت عرفت المشكلة منين

ولو فيه استفسار ممكن اوضح زيادة

**mazagngi2002** · 25-04-2011 08:38 PM

انا شاكر جدا لشرحك الوافى ده
بس ليا كام استفسار :
لو البطارية مطفية .... اظبط الافو على وضع dc ولا ac ؟
بخصوص توصيل الافو على التوالى ... افصل كابل الارضى مثلا واوصل الافو بين الكابل ده وطرف الارضى فى البطارية ولا طرف الكهرباء ؟
وشكرا مرة تانية

**exact** · 26-04-2011 03:42 AM

المشاركة الأصلية كتبت بواسطة mazagngi2002

انا شاكر جدا لشرحك الوافى ده
بس ليا كام استفسار :
لو البطارية مطفية .... اظبط الافو على وضع dc ولا ac ؟
بخصوص توصيل الافو على التوالى ... افصل كابل الارضى مثلا واوصل الافو بين الكابل ده وطرف الارضى فى البطارية ولا طرف الكهرباء ؟
وشكرا مرة تانية

بص ياباشا...
ال ac التيار المتردد وده غالبا بيبقى في الحاجات اللي فالبيت والمحولات
ال dc التيار المستمر وده اللي فالعربيات والبطاريات وده اللي دايما بنستعمله فالعربية فيما عدا لو كانت مجهزة بمخرج 220 فولت كأوبشن وهو بس اللي بيستعمل فيه الac فالعربية غير كده كله dc

وبما ان متوسط الفولت فالعربية من 12 الى 14 يبقى احنا هنجيب الآفو على 20-dc

بخصوص التوالي حضرتك هتفصل اي طرف منهم مع مراعاة ان ده غالبا هيؤدي لمسح المحطات من الكاسيت واحتمال يطلب منك كود اذا كان الكاسيت له حماية...وان كان دايما في اي كتالوج صيانة بيقولو عند تركيب كذا او صيانة كذا يراعى فصل القطب السالب...الاسهل لك اعمله وخلاص عشان مش عاوزين نكسر حاجة...وانا عندي سويفت فمش عارف ايهم اسهل...بس غالبا خلينا على كلام الشركات وافصل الارضي
حضرتك هتجيب الافو على وضع 10a وهتنقل السلك الاحمر للعين اللي مكتوب عليها 10a والسلك الاسود في مكانه زي ماهو
لو هتفصل الارضي يبقى السلك الاحمر بتاع الافو في القطاش والسلك الاسود على سالب البطارية والعكس صحيح....

**heshamzaky** · 26-04-2011 04:06 AM

معلش سؤال حضرتك مركب شاشة فى العربية لو مركب شاشة و الشاشة شغالة من غير الكونتاكت حا تبقى هى السبب الانذار و السنتر مش بيسحبو بطارية صعب شوية . أنا العيب دة كان عندى فى العربية و فضلت وراها لما أكتشفتة و لما شغلت الشاشة مع الكونتاكت العيب راح دة أحتمال معرفش موجود و لا لآ من الاساس بس هى فكرة و تجربة

-

الموضوع: فتوى فى كهرباء الكارسنز

LinkBack

أدوات الموضوع

عرض

فتوى فى كهرباء الكارسنز - انشر الموضوع فى :

-

-

-

-

-

-

-

المواضيع المتشابهه

طقم زراير كهرباء كامل + طقم مكن زجاج كهرباء + 4 فرش ابواب + 4 كوالين سنتر + 4 أوكر

للبيع - طقم زراير كهرباء كامل + طقم مكن زجاج كهرباء + 4 فرش ابواب ويرا2005

فتوى فى كهرباء الكارينز

فتوى جميلة من القرضاوى الجليل

أحدث فتوى !!!

الكلمات الدلالية لهذا الموضوع

المفضلات

المفضلات

ضوابط المشاركة