تجربة قيادة نيسان صني سوبر صالون 2011

**husseinthemaster** · 22-04-2011 05:04 PM

امبارح رحت اعمل صيانة الالف للنيسان العربية مش بتاعتي بس اول مرة اسوق نيسان اولا الشكل الخارجي معروف ثانيا صوت قفل الباب ناعم جدا ومكتوم التابلوة خاماتة مش حلوة فقيرة شوية يعني تحس انة ناشف مش طري زي الانسر الكونسول اللي فية زراير التكييف شكلة وحش مش شيك حتي البلاستيك بتاعة تحس انة ردي جدا صوت الموتور والعربية واقفة مش مسموع اطلاقا مفيش اي اهتزازات الفتيس نقلاتة بتحس بيها صوت الموتور مسموع عند الشد صوت الهواء مسموع من داخل السيارة عند التسعين لدرجة اني حسيت ان في زجاج مفتوح صوت الرمل بسمعة بيخبط في الكارتيرة الصاج فوق العجل التسارع بيقل شوية مع التكييف التكييف ممتاز الباور معقول مش ناعم ومش تقيل مثلا النوبيرا احسن منة بمراحل دية ملاحظاتي علي السيارة

**husseinthemaster** · 26-04-2011 01:07 PM

اية يا جماعة مفيش ولا تعليق واحد

**islam_audi** · 26-04-2011 02:33 PM

عقبال صيانة ال 1000000 يا باشا ,يا ترى اخدت وقت قد ايه و اه انطباعك عن الخدمه و المعامله

**husseinthemaster** · 26-04-2011 04:21 PM

ربنا يخليك الوقت حوالي ساعة ونصف والخدمة ممتازة

**egypt0777** · 28-04-2011 08:03 PM

هى فعلا عربية كلاسيك اكتر منها رفاهية

يعنى مش شبابية اكتر

بس عمليه جدا

طبعا بحس انها انشف من عربيات تانية بس عملية جدا

كلامك سليم جدا

البور متوسط - الهوا ممكن تسمهة بعد ال 100 لدرجة انى سعات بيتهيالى ان فيه شباك مفتوح -- الكونسول شكله كلاسيك جدا

بس لما قارنتها بعربيات تانية لقتها عملية جدا جدا جدا ووسائل الامان فيها عالية جدا جدا جدا -- يعنى عربية عملية امنة ب 100 الف و يبانى ( 70%) يبقى هايل