انا قصدى استاذ فادى اخر يا استاذ احمد
دة عضو فى المنتدى باسم hellboy تقريبا
معا اوبل فيكترا 99 1600 مانوال
وانا صلحت لة الى بى اس بتاعة وهو من دمياط
شوف كده يا باشا.. (صاحب الموضوع)
اللينك دي.. و شوف الاقرب ليك..
http://www.nilemotors.net/Nile/showt...952#post578952
و يا ريت اي حد يعرف حاجة..صيانة او قطع غيار.. حتي لو برة القاهرة.. يقول عليه..
__________________
يا أخوانا جزاكم الله خيرا على المشاراكات الجميلة دى و النصائح الغالية
شكرا جزيلا:S_thum1[1]:
لو تاجر قطع غيار
الحاج / محمد
فى الفيوم - الصوفا
____________________
تم حذف المشاركة
برجاء مراجعة قاعدة رقم 6-ب من قواعد و قوانين المنتدي
مشرف القسم
مع احترامي للأخ المهندس أحمد علاوي
هذه تجربتي الشخصية مع م/ فادي
أولا قمت بتغيير كوتشة كوبلن داخلي / تركيب كاوتشة مزيكا لعلبة الدركسيون/ تركيب جوان لكرتيرة الزيت / سألته عن صوت طقطقة كان محيرني.
و بعد رفع السيارة بعد مدة 50 يوم وجدت الآتي:
1_كوتشة الكوبلن فى مكانها و لا غبار عليها
2_كاوتشة المزيكا (و هي عبارة عن قطعتين بلاستيك زجزاج فى نفس مستوى العلبة _شبه الأكورديون_ بتتحرك و بتفتح مع حركة الدركسيون يمين و شمال يعني بتتمدد و تنكمش على حسب الاتجاه العجل يمين أو شمال و بداخلها يوضع شحم مثل الكبالن و تغلق من الناحيتين لعدم خروج الشحم و لتؤدي وظيفتها) لقيت الكلابسات كلهم أو ثلاثة منهم طايرين مش موجودين يعني كان ممكن العلبة تتلف تماما.
_ بالنسبة لجوان الكرتيرة كان فيه نقط زيت بتتقاطر فقلت أغسل الموتور و الكرتيرة كويس غسيل كيماوي عشان ما اظلمش حد و بعد الغسيل و عند معاينة السيارة لقيت الكرتيرة منشعة زيت .
4_ بالنسبة لصوت الطقطقة كان تشخيصه ان علبة الدريكسيون عايزة تتغير و طلع أن علبة الدركسيون شغالة كويس_ هي مش ممتازة لكن بتؤدي وظيفتها كويس_ رحت لأشرف أوبل العفشجي اللى عنده غير لي مسمار بيسموه مسمار شاسيه فى ربع ساعة من غير مبالغة و راح الصوت و الحمدلله اني مغيرتش العلبة.
فى مرة تانية روحت له ركب لي قميص مروحة تكييف و قميص مروحة تبريد و ظبطلي الصاجة المستعرضة اللى مكانها ورا الاكصدام و دفعت 75 جنيه بالنسبة لى شايف انهم كتير بالنسبة للى بدفعه عند أحمد عبدالراضي.
بالاضافة لأن مروحة التكييف كانت شغالة على سرعة واحدة فطلب مني مقاومة مروحة التكييف سألت عنها لقيتها مش بتتباع لوحدها و لازم اشتري المروحة على بعضها ، رحت لأحمد عبدالراضي شغلي مروحة التكييف عند الحرارة بتاعتها يعني عند ظروف التشغيل بتاعتها و ما اضطرتش اشتري المروحة و الحمدلله و اتأكدت انها شغالة كويس و الحرارة بقت مظبوطة تمام.
اللى قلته من باب النصيحة .
مع الشكر.
اولا طبعا بتاسف للاستاذ محمد اذا كان ورد منى اى خطا فى الاصلاح و لو انى اذا كان فى اى حد هنا من اخونا الزملاء الاوبلاويه صلح عندى قبل كده هيبقى عارف كويس ان لو فيه شغل اتعمل فى عربيته و حصل فى come back لنفس الشغل اللى اتعمل بيبقى على حسابى و مبيدفعش جنيه تانى و لابدخله فى شغل تانى و الحركات اللى انتو عارفينها دى
ثانيا بالنسبه للاستاذ محمد اول مره جالى كان عامل شغل عفشه كامله عند احد الزملاء و الشكوى انه ظهر صوت تزييق فى المطبات بعد الشغل ده و راح بيها اخوان مقار و قالولو ان احنا هنفك العفشه كلها بره و نكشف على حاجه حاجه و يالقينا العيب يا لا و الموضوع ده هيكلفك 350 جنيه مصنعيات فقط
فكلمنى و حكالى قولتلو هاتها نبص عليها و حصل و طلعت اجرب معاه و كان الصوت تحت رجل السائق و قالى ان فى ناس قالتلو علبه دريكسيون و سالنى على اسعارها و قولتلو لان الصوت كان بيظهر مع كسر الدريكسيون كمان ففكيت المساعد لالى تكون السوسته لافه من مكانها وكشفت على البارات و كشفت على القطمه ولقيت ان كله تمام و بعد كل ده قولتله لازم تجيبهالى فى يوم نفك بقى و نشوف الدنيا فيها ايه (بالمناسبه الكلام ده كان الساعه 7 تقريبا وكان الوقت خلاص)و ساعتها اكدتله ان العلبه مفهاش حاجه ومش محتاجه تتغير وهو الكان بيقول ان اكشف على العلبه لان فى ناس قالتلو ان ده علبه دريكسيون و بعد كده مجاش و عملها بره
بالنسبه للشغل التانى قاللى اكشف على العربيه و شوف محتاجه ايه و اى حد هنا بيشتغل فى الاوبل هيعرف مشكله كرتيره الزيت و منع تسرب الزيت من المحرك و ده كان بيحصل فى التوكيل و مع ذلك على عينى و اعملهالك تانى و محتاج راى ابو زهره فى الموضوع ده و هو يقولنا حصلت معاه قبل كده ولا لا
بالنسبه للمره التانيه اللى غيرت فيها قميص 2 مروحه(تكييف و تبريد) ده كانت العربيه واخده خبطه من الامام ومكانش فى حاجه راكبه مكانها و مروحه التكييف كانت قافشه و عامله صوت و الاكصدام قواعده مكسر و محشرين الردياتير بكوتش و حاله صعبه على الاخر و فضيلت معاها واحده واحده لحد مظبتله كل حاجه على اد مقديرت على اصوله وتعبتنى جدا وحديد الاكصدام معجون واعدت استعدل فيه لحد ما ركب بالعافيه و قولتلوه المروحه بتاعه التكييف قاطعه سرعه يعنى القاومه بتاعتها بايظه ودى مش هتلاقيها لوحدها بس اسال عليها وانت نازل تشترى القميص يمكن تلاقى و يبقى حظك كويس فكلمنى و قالى مش لاقيها قولتلو هى مش عامله مشكله دلوقتى قاللى خلاص هبقى اجيبه المروحه كامله بعدين
فكون انه راح لحد عمله قفله على سرعه المروحه علشان تشتغل هو محلش العيب وانا مش بحب الصم
انا طولت اوى و بكرر اسفى للاستاذ محمد و طالما انت مرتحتش معايا فانا اسف وربنا يكرمك بحد كويس يظبتلك عربيتك
شكرا و بكرر اسفى على الاطاله دى
شكرا يا باشمهندس على التجاوب و أحب أوضح لأي حد قرا أو هيقرا كلامنا أن كلامي كله على الشغل و الجانب الفني لكن النواحي الشخصية بعيدة تماما لأن الباشمهندس فادي انسان محترم.
بالنسبة للطقطقة أو التزييق حضرتك ما شخصتهاش بالفعل بأن سببها هو علبة الدركسيون انت قولتلي ده احتمال و لابد من تفكيك العفشة بالكامل عشان نعرف السبب.
لكن حضرتك قولتلى أني محتاج علبة دركسيون و بناء عليه سألت على أسعارها و لعل السبب هو الطقطقة الخفيفة اللى على الواقف و عند الضغط على دواسة الفرامل فى السلانسيه و دي كانت لسبب تاني غير العلبة و اتحلت المشكلة دي برضه عند أشرف .
بالنسبة للمروحة فلو القفلة مش مفيدة فأنا هاغيرها و أشكرك للتنبيه بأن ده مش حل للمشكلة.
بالنسبة للخبطة اللى قدام ماكانتش بالقوة اللى ذكرتها و الا كان الردياتير و السربنتينة اتكسروا و باقى التفاصيل اللى ذكرتها سليمة (قميص المروحتين كانت دراعاتهم مكسورة و الشاسية الأمامي كان داخل لجوا و بيحك فى المروحة) و فعلا بذلت مجهود كبير فى استعداله.
أنا على فكرة متأكد انى لو كنت رجعتلك كنت هتصلح أي حاجة بدون مقابل من غير ما تقول.
لك جزيل الشكر لما بذلته معي من جهد و لأخلاقك الطيبة.
شكرا بجد يا جماعه علي التوضيح الجميل ده و التفاعل المفيد جدا ده.
بجد شكرا.. و انا مبسوط جدا من مستوي الحوار الراقي ده..
ربنا يباركلكم و يكرمكم..