المنيا مش المانيا
عرض للطباعة
بس أنا حاسس أنها ألمانيا
من اسكندرية للقاهرة فى الصيف فى الحر و اليوم ده قفلت بتاع 550 كيلو رايح جى و ناوى اطلع بيها مطروح السنة ديه و الطريق حوالى 330 كيلو من مكانى
اتوكل على الله يا جماعه العربيه تقول و تدوس معاك فى اى مشاور و الله عن تجربه بس تكون اهم حاجه العربيه مظبطها
قلى انا بقى عاوز اقوله الموضوع مش انتا هدوس على دواسة بنزين و تدوس لالالالالالا تعالى نتعلم بقى طريقة السواقه الصح على الطرق الطويله
و لو انتا اتباعة الخطوات دى انتا ممكن تسافر بيها للحد اسوان بدون رست لو عاوز
1- على الطريق خليها تاخد غياراتها براحتها ملهاش لازمه تحرق على الغيار و تضغط عليه الطريق طويل و مفتوح برحتك
2- دلوقتى جيبت بيها مثلا 160 كيلو متر مدوس بقى طول المشوا ر على نفس السرعه حاول تخف شويه و خليك 100 كيلو تاخد نفسها
3- طبعا هيبقى الطريق فى مطالع و منازل تعالى عند المنازل و انتا على سرعتك مور العربيه و شيل رجلك من على البنزين و خليه تمشى و الهوا بردك هيبردها و هى على السلانسيه استفاد ايه خليت العربيه تبرد نفسها من غير ما توقف توفير فى كمية البنزين المسحوب غير كده انتا عاملة رفريش للموتور بتاعك كل بدون توقف
4- انتا دلوقتى مثلا جيبت سرعة 140 كيلو متر هتعمل ايه هتفضل دايس بنزين لالالالا حاول بقى تلقطها ازاى جيبت السرعه قلى انتا عاوزه مثلا 120 كيلو متر خلاص جبت شيل رجلك من على دواسة البنزين هتلاقى بعد فتره السرعه بتنخفض 110 كيلو دوس تانى هتطلع 120 كيلو شيل رجلك و هكذا هتلاقى بردك الدنيا تمام الحركه دى اسمها تلقيط
5- و انتا طالع مطلع بسرعه عاليه و انتا واخد مثلا غيار عالى متذودش بنزين و متحرقش ذياده ثبت رجلك هتلاقى العربيه هتبطىء منك و بعدين هتطلع وهترجع سرعتها تانى
التعليمات دى انا ماشى بيها طول عمرى على الطرق الطويله و السريعه كده بضمن مشوارى بدون اى مشاكل و كده بضمن الموتور بتاعى معلهوش اى حمل خالص و مش بشقيه فى السفريات
ربنا يبركلكم فى عربيتكم
انا قولت اكتب الكلام ده علشان مهم جدااااا
الاخ العزيز engahmedsayed اشكرك على المعلومات وانشاء الله تكون ليا تعليمات امشي عليها عشان احافظ على العربية
ليا بس استفسار عايز اغير المساعدين الامامي وسئلت لقيت فية بولندي واسباني وفرنساوي والماني والالماني فيةمن كذا سعر فياريت تفدني في الموضوع دة لاني اول مرة اغير المساعدين؟ وكمان هي في طريقةاعرف بيها هل المساعديندول كويسين ولا لاء؟ وكمان لو هما الماني بيبقى مكتوب عليهم صنع في المانيا و كلام بياعين بس؟