الموضوع: رابطه مالكي الاكسنت الrb :تقرير عن السياره من كل مالكيها في المنتدي

احمد الله انه وفقني لشراء الار بي وهي الحمدلله كويسه بس الي يقدر يزود ويجيب الفئه الهاي لاين او الي قبلها ممتازه جدا وبصراحه انا مسقتهاش كثير بس بقالها اسبوع معايا بحمدالله كويسه في المجمل وانصح الي ناوي يشتريها يجربها ضروري قبل مايشتري ويستخير ربنا

المشاركة الأصلية كتبت بواسطة dramir1

الله يبارك في حضرتك...بالنسبه للعفشه بالمقارنه باللي جربته فقط هي انعم من السوزوكي بالينو والاوبل فكترا 2003 والنيسان تيدا واللانسر شارك والسيراتو واللانسر بومه ...بس معرفش هل دا هيؤثر على ثباتها بعد ال120 ولا لأ ....انا اقصى سرعه مشيت بيها النهارده 100 والحمد لله ثباتها مقبول جدا.

اوبتراولاrb

هات rbكامله بفتحه او بدون ومش هتندم

الحمد لله خدت خبطه في العتب اليمين بمسافه 50 سم ودخلت لجوه
فسمعت اني ممكن اعمله بنظام الشفط يعني مش بالتخريم بحته نحاس تتلحم فيها وتتشد
في حد ممكن يسعدني بحد اروحله يعملهالي لاني مش عايز موضوع التخريم وشلكه مضيقني
وياريت يكون انسان امين وشغله محترم ويفضل يكون في الهرم او الجيزه

ار بي عربيه ناعمه و متسمعلاش صوت عزل جميل سحب 10\10

الموتور وعموله عزل فى كل الفئات ؟

بسم الله الرحمن الحيم,

انا الحمد لله ربنا كرمنى و اشتريت اكسنت RB و دلوقتى ماشى بيها حوالى 13000 km العربيه ممتازه بجميع المقاييس سحب , تجميع , جرى , شكل , صالون
الا المشكله اللى كانت منغصه عليا حياتى 2 او 3 يركبوا ورا واتفرج يا معلم على السيرك اللى بيحصل اى مطب هوا صغير تحس ان العربيه بتتهبد و بتتنطط لدرجه عقدتنى و وصلت لدرجه انى كنت هابيع العربيه لحد لما شوفت تعليق لشخصيه محترمه هنا انه راح و عمل قلق فى غبور ابورواش و غيروله المساعديين بمساعديين معدليين بصراحه قلت اجرب مش هاخسر حاجه " وخاصه انى دافع شقى عمرى فيها " ف دخلت على موقع www.hyundai-egypt.net و عملت شكوى بخصوص المساعديين و بصراحه و لاول مره احس ان فيه اهتمام ردوا عليا بايميل بعد يومين سألوا عن رقم الموتور و الشاسيه و رقم الموبيل و انهى مركز خدمه رحته و اشتكيت بسبب المساعدين و اسم المهندس اللى "نفضلك هاهاهاهاها" بصراحه انا كنت مارحتش صيانه خالص انا بغير زيت و فيلتر بره التوكيل فبعد الشرح قولتلهم ان اقرب مركز خدمه ليه و انا من السويس هوه فرع العبور , المهم تانى يوم لقيت مهندس اسمه وجدى بيكلمنى و بيقولى ان المساعدسسن مش موجودين دلوقتى و ادانى رقم واحد فى قطع الغيار اتابع معاه و بعد اسبوع بالظبط المساعديين وصلوا و الراجل بتاع قطع الغيار قال لى حاول تييجى على طول احسن يتباعوا فى ساعتها روحت على مركز غبور العبور بصراحه انا اتوهمت من الشياكه و النظافه سألت على المهندس جيه خد منى العربيه الساعه 1 و استلمتها الساعه 4:30 بعد ما غيروا المساعديين نييجى بقى للسسبنس المهم "ان ان ان اااااااااااان"
كنت واقف طبعا شايف عربيتى من فوق فى التوكيا و لحسن الحظ جابوا العربيه تحتى مباشره و كنت شايف كل حاجه و اول ما فك المساعد و جاب المساعد الجديد انا اتصدمت المساعد القديم حتت حديده انما المساعد الجديد شبه دانه الدفع هههه بصراحه فرق شاسع "المهم لازم تتأكد ان اللى هايتغير المساعديين المعدليين" وبعد كده استلمت العربيه و مشيت على الصحراوى على 180 وعمال البس مطبات علشان اجرب بصراحه العربيه اختلفت تماما العربيه بقت فوق الممتازه اللى ناقصنى ان شاء الله اجنط 205/50/R16 و العربيه هاتبقى احسن من ال BMW هاهاهاهاها

المهم يا جماعه حاولوا ما تتنازلش عن حقك العربيه اختلفت تماما و ربنا يباركلنا فيها يا رب.