الموضوع: تعديل جنوط النيو سيراتو بالكاربون و تغيير شكلها قول رايك(سلسلة عدل عربيتك بنفسك).

السلام علبكم
ربنا يخليك و على فكره سهل جدا اعمل الجنط بالخط الاحمر مش هياخد اكتر من 10 دقايق بعد رفع العربيه فى البنزينه
و يا باشا انا عملت اسطامبه و عشان كده كل الريش زى بعض طبعا
و تركيبها على الجنط سهله مش محتاجه واحد فنى و لا محترف حضرتك ممكن تعملها لوحدك من غير مساعده اصلا و لكن الشبكه و المرايه الافضل و الاسهل اى حاجه فيها كرفات و منحنيات ان يكون فى واحد بيساعدك طبعا عشان يطلع الفنش تمام
و عاوز اقول لحضرتك انا اصلا دى اول عربيه امتلكها و اول مره اتعلم السواقه و اول مره فى حياتى اهتم بالعربيات اصلا و عاوز اقولك ان انا عملت الحجات دى تحدى لان فى محلات اكسسوارات اشتغلونى او مكنوش بيعرفوا يعملوا اللى انا بطلبه منهم
ده بالاضافه ان محدش فاضى يضيع وقت فى حجات زى و عنده اولويات اهم و مشاغل الحياه كتير
و ان تقريبا بنسبة 100% مش هفتح محل اكسسوارات او حاجه زى دى لان ده مش مجالى
ولكن ممكن اعمل المشروع ده لما اتعلم كل حاجه بالتفصيل الممل فى العربيات و كهربه العربيات و ميكانيكا و كله (دراسه بجد و عملى كمان ) عشان فى ناس كتييييييييييير فتحوا المشروع ده و كان بيكسب فى الاول و بعد كده الصنايعيه بتلعب من وراهم و بيخدوا الزباين عندهم بعد لما ربنا يكرمهم و يبوظوا الحجات اللى فى المحل و يخسروه لحد ما يقفلهاله و يخلوه على الحديده
عشان كده عاوز افهم كل حاجه عشان انا بحب اعمل اى حاجه 100% و محدش يشتكى منها لانها كده فى وشى انا و انا مبحبش حد يزعل منى لان انا مبحبش حد يدسلى على طرف و لا يزعلنى اصلا طول ما انا على حق ,و لو انا غلط مثلا احب اتاسف و اصلح غلطى على حسابى و احاول اراضى اللى زعلته باى تمن لان دى كرامتى و سمعتى و دى اغلى حاجه عندى و عند اى حد طبعا .
فلسه شويه لما اتمكن من كل حاجه فى العربيات ممكن افكر فى كده لكن دلوقتى انا واخد الموضوع هوايه و تسليه و تعليم و كده يعنى و بحاول اتعود على الشغل الصح و اتقان على اد ما اقدر و اكيد فى ناس بتفهم احسن منى 100 مره طبعا و انا مجيش حاجه جنب اى حد فاتح محل و دى مهنته و لكن انا بحاول اتعلم لنفسى فى الوقت الحالى و اعرف اه اللى ممكن يتعمل و اللى ممكن تجيبه جاهز .مثلا الريش اللى انا عاملها جبت فكرتها من على النت و دى صورتها



اضغط هنا لمشاهدة الصورة بالحجم الطبيعي.

و انا متعاملتش مع محل جو و لكن شكلهم فاهمين لانهم بسم الله ماشاء الله فتحين فروع و ربنا يفتح عليهم
و ان شاء الله هسافر الصين و اشوف الجديد و ربنا يسهل
و انا شفت الصوره على النت و عجبتنى و لكن تمنها كان اغلى بكتير من اللى انا كلفته و فى النهايه حضرتك تحكم و تشوف الفنش زيها و الا لا و لو باظت ممكن اعرف اصلحها او استبدل اى ريشه و لكن الجاهزه مكنتش هعرف اصلا ؟؟؟ صح
تمنها من على النت $75.99 غير الشحن و الضرايب و لو فى جمارك و الذى منه و كمان اللى هيركبهالى كمان و هلم جره يعنى الموضوع ممكن يخش فى على الاقل 100 دولار و ممكن اكتر من كده يعنى بالميت 500 او 600 او كتر و انا كلفتها عشر التمن او اقل و الحمد لله زيها بالظبط ,يبقى مين اللى بيفكر صح ,
ده لينك الموقع كمان
kia forte 2010 cerato wheel carbon mask sticker

و كمان لما اجى افتح محل هحاول انى ابيع الحجات رخيصه و فى المتناول عشان الزباين تكتر و دى نظريه علميه
اللى بيبيع رخيص اوى بيبيع كتير و يكسب كتير و يجيب كميات اكترو يكسب اكتر و العكس صحيح
و الا رائى حضرتك اه؟؟؟؟؟؟؟؟؟؟؟؟؟؟؟؟
و على فكره انا عملت كذا عربيه من غير ما اخد شلن لانها هوايه و العربيات كانت بتاعة اصحابى او اقاربى فقط
و سعات انا اللى كنت بجيب الخامات على حسابى لانهى كنت بعملها هديه لانها رخيصه و بعملها ببعض الخامات اللى انا عندى فائض منها و ده مش مجالى و مقدرش اخد عليها اصلا فلوس لان عربياتهم زى عربيتى بالظبط و هما حبيبى اوى ,انما لو حد غريب ممكن اتحرج اعملها اصلا .........


و عاوز اقولك النت موجود عليه كل حاجه سواء اليوتيوب او جوجل و تسرش و تعمل اللى انت عاوز و تتعلمه كمان احسن من المحلات و تجرب
و كل ما تعمل مره ايدك هتبقى احسن من الاول فى الشغل بالذات الكاربون او الحجات الصعبه و مع الوقت بتبقى سهله اوى و مبتاخدش وقت و هو ده الاحتراف و فى نفس الوقت متقنه و معموله بضمير
و يا ريت مكنش طولت على حضرتك و اكون افدتك
فى النهايه طول مانت بتعرف انجليزى و كمبيوتر و تعرف تسرش على النت تقدر تكون احسن من اى صنايعى فى اى محل 100 مره بس هتاخد وقت طبعا و مجهود و مصاريف و هتهدر خامات فى الاول بس و بعد كده كمان هتعرف محلات الجمله ووحده وحده هتعرف من ابن تاكل الكتف
و السلام ختام

والله انت برنسسسسسسسسس ربنا يوفقك يا معلم ويديك على قد نيتك