الموضوع: ساعدووني محتار جدا

المشاركة الأصلية كتبت بواسطة sonasteel

السلام عليكم
اخي الكريم ... كيف حالك
بالنسبة للمقارنة ... طلع النوبيرا خالص من المقارنة ... متتقارنش بالصني ماشاء الله
عندك الصني والاوبترا .... !!!
انا فضلت الصني بصراحة للاسباب الاتية
1- افضل قيمة سعرية لعربية في فئة الـ 100000 جنية
2- ماتور ياباني قوي جدا ماشاء الله + الات جر جبارة بفضل الله
3- عفشة ياباني ناشفة نوعا ما ... بس بتديك ثبات لا يوصف علي الطريق ماشاء الله
4-صاج قوي ومتين (محمل) .... مش اي خبطة تأثر فيه
5-خامات تابلوه ممتـــــــــــــــازة وتقفيل مصري محترم ماشاء الله
6-فراملها محترمة جدا وبتسعف في اوقات كتيرة ووسائل امان ABS EBD وايرباج افتراضي للسائق واضافي للراكب في السوبر صالون .
7-تكيف تلاجة ماشاء الله .... لا يختلف عليه اثنين.
8-صيانتها عادية لان تكنولوجيتها قديمة نوعا ما ... ودي عندي مييييييزة مالهاش حل بفضل الله ... يعني اي حديشتغل فيها بره او جوه التوكيل ... وميكانيكية كتير اشتغلوا فيها .
9-بالنسبة للشكل .... بالنسبة لي شكلها جميييييييل جدا ماشاء الله وفخمة وكلاسيك (شيك).
10- توكيل ممتاااااز جدا ماشاء الله ..... بيحاول يرضي عملائه وبيحاول يحسن من نفسه كتير.
اخر حاجة بقي
الناس المحترمة وحبايبي في المنتدي هنا .... اللي ممكن اشتري نيسان بس علشان اشوفهم كل يوووووم ... ههههههههه
يارب اكون افدتك
أقعد بألف عافية