عايز اطلع بره القاهرة بكرة

**medo2o1o** · 22-04-2011 03:22 PM

انا و زمايلى ما صدقنا لاقينا يوم نخرج فيه
فقررنا نسافر يوم و نرجع
طبعا الاختيارات
السخنة
السويس
اسماعيلية

ترشحوا ايه مع وضع فى الاعتبار انك تذكر فى اختيارك الاماكن اللى ممكن نروحها فى المكان ده عشان منزهقش
و برضه نراعى الامور المادية عشان احنا اخر الشهر

و لو ليكوا اقتراحات تانية يا ريت نسمعها

**mahmoudselim** · 22-04-2011 03:56 PM

يا بختك والله ان شاء الله تكون طلعة كويسة.
ممكن تطلع علي العين السخنة الساعة 6 الصبح مثلا يعني توصل هناك ان شاء الله علي 8 الصبح مثلا لو انت ماشي براحتك وعلي صلاة العصر مثلا تكمل بقية اليوم في السويس علي الكورنيش في أي كافية من الموجودين هناك وعلي المغرب او العشاء تاخد طريق القاهرة.. من العين السخنة ,مثلا من بورتو السخة للسويس نص ساعة بالكتير. وانت رايح العين السخنة طبعا تاخد طريق الجيش لا السفر علية متعة بجد وانت راجع من السويس خد طريق السويس القاهرة بس خد بالك الطريق مش مظبوط وفي تريلات كتير بس أمان ان شاء الله المهم متتأخرش في الرجعة عن الساعة 12 احتياط يعني.

ومتنساش بقي يامعلم التقرير المتين عن الطلعة دي.

**dr.hazem** · 22-04-2011 04:02 PM

نا متابع الموضوع لاني نفسي اخرج

**mahmoudselim** · 22-04-2011 08:13 PM

المشاركة الأصلية كتبت بواسطة medo2o1o

فكره جامده بس نروح فين فالسخنه ؟!؟!!؟؟!؟! اقتراحات و ياريت ما تكنش مكلفه:copy of m-s5:

بص يا معلم هو علي حسب معرفتي ان في شواطئ هناك جميلة جدا واسعارها في المعقول زي شاطئ مصر ايران مثلا او شاطئ القواات المسلحة وفي مطعم هناك امام بورتو السخنة بالظبط بس مجربتهوش قبل كدا بصراحة .. انت ممكن تعمل سيرش عن العين السخنة هنا و هتلاقي الاعضاء كاتبين اماكن الشواطيئ فين بالظبط لاني مرحتهاش قبل كدا بصراحة. ممكن كمان تعمل سيرش عن العيون الكبريتية في العين السخنة ولو عاجبتك تروح علي هناك .

**KarimAbulEla** · 22-04-2011 11:09 PM

تفادى الاسماعيلية لانى قريت من شوية ان الجو هناك غير مستقر

تحياتى

**al_manara** · 23-04-2011 03:24 AM

السخنة . قريبة والجو حلو اليومين دول . اما فين عندك هناك مثلا قرية اسمها اكواريوس حلوة . هي اخر طريق القطامية العين السخنة شمال
انا كنت رحتها من سنة تقريبا .