الموضوع: رابطه مالكي الاكسنت الrb :تقرير عن السياره من كل مالكيها في المنتدي

ياريت كل ملاك العربيه يدخلو يقولو انطباعتهم عن العربيه عشان نفيد الناس اللي بتفكر تشتري
واكيد كلنا استفدنا من اخواتنا هنا في المنتدي في اقسام كتيره"انا عن نفسي باقدم خالص الشكر لكل الاعضاء اللي افادوني كتير عن عربياتهم وخاصة قسم الاوبل-نيسان-سوبارو-... قبل الشراء ولولا ردود اصحاب السيارات الاخري عن عيوب ومميزات سيارتهم
لما تمكنا نحن من اتخاذ قرار شراء سيارتنا والهدف من الموضوع هو الصدق بدون تحيز لسيارتنا حتى يستفيد المقبلين على الشراء.
كل واحد يكتب:
1-فئه العربيه بتاعته... معاك بقالها اد ايه.
2-عجباه في ايه.
3-مضايقاه في ايه.
4-كان نفسه يبقى فيها ايه.
5-عامل كام كم بيها لحد دلوقتي.
6-لو عملت صيانه في التوكيل تقولنا عملو معاك ايه ودفعت ايه في فرع ايه.
نصيحة توجهها لمن يريد ان يشتري:

انا هبدأ بنفسي

1-فئه العربيه:تاني فئه اتوماتيك "بيقولو عليه هاي لاين ولكن في فئات اعلى منها بكتير"
معايا بقالها يومين فقط
2-عجباه في ايه:كرسي السائق مريح-صوت الموتور هاديء- التكييف ممتاز-البلوتوث للموبايل-السي دي ممتاز والسماعات -الشنطه واسعه- الفتيس ستيبترونيك-الباور كهربا وناعم جدا.
3-مضايقاه في ايه:
-تزييق شويه في الكرسي مع المطبات.
-الانذار مفيش فيه قفل وفتح بدون صوت فلازم كل مره وانا بقفل او افتح العربيه يعمل صوت وانا مش بحب ازعج الناس.

4-كان نفسه يبقى فيها ايه: -فتح الشنطه من الريموت-الدركسيون يعلى ويوطي-وحدات رفع للزجاج-gps .
يكون عليه خرايط مصر.

5-عامل كام كم بيها لحد دلوقتي:130 كم.
6- صيانه في التوكيل:: لسه ماعملتش


نصيحة توجهها لمن يريد ان يشتري:
العربيه حتى الان ممتازه ومفيش عربيه في سعرها بضمان 3 سنوات بنفس الكماليات ..ولكن لو في امكانية للانتظار استنى لماتشوف الالنترا الجديده سعرها هيبقى كام عشان لو قريب منها يبقى اكيد هيكون افضل من حيث الاتساع والكماليات.....ولو امكانياتك تسمح تشتري مرسيدس او بي ام جديده طبعا احسن مليون مره من الهيونداي ولكن بلاش تدور على مستعمل الا من حد انت شايف عربيته دايما قدامك لاني هلكت شهر في الكشف على المستعمل ولكن للاسف اكتشفت ان المستعمل نادرا لما يكون كويس وغالبا سعره بيبقى قريب من الزيرو...
"الهم يسر لكل اعضاء نايل موتورز شراء السيارات اللي تريحهم ويستخدموها في رضا الله"