مشورتكم فى تخزين عفش البيت

**elrasy** · 22-04-2011 04:53 PM

عايز مشورتكم فى تخزين عفش البيت

الموضوع انى مسافر والعفش عايز اخزنة فى شقة واخدها جديد هى الشقة لسة على المحارة, ولسة مفيش ارضية,و مش هقدر اشطب دلوقتى ان شاء الله كمان سنة....

هل اركب بلاط رخيص فى غرفة وابقى اشيلة بعدين لمجرد تخزين العفش علية؟؟؟
ولا احط مشمع وخلاص ولا تنصحونى بحاجة تانية؟؟
ويا ريت لو تنصحونى كمان بشركة نقل عفش كويسة.

**محمد محمد** · 22-04-2011 06:05 PM

ممكن تشطب اوضة تشطيب حلو علشان يبقي تشطيبها مرة واحدة وتقفلها بالباب والشباك وخزن براحتك وممكن متعملش الوش الأخير بتاع الدهان علشان ميتجرحش من العفش مش هتكلفك كتير.

**elrasy** · 22-04-2011 06:30 PM

المشاركة الأصلية كتبت بواسطة محمد محمد

ممكن تشطب اوضة تشطيب حلو علشان يبقي تشطيبها مرة واحدة وتقفلها بالباب والشباك وخزن براحتك وممكن متعملش الوش الأخير بتاع الدهان علشان ميتجرحش من العفش مش هتكلفك كتير.

هى فكرة بس انا عايز اعمل الشقة بمزاج و تكون متناسبة الغرف مع بعض

المهم انت اخبارك اية

**د.أبونضال** · 23-04-2011 02:58 AM

فيه أجزاء في العفش لازم تفضل منصوبة زي الدواليب وما شابهها لأن لو تم تفكيكها وتركها مدة طويلة تتعرض أجزاءها للالتواء. ممكن تشطب أوضة على المعجون وتبلطها ببلاط عادي وتقفلها كويس مع تصفيح الباب بصفيح استانلس زي اللي بيتحط على أبواب الحمامات من أسفل علشان الفئران.

**elrasy** · 23-04-2011 12:37 PM

المشاركة الأصلية كتبت بواسطة د.أبونضال

فيه أجزاء في العفش لازم تفضل منصوبة زي الدواليب وما شابهها لأن لو تم تفكيكها وتركها مدة طويلة تتعرض أجزاءها للالتواء. ممكن تشطب أوضة على المعجون وتبلطها ببلاط عادي وتقفلها كويس مع تصفيح الباب بصفيح استانلس زي اللي بيتحط على أبواب الحمامات من أسفل علشان الفئران.

اشكرك للافادة

طيب لو حبيت اركب سيراميك كويس هل فى تشطيبات المفروض تتعمل قبل السيراميك غير وصلات الكهرباء الارضية