انا الحمد لله حجزت الاكسنت ار بى الهاى لاين بالجنوط من فرع هيونداى فى المنصورة و الاستلام على اخر الشهر ان شاء الله
يا ريت يا جماعة اللى اشتروا العربية ينصحونى باى نصائح مفيدة وايه اللى بستلمو مع العربية
انا الحمد لله حجزت الاكسنت ار بى الهاى لاين بالجنوط من فرع هيونداى فى المنصورة و الاستلام على اخر الشهر ان شاء الله
يا ريت يا جماعة اللى اشتروا العربية ينصحونى باى نصائح مفيدة وايه اللى بستلمو مع العربية
1000000000000000000000000 مبروك ياباشا بس من فضلك تقول لنا مواصفتها
المواصفات: تيبترونيك جنوط طارة مالتى بلوتوث
شكرأ لحضرتك بس ياريت مقاس الجنوط و كام ايرباج
من غير اير باج ومقاس الجنوط احتمال يكون 14
شكرأ للأهتمام و سرعة الرد
الف مبروك وربنا يكرمك ويباركلك في العربيه
الاريال احيانا بيبقى مفكوك ومحطوط في كيس ومحطوط مكانه كاوتشه
لازم تستلمه ...والافضل متركبوش الا لو مسافر لانه سهل يتسرق وكده كده الراديو شغال بدون اريال داخل البلد لان الارسال قوي
لو حضرتك حاجز تبع معرض يبقى هيسلمك العربيه ويقولك ورق الاعتماد جاي بكره ...بلاش تستلم العربيه الا لو ورقها كامل
:1- المبايعه باسم حضرتك.
2 - شهادة بيانات العربيه فيها اللون ورقم الماتور والشاسيه.
3- الافراج الجمركي بتاع العربيه.
خطوات الترخيص :
1-شراء ورق سياره جديده "لوترخيص 3سنوات تمنه حوالي 50 جنيه"
2-شراء الطفايه والمثلث ودفع التأمين الاجباري"3سنوات تأمين ب310 جنيه.
3-فحص العربيه.
4-شباك التراخيص ودفع الضريبه "3سنوات حوالي 820 شامله تمن اللوحات المعدنيه .
5 -ايصال حجز لوحات معدنيه.
6-استلام الرخصه.
7-استلام اللوحات المعدنيه وخليه يديك بلاستيكات بزياده عشان ممكن تتكسر اثناء تركيب النمر.
8-لوعرفت تاخد النمر تركبها بره يبقى افضل عشان السمكري هيبقى اشطر من اللي بيركبوها في المرور.
وفي النهايه ربنا يبارك لك في العربيه .
اول ماتستلم العربيه لاتنسي
-الهم اني اسألك من خيرها وخير ماهي له واعوذ بك من شرها وشر ماهي له.
-دعاء الركوب: سبحان الذي سخر لنا هذا وما كنا له مقرنين وانا الى ربنا لمنقلبون.
-طلع صدقات للفقراء بنية ان ربنا يحافظلك عليها .
-لاتنسى قراءة المعوذتين صباحا ومساء لان العربيه شكلها ملفت كدا وربنا يحفظهالك من العين.
الف شكر يا دكتور امير و الف مبروك على العربية .
و اسمحولي اكتب اسمي بالرصاص معاكم :)
حجزت Accent RB GLS الفئة الي قبل ال 122 على طول :)
بس يارب تيجي الدفعة الي جاية اصلا :(
بجد شكرا ليك اوى يا دكتور امير على المعلومات القيمة دى
انا حاجز من هيونداى غبور فرع المنصورة وقالى الاستلام احتمال يكون اخر الشهر ان شاء الله
و الله يبارك فى حضرتك يا دكتور امير
ان شاء الله نتواصل مع بعض على طول
ول اختبار قيادة سريع للاكسنت RB في دبي
First Drive: Hyundai Accent 2012 in the UAE | Drive Arabia : Dubai / Abu Dhabi [UAE, Saudi, Bahrain, Qatar, Kuwait, Oman & GCC]
ودي اقل فئة .
الخلاصة :
- وسع داخلي جيد جدا
- تصميم جميل
- خامات داخلية جيدة (مثل باقي المنافسين)
- ثبات جيد جدا و هي بجنوط 14 بس
- تحتاج لتعديل الاتجاه على السرعات العالية ( مثل باقي فئتها )
- صوت الرياح و المحرك على السرعات عالي شوية
- المحرك جيد جدا و ناقل الحركة جيد
- التكييف جيد جدا
وفي الاخر بيقول انه ميقدرش يطلع فيها حاجة غلط , بالنسبة لسيارة اقتصادية صغيرة .
يعني ماشاء الله العربية تقريبا لا يعيبها شيء "حيوي" او جوهري .. و في انتظار باقي المواقع .
ألف مليون مبروك و ربنا يباركلك فيها و يكفيك شرها
دكتور امير لو سمحت لو عربيتك اوتوماتيك
هى كام سرعة 4 ولا 6 ؟؟
شكرا ليك مسبقا
ملحوظه جديده : العربيه لما بتحمل فيها افراد بتهبط جامد في المطبات معرفش دا عادي ولا ايه ؟؟؟
انا هاسألهم في صيانة الالف عليها..
ملحوظه 2:
الجزء اللي ورا الفتيس في الكونسله"مكان حامل الاكواب" بيسخن في المشاوير الطويله ..
يا جماعة...اللي بيقول ان العربية بتهبط لما بيركب معاه حد احب اقول له ان ممكن تكون مشكلة في سيارته بس
انا باستمرار بيبقي معايا من اتنين الي اربعة غبري ...وبتبقي السيارة كويسة جدا وتسارعها كويس اوي وطبعا كل دا والتكييف شغال لان جو السعودية معروف
بصراحة العربية دي في فئتها وسعرها راااااائعة
علي فكرة...هي تعتبر من ارخص السيارات في السعودية
تمنها للجير العادي زجاج كهربا 37.5 الف ريال
والجير الاوتو 42 الف ريال
انا الأن في التوكيل في صيانة ال1000 كم وقولتلهم على العيوب دي وهاشوف ايه النتيجه
حبيبي انا بحكيلك عن سيارتي...مش نقلا عن حد تاني
وزي ما قلت قبل كدة انا مشيت بيها علي طريق مكة وكنا خمس افراد غير الشنط والتكييف شغال وسرعة السيارة 190 كيلو في الساعة وكان ممكن ازود لكن بأمانة انا خفت لان السيارة برضوا صغيرة مش زي الكابريس او المرسيدس
وعلي فكرة انا سوقت سيارات كتير بصراحة هي اجمد سيارة في فئتها تماما اللهم الا لو طلعت للكروز
حد محتاج يسأل على حاجه في التوكيل ؟ انا قدامي هنا لحد الساعة 4
سالت على الالنترا الجديده قالولي لسه مفيش خبر رسمي الحجز يبدأ امتى
الظاهر يا جماعة أن فى فرق ما بين الهيونداى المصرى و الخليجى لأن الأخ صاحب العربية المقيم فى مصر بيواجة مشاكل مش بيعانى منها خااااالص الأخ المقيم فى السعودية ...... أعذرونى يا أخوانا بس الواحد من كتر ما شاف فساد فى البلد دى :00020140: ممكن يتوقع أى حاجة
صح كلامك.....كل سوق بتتفصل العربية علي مواصفاته
يعني هنا مثلا التكييف بتاع الهيونداي بيبقي سبب كبير من اسباب نشاط مبيعاتها في السعودية هنا
ودا بيختلف عن التكييف اللي بينزل مصر كليا
كمان السيارة هنا ببتعرض لعوامل جوية شاقة جدا جدا
انما في مصر المشاكل مختلفة اكترها في نظام التعليق والعفشة ....الخ
عشان كدة تلاقي يقولك سيارة مواصفات خليجي
بس والله يا جماعة مش دا اللي يزعل
اللي يزعل بجد انك تلاقي هنا اقتناء السيارة زي اقتناء حذاء عندنا في مصر
بمقدم 5000 ريال وقسط 700 ريال تقدر تاخد سوناتا من التوكيل بالتأمين الشامل عليها
انما في مصر.....سلخ
الهيونداي هنا بـ 37.5 في مصر اكيد معدية ضعف المبلغ دا
الكروز بـ 55 الف
الكامري بـ 65 الف
واذا قلنا نشتري من هنا وننزل بيها مصر نلاقي الجمارك بتدبحك
لكي الله يا مصر
تعرفوا يا جماعة..... أنا كنت خلاص ناوى أشترى ال Gen 2 لكن أول ما شفت ال RB بصراحة بهرتنى :O_stupid[1]:
و بقالى مدة متابع أخبارها و تخيلت أن الجيل التالت للهيونداى هيكون مختلف ومش هنلاقى فية المشاكل اللى كل المصريين بيعانوا منها على مر السنين لكن للأسف الشىء الوحيد اللى بيتغير هو الشكل وبس ...... يعنى العربية مفيهاش وسائل أمان خااااااااااالص ولا حتى airbag واحدة ولا فرامل abs & ebd و فيها نفس عيوب الفرنا يبقى أية اللى هيخلينى أجيب الهيونداى المصرى تانى ؟
عشان شكلها حلو ؟ مينفعش يكون هو دة السبب الوحيد لشراء عربية ب 94000 جنية :dontudear:
الظاهر أن الجواب النهائى هيكون بروتون :verygood: جايلك يا جين تو :7_6_5v[1]:
يا ريت دكتور امير تقولنا عملت صيانة الالف فين وايه اللى حصل وايه المشاكل اللى قولتلهم عليها وايه كان رد فعلهم يعنى اهتمو ولا انكروا كالعادة !! واكيد الانظار كان بايظ بردوا صح؟؟
وايه الحاجات اللى غيروها او عملو ليها صيانة واتكلفت كام وكده
شكرا ليك مسبقا
-استلمو العربيه في توكيل ابو رواش بالحجز برقم التليفون 16101 الساعه 1 ظهرا...موعد التسليم كان 4:30 ولكن الساعه 3:30 عملو لي نداء بالميكروفون الداخلي اني اتوجه للاستقبال لاستلام العربيه.
-العيوب اللي قولتلهم عليها :
-العربيه بتخبط في مطبات الهواء مع تحميل فردين.
-السخونه في الكونسله ورا الفتيس.
-الفرامل ضعيفه.
- العربيه احيانا بيحصل فيها رجه بسيطه على السرعات البطيئه فقط.
........
النتائج:
-تم تغيير زيت شل الترا 10 الاف كم وفلتر زيت ودفعت 260 جنيه." وادوني فلتر هواء هديه بكرتونته "عرض خلال شهر مايو.
-السخونه بتاعة الكونسله لم تظهر حتي بعد قياده مسافه 50 كم من التوكيل لحد البيت "معرفش كان ايه العيب ".
-تم تربيط العفشه وتم تربيط مسمار الميزان الخلفي " لسا لما ابقى اركب فردين معايا هجرب واقولكم الاخبار ايه" ..ولكن الدبدبه في المطبات قلت كتير.
-تم عمل رجلاش للفرامل والحمد لله اتحسنت عن الاول كتير.
- موضوع الرجه :كشفو على العربيه بجهاز جي سكان وقالولي العربيه تمام والعيب من البنزينه"كنت بحط 92 من تام اويل ....:مكدبتش خبر حطيت بنزين 92 بردو بس من محطه الوطنيه بتاعة الجيش وفعلا لحد دلوقتي الرجه ماحصلتش تاني.
...الحمد لله الناس قابلوني باحترام شديد وخاصة لما عرفو اني عضو في منتدى نايل موتورز ...وطلع مهندس جرب معايا العربيه
وقالي لو في اي حاجه شرفنا واحنا نعملهالك وانت معاك ضمان.
انا قولت لازم قبل ماانام اقولكم على اللي حصل معايا ...واي ملاحظه على العربيه ان شاء الله ربنا يقدرني وانقلهالكم ...
ملاحظات علي التوكيل فرع ابو رواش:
-التوكيل اول فتحه يمين بعد بنزينه الامارات قبل داندي مول الصحراوي قبل البوابات.
-الافضل لو هتحجز يوم الجمعه يبقى المعاد بعد صلاة الجمعه او بدري " 10 صباحا او 1 ظهرا "عشان المسجد بعيد حوالي15 دقائق مشي من التوكيل وطبعا الجو كان شمس جدا ......"المره الجايه هاحجز الساعه1 وابقى اصلي الجمعه في الطريق قبل ما اوصل التوكيل.
-الانترنت مش شغال في الاستراحه" اخدت معايا المودم بتاع اتصالات".
-الكافتريا مستواها معقول" الميه الصغيره ب 3 جنيه والنسكافيه ب 4 جنيه وكان في ساندوتشات بس انا ماجربتهاش".
-في شاشه عرض كبيره في االكافيتيريا.