رابطه مالكي الاكسنت الrb :تقرير عن السياره من كل مالكيها في المنتدي

اقتباس:

---

المشاركة الأصلية كتبت بواسطة tagomda

لعربية بقالها معايا شهرين العربية ما شاء الله زى الفل كل حاجة قالها الاخ بالظبط بس احب اضيف ان الموتور الحمد لله فى الشد زى الفل و خصوصا بعد صيانة الالف وجراية اوى اكتر حاجة مضايقانى فيها الريموت مش بيفتح الشنطة و لازم تعمل صوت فى الفتح و القفل بس انا معنديش تزييق فى العربية خالص و نصيحة ليك تعمل صيانة الالف فى ابو رواش و هتدفع تمن الزيت فقط و انت هناك قولهم على التزييق ديه و المفروض هيديك ميعاد للهياكل

---

دوس على الزارا الى بيقفل الباب شويه مش هتعمل صوت وهيه بتفتح وبتقفل وادعيلى :]

اقتباس:

---

المشاركة الأصلية كتبت بواسطة ahmedrb

ثوانى ثوانى انا والدى معى أكسنت RB شهر فبراير 2011 .
اقول الاجمالى
1- العداد 12500
2- عدد السفريات 8 مرات
* المميزات
1- ثبات فوق الائع بنسبة لهذه الفئة احنا جربنا 160 بدون شهور بسرعة السيارة دون اهتزاز , دون تنطيط , دون شعور بهذة السيارة
2- سحب قوى جدا
3- شنطة واسعة جدا
4- كاسيت CD ستريو 4 سماعات + 2 تويتر + aux + usb + cd + sound velocity
5- تقفيل فوق فوق فوق الممتاز
6- باور كهرباء بمعنى الكهرباء مش بتاع النترا الشكل القديم
7- زجاج كهرباء للسائق auto down
8- مريات جانبية كبيرة الحجم + اشارات
9- شكل عصرى جديد + طبلوه فخم
10- فرش ضد الحريق
11- عفشة مريحة جدا
12- كمبيوتر رحلات
13- eco system
14- محرك جبار بنظام cvvt
15- اوتوماتيك step tronic
16- سعر اعادة بيع سهل جدا
17- سهولة الصيانة
18- اضل استهلاك بنزين فى فئة 1600 cc
العيوب
1- عدد النقلات قليل على قوة المحرك و يجب ان يكونوا 6 نقلات و ليس اربعة لراحة المحرك
2- جنط صغير الحجم و يجب على الأقل r14/185 و ليس R14/175 لزيادة الثبات أكثر
3- عدم وجود وسائل الامان و لكن هذا معتاد من غبور
4- جهاز انذار مش مرتحم صوت زى سرينت العجل و متركب كمان فى مصر
5- عدم وجود انوار شبورة
6- تنك بنزين صغير و لكن هذا لدى الى زيادة الشنطة
7- صوت المحرك العالى على السرعات العالية
8- التكيف جيد و لاكن لا يقدر ان يصل الى مستوى اليابانى و لاكن افضل من الأوروبى
9- سعرها العالى جدا بنسبة لمنافسيها
منافسيها الذين يتفوقون عليها فى بعض الأشياء و هى تتفوق فى الباقى و لكن للفئات الاوتماتيك فقط.
1- نيسان صنى super salon: (جنط المقاس الأكبر - وسائل الأمان - انوار الشبورة فتح الشنطة من المفتاح) = أسباب التفوق
ضيق المساحة - التقفيل الى حد ما مقبول - الشكل الكلاسيكى - الطبلوه الفقير - الكماليات العادية - طول السيارة بدون أى نتيجة - عدم الراحة الخلفية - استهلا بنزين عالى - صاج ضعيف - عدم وجود تكنولوجيا فى المتور او حتى فى السيارة من الداخل) = اسباب الرفض
2- رينو سكالا H.L : تتفوق فى كل شئ
( سعر اعادة البيع و ضيق السيارة) = الرفض و هى فى نظرى هى السيارة الافضل من أكسنت RB و لاكننا نسينها , بس نشكر الله و نحده واللهم بارك فيها
3- شيفرولية اوبترا: لا تتفوق فى أى شى سوى ( فتح الشنطة من الريموت - انوار شبورة - ثبات أفضل - جنط أكبر)
4- بروتون بريسونا : مثل نيسان صنى و( لاكن مساحتها أكبر و صاج أقوى و كماليات اكثر ) , سعر اعادة بيع ضايع , توكيل سئ ,ركة لم تظهر الى النور بعد و لاكن بعد فترة ان شاء الله تصل الى العملاق الكورى.
5- بروتون جين 2 : مثل شقيقتها الأكبر
6- ميتسوبيشى لانسر : سعرها عالى - كماليات ضيئلة - متور صغير الحجم بصراحة لا ننفوق فى اى شئ خالص سوى العشة و بس
7- كيا ريو : ههههههههههههههههههههههههه هه دى الصغيرة بلاش كلام سوى التوكيل المحترم هى حلوة بس مش لدرجة اكسنت RB
بصراحو ومن الاخر المنافس الحقيقى لأكسنت RB = رينو Scala و نيسان sunny
لو معاك 105000 متشتريش غير واحدة من الثلاثة لو بجد لو عاوز المفيد.
و المعلومة الاخيرة لو سمحت اى واحد فى المنتدى ميقولش دى كورى لا دى يبانى اصل مبحبش و مبكرهش أنا شايف الكورى يتفوق على الاوربى و اليبانى فى بعض النقات فيوم مشترى عربية فكر صح انتا عاوز
عاوز عربية ( عالية - AT/MT - سيدان و لا HB - كماليتها - امنها - مستريحلها) و اسف على الاطالة و ربنا يفوق الجميع

---

thnx alot

اقتباس:

---

المشاركة الأصلية كتبت بواسطة dramir1

2-عجباه في ايه:كرسي السائق مريح-صوت الموتور هاديء- التكييف ممتاز-البلوتوث للموبايل-السي دي ممتاز والسماعات -الشنطه واسعه- الفتيس ستيبترونيك-الباور كهربا وناعم جدا.
3-مضايقاه في ايه:
-تزييق شويه في الكرسي مع المطبات.
-الانذار مفيش فيه قفل وفتح بدون صوت فلازم كل مره وانا بقفل او افتح العربيه يعمل صوت وانا مش بحب ازعج الناس.

4-كان نفسه يبقى فيها ايه: -فتح الشنطه من الريموت-الدركسيون يعلى ويوطي-وحدات رفع للزجاج-gps .
يكون عليه خرايط مصر.

نصيحة توجهها لمن يريد ان يشتري:
العربيه حتى الان ممتازه ومفيش عربيه في سعرها بضمان 3 سنوات بنفس الكماليات ..ولكن لو في امكانية للانتظار استنى لماتشوف الالنترا الجديده سعرها هيبقى كام عشان لو قريب منها يبقى اكيد هيكون افضل من حيث الاتساع والكماليات.....ولو امكانياتك تسمح تشتري مرسيدس او بي ام جديده طبعا احسن مليون مره من الهيونداي ولكن بلاش تدور على مستعمل الا من حد انت شايف عربيته دايما قدامك لاني هلكت شهر في الكشف على المستعمل ولكن للاسف اكتشفت ان المستعمل نادرا لما يكون كويس وغالبا سعره بيبقى قريب من الزيرو...
"الهم يسر لكل اعضاء نايل موتورز شراء السيارات اللي تريحهم ويستخدموها في رضا الله"

---

مبروووووووك ع العربية يا دكتور امير بس هو حضرتك مش معتبر نيسان صنى سوبر صالون دى عربية عشان تقول (ومفيش عربيه في سعرها بضمان 3 سنوات بنفس الكماليات) !!!
علما بان كماليات الصنى اكبر بكتير من الrb ونبدأ بما ينقص حضرتك فى الهيونداى من فتح الشنطة من الريموت والانذار الصامت وطبعا تحريك الدركسيون لأعلى واسفل والتحكم فى مستوى ارتفاع كرسى السائق وضمان 3 سنين او 100 الف كم وانتهى بفرامل abs+ebd و2 ايرباج وجنوط 15 بوصة مقاس 185/65 كتجهيز قياسى وفراملها قوية جدا حتى بدون الabs
لذا لزم التنويه ..

الهاي لاين فيها ايرباج و abs ولا لا ؟ و جنوط مقاس كام

و بالنسبة للتقفيل كوري ولا بلد تانية

ايه الفرق بين الفئه المانيوال والهاي لاين غير ان دي مانيوال ودي اتوماتيك
وهل فرق الكماليات اعرف اعوضه ولا لآ؟

اقتباس:

---

المشاركة الأصلية كتبت بواسطة drcobra

يا جماعة انا جبت العربية من حوالى شهر العربية بسم اله ماشاء الله عليها
لكن انا عندى استفسار بسيط
العربية تيبترونيك لما بنقل الفتيس من p الى R بسمع صوت غريب واحس بعضة جامدة جدا وكأن العربية كلها بتتهز معاياالموضوع دة بيحصل احيانا مش عاطول العربية عاملة 2000 كيلو بس
ياريت نصبحة منخبراء الار بى

---

نفس الحوار حصل معايا ... جرب قبل ماتجيب علي p تكون دايس فرامل كويس وشد الهاند بحيث ان العربيه واقفه بثبات
وان شاء الله هتظبط

كنت ناوى اشترى الفئة الاولى اوتوماتيك بس بصراحة اللى بسمعه من اللى جرب العربية حيرنى جدا مفيش واحد قال مفيهاش عيوب وكلها عيوب متعلقة بالثبات واصوات غريبة بتتسمع وحاجات بتبوظ زى لمبة النور العالى فى التابلوه والانذار والكاسيت وكلها عيوب خطيرة مش بسيطة ... ونسبة التعليقات اللى بتقول مفيهاش مشاكل قليلة جدا يعنى احتمال انى اعانى من المشاكل اللى سمعتها فى العربية احتمال عالى مش قليل
بس كنت عاوز استفسر
1- هو فعلا الباور بتاعها مش بيفصل ولو بيفصل يبقى على اى سرعة ؟؟
2- دى ول مرة اشترى زيرو وعاوز اعرف هى المشاكل اللى بسمعها دى وارد حدوثها وبنفس النسبة العالية فى اى عربية تانية يعنى مثلا زى الصنى والشارك والاوبترا وغيرهم ؟؟؟
3- ممكن حد يقولى الفرق بينها وبين الاوبترا الاتوماتيك ؟؟؟
4-هى العربية rb تقفيل مصرى ولا حاجة تانية ؟؟؟
وشكرا ليكم جدا

عندي العربيه
وكنت محتاج كتالوج العربية
ولو حد عمل فرش عمله فين واتكلف كام وينصح بايه
وشويه صور للفرش بقا

Road Test: 2012 Hyundai Accent - YouTube
دى فيديو ممكن يفيد الناس