مساعد نيسان صنى افيدونى

**just4fun** · 22-04-2011 03:23 PM

ازيكم يا شباب يا رب تكونوا بخير ,
انا من كام يوم خبطت فى نقرة بس كانت جامدة شوية انا هديت قبلها بس بردو يعنى كنت ماشى 30-40 كده و سمعت صوت دبة جامده كده زى مايكون وصلت للشاسية ,دلوقتى انا قلقان هل حصل حاجة ولا لا ؟,فتحت الكبوت و بصيت لقيت شوية زيت صغيرين على المساعد من فوق مش عارف كان موجود من قبل كده ولا دا من الخبطة رجاء الافاده

**just4fun** · 22-04-2011 05:19 PM

اية يا شباب 5 مشاهدات و مفيش ولا رد ؟؟؟

**HOSSAM99** · 22-04-2011 06:03 PM

السلام عليكم
لو حضرتك عايز تطمن علي العربيه ممكن توصل للمحطه و ترفع العربيه و تشوف
أما بخصوص موضوع الزيت اللي علي المساعد ده مش مكان يوصل من المساعد زيت علي ما أعتقد حضرتك شوفت الزيت علي البطاحة الجلد اللي فوق و ممكن الزيت ده يكون مصدره قديم تشحيم أو خلافه

و علي ما اعتقد 40 كيلو سرعه متأثرش أوي يعني و قولنا برضه حضرتك حاسس بأيه و أنت ماشي هل فيه أختلاف قبل و بعد

**just4fun** · 22-04-2011 06:14 PM

مشكووووووووووووور على الافاده يا استاذ حسام ,انا فعلا محسيتش فرق الى قلقنى صوت الخبطة و مكان الزيت اشمعنه كان موجود على ناحية المساعد اللى فوق الفرده اللى خبطت, عموما الف شكر ان شاء الله يكون محصلش حاجة و منتظر باقى اراء الاعضاء

**MOHMED2511** · 23-04-2011 08:02 PM

خير ان شاء الله
حاول لو تبص علي المساعد عند حد بيفهم

**HOSSAM99** · 24-04-2011 03:23 AM

المشاركة الأصلية كتبت بواسطة just4fun

مشكووووووووووووور على الافاده يا استاذ حسام ,انا فعلا محسيتش فرق الى قلقنى صوت الخبطة و مكان الزيت اشمعنه كان موجود على ناحية المساعد اللى فوق الفرده اللى خبطت, عموما الف شكر ان شاء الله يكون محصلش حاجة و منتظر باقى اراء الاعضاء

العفو يا فندم و إن شاء الله بسيطه و مفيش قلق
و بالنسبه للشحم في ناحيه واحده وارد أن يكون حد حط زيت في ناحيه و التانيه لأ

**Ahmed.TV** · 24-04-2011 04:08 PM

ان شاء الله خير , وميكنش حصل حاجة , ياما بناخد مطبات واكبر مت كدا ومبيحصلش حاجة

ولو عايز تتطمن لو اقرب مركز صيانة ليك ومتستناش معاد الصيانة وقولهم عاوز اطمن وابص على المساعد عندى , واكيد حيقوموا بالواجب وابقا طمنا
تحياتى

**just4fun** · 25-04-2011 12:03 PM

مشكوووووووووووووووووووووو ووووور جدا يا شباب على مساعدتكم ليا انا فعلا بصيت علية و مكنش فيه حاجة الحمد لله جت سليمة و متشكر تانى على مشاركتكم .

**mohamednagib** · 26-04-2011 10:44 AM

الحمد لله انها جت على قد كده .... وزي الرجالة ما افادوك لو عاوز تطمئن .. روح لاقرب مركز صيانة خليه يشيك على المساعدين ...

بالنسبة لي لسة واخد النهارة خبطة محترمة زيك .. لكن كنت على سرعة عالية 100 كم ... و فوجئت ببداية سفلتة جديدة و كانت عالية .... و العربية اترزعت رزعة جامدة و الصوت خضني جدا ... ان شاء الله اخليهم يبصو على المساعدين في صيانة ال5000 كم ان شاء الله . لو ما حصلش حاجة في الفترة دي تستدعي ان اروحلهم بدري