السلام عليكم انا اريد منكم ما فائده الارفام 1 و 2 فى الفتيس الاوتوماتيك بالتفصيل ومخا فائده الزر الصغير فى الفيس
عرض للطباعة
السلام عليكم انا اريد منكم ما فائده الارفام 1 و 2 فى الفتيس الاوتوماتيك بالتفصيل ومخا فائده الزر الصغير فى الفيس
file:///D:/Users/Hantos/Desktop/_UploadImages_yy4116_2005_toyota_corolla_s_009a.jp g
السلام عليكم
زى ماقالو الأعضاء ياباشا ال1/2 هما الغيار الأول والتانى ودول فايدتهم لوحضرتك طالع مطلع وعايز عزم جامد فبتستخدمهم على قدر احتياجك
وكمان لوحضرتك نازل منزل علشان تحكم سرعة العربيه فبتديها التانى علشان سرعتها ماتزيدش ده لو انت محتاج كدا
أما الزرار اللى حضرتك بتسأل عليه لو هو الأوفر درايف فهو كالأتى
علشان حضرتك ماتتلغبطش فى موضوع الأوفر درايف لإنه بيلغبط ناس كتيييييييييييييييير
لو فرضنا إن عربية حضرتك 4غيارات
خلينا نقول إن أوفر درايف=الغيار 4(الغيار الأخير يعنى)
فى لمبه فى اتبابلوه مكتوب عليها أوفر درايف أوف وحضرتك عارف ان المكتوب على اللمبه بيكون مفعل لما تنور
يعنى لوضغطنا على الزرار اللمبه هتنور يعنى بيقولى الغيار الرابع مقفول يعنى العربيه أخرها التالت مش هتنقل للرابع
يعنى حضرتك اعتبر الأوفردرايف زى 2/1 يعنى هو رقم 3 لو العربيه أربع نقلات
وطبعاً الطبيعى بنتاعه إن اللمبه ماتكونش منوره يعنى يكون الغيار الرابع شغال
يارب أكون قدرت أوضح المعلومه.....تحياتى والسلام عليكم
خلاص كدا انا فهمت 1 و 2 بس لسه الاوفر درايف لسه هيا العربيه 1500 سى سى هوه ليه دعوه بالسحب بتاع العربيه وبيخليها تشد وتجرى بسرعه ولا لاء ونسبته فى البنزين بيسحب اكتر
وشكرا للاهتمام
السلام عليكم
يعنى هوه ليه دعوه بالسحب بتاع العربيه ولا لاء وبيستهلك بنزين اكتر ولا عادى يا جماعه
كلام جميل يا رجاله بس اعتقد ان ملهوش دعوه بالسحب لأن ده وظيفه الكيك داون...لما حضرتك تدوس جامد ع البنزين و لمبه الأوفر درايف مطفيه هتلاقي العربيه بتغير متأخر لوحدها...انا بصراحه شايف الاوفر درايف ده اشتغاله...1 و 2 بردو يا باشا ممكن يعملوا معاك شغل لو عاوز تخمس و لو ان الكيك داون مش هيحرمك من حاجه ولا هيخليك تحتاج لهم
انا هوايا الجر والحركات بالعربيه بس على المانيوال لما جيبت اوتوماتيك معرفتش اعمل اى حركات ولا حتى اخلى العجل يلف والعربيه واقفه قبل ما تطلع ارجوكوا افيدونى علشان شكلى هغير واجيب مانيوال تانى ولا ايه رأيكم
وايه الكليك دون ده؟
ايه الاكسريتير ده وهو موجود فين
معلشى يا اخواتى انا متقل عليكم وان مش عارف حاجه فى الفتيس الاوتوماتيك لسه اول مره
الاكسليتييير دة اللي هو ددواسة البنزين يا هندسة
يعنى الاوفر درايف ملوش دعوه بالسحب
الى هو الموجب والسالب
يعنى ال 1 و2 والاوفر درايف احسن من الموجب والسالب
؟
بص يا محمود باشا
حسب معلوماتي المتواضعة وبعد استفسارات مشابهه اول ما استعملت اوتوماتك
الفتيس في السيارة الاوتوماتك ( انا باتكلم علة الفئات العادية مثل الفيرنا والاوبترا والصني 1600cc) بيبقى فيها 4 سرعات امامية وسرعة مارشدير خلفي
الفتيس بينقل تلقائيا عندما تصل دورات المحرك الى عدد معين لكل نقلة يعني مثلا لما الrpm يوصل 2000 ينقل من الاول للثاني وهكذا ....
النقلة 2 بتخلي الفتيس لا يزيد عن الغيار الثاني مهما علت لفات المحرك وهو يعطي عزم وقوة اكثر للمحرك وده يستخدم عندما تكون في مطلع وعاوز العربية تشد معاك وتطلع المطلع بنجاح ... مثلا ... يعني العربية بتمشي اول وتاني فقط
لكن النقلة 1 بتخلي الغيار يفضل على الاول .... يعني عزم اكبر من 2 كمان وبتحتاجة لما تبقي في مطلع زي جراج الاوبرا مثلا وعاوز العربية تكون في حالة اقصي قوة ... يعني العربية بتمشي ع الاول فقط
لكن طبعا ده بيبقى بيزود الحمل على الموتور وبيزود سحب البنزين ... وكمان بيقلل السرعة
لأن التناسب بين السرعة والقوة تناسب عكسي
اما زرار الاوفر درايف فده بيخلي الموتور يعمل لغاية الغيار الثالث فقط ويلغي الرابع مما يعني لو انت ماشي بسرعة والغيار الاوتو على الرابع تلقائيا .... لو ضغطت زرار الاوفر درايف OD بيسقط نقله من الرابع الى الثالث .... تقوم العربية عاملة فووووووم وسرعتها تزيد وصوتها يعلى
...
فيه عربيات عدد نقلاتها 5 و6 كمان .... لكن انا باتكلم على اللي جربته واعرفه
هذا والله اعلى واعلم
متشكر جدا يا جماعه بس بجد مش عارف اقولكم ايه