ممــكن معلومات عن السيينا موديل 2002

**sniper2010** · 17-04-2008 12:57 PM

قدامي عربية سيينا 2002 بجميع الكماليات ممكن اعرف سمعتها ايه في السوق و اعطالها كتيرة ولا لا و قطع غيارها متوفرة و لا لأ و تصليحها سهل و لا بتحتاج التوكيل و أي معلومات اخري و شكرررررررررا لكم:)

**mana9wafaie** · 18-04-2008 09:29 PM

السيينا عربية بجد ملهاش حل....انا معايا سينا 2002 1600 cc بصراحة العربية سحبها ملوش حل احسن من اللانوس و الفيرنا وعن تجربة حتى مع التكيف عمرك مهتحس ان الموتور مكتوم ابداااا.. نيجى للثبات هى العربية عالية شوية عن الارض ودى ميزة لكن فى السرعات العالية فوق ال150 وكدة لو فى رياح هتلاقى العربية ثبتها يقل لكن لو مفيش رياح العربية ثباتها ملوش حل..نيجى بقى لصاج العربية صاج يعود لزمن العربيات الفيات القديمة بصراحة عربية ناشفة جدا ودى كانت من الاسباب اللى خلتنى اشتريها..نيجى بقى للصالون الصالون بتاعها مش واسع بصراحة يعنى لو 3 من ورا مش هيكونو مرتاحين اوى لو كانو اوزان...التابلو بتاعها الوانة جميلة وشكلة انيق....نيجى للشكل الخارجى بصراحة انا بحب شكلها اكتر من العربيات اللى فى فئتها زى الانوس والفيرنا والكليو بحس انها شيك اوى خصوصا الكاملة لانها بتنزل بفوانيس شبورة وعتب وسبويلر صغير كدة ومريات نفس لون العربية ودى مسالة ازواق بس كفاية ان شكلها نادر والناس مزهقتش منة زى الفيرنا واللانوس...والعربية من حيث الاداء ناعمة جدا ودة عن تجربة بجد العربية انا بحس انها انعم من عربية اخويا الالنترا 2006 وهو كمان حاسس كدة لان كمان نظام العزل فيها ملوش حل استحالة تسمع صوت الموتور وانت جوة العربية حتى لو بتحرق على الغيار..نيجى للعفشة العفشة بتاعت العربية ناشفة جدا ودة ميزة وعيب يعنى هى عفشة تستحمل الشوارع المصرية لكن هتخليك تحس شوية بالشوارع المكسرة والمطبات بعض الشىء...التكيف بتاعها جميل بس طبعا مش زى الكورى خالص اقل بكتير بس وانت مسافر على الطريق تحفة..العربية فيها عيب بردو انها مش معزولة الحرارة يعنى حرارتها بتتغير على حسب الجو يعنى لو الجو حر وانت جو البلد هتلاقيها رفعت ولو انت مسافر وفاتح بالعربية هتلاقى العداد بتاع الحرارة تحت الربع مش زى الفيرنا والانوس مثلا...قطع غيرها متوفرة وبكثرة وخصوصا القطع الميكانيمية والكهربائية لان اغلبها بتاعت شاهين ومفيش ارخص من قطع غيار الشاهين...انا كدة قلتلك كل اللى اعرفة عنها وانت لو فى اى سؤال اتفضل اسال وانا تحت امرك
ملحوظة انا قرانتلك فى حاجات كتير بنها وبين الانوس والفيرنا لان فى المستعمل لو حالتها نضيفة بتكون فى نفس سعرهم يعنى انا عربيتى عاملة 51000 الف كيلو متر ومعروض عليا فيها 53 الف بس انا بتاعتى حالتها نادرة شوية لانى بهتم بيها
وربنا يوفقك ان شاء الله وارجو انى اكون افدتك
السلام عليكم ورحمة الله