هدية عيد الميلاد لمدة ساعتين بس وباظت اية الحل ؟؟؟؟

**MohaMed_Refaat** · 23-04-2011 02:30 AM

انهاردة كان عيد ميلاد بنت اختى ريان سنتين ما شاء الله
المهم قولت بدل مجيبلها عروسة والحجات المملة دية قولت اجيبلها حاجة مسلية لعبة حلوة احسن تلعب بيها هى واخوتها

فوقع الاختيار على طيارة هليكوبتر بالريموت وقد كان

المهم فتحتها ولعبت بيها ساعة اتنين وراحت كاسرها وقعدت تعيط والعيد ميلاد قلب غممممممممم

السؤال هل ممكن حد يصلحها هى الريشة بتاعتها المفصلة اللى مثبتها اتكسرت عايزة بس حد يثبتها هل فى حد يصلحها روحت للراجل اللى جبتها من عندة بيقولى معرفش

هل فى حد يعرف حد بيصلح النوع دة من اللعب ؟؟؟؟؟؟؟؟؟؟

صورة الطيارة الضحية :)))))

واللى اتكسر الريشتين اللى فوق اللى تحت العصاية السودا

**aminibrahim** · 23-04-2011 02:34 AM

حاول بالامير

هي بطير والا بتمشي بس اصل ابني قارفني وعايز واحده بطير

**MohaMed_Refaat** · 23-04-2011 02:42 AM

حاولت بالامير وبتفك لان قوة الهوا لما بتلف الريش بتكون كبيرة جدااااااااااا وبتخلبها تفك

علىفكرة هى بتطير ومداها 50متر بس منصحكش تجبها لطفل صغير لان اللى اكتشفتة انها خطيرة على الاطفال وممكن تعورهم وطلع مكتوب فى الكاتالوج بتاعها ان هذا المنتج ليس لعبة وغير مخصص لمن هم دون 14 سنة

وكمان صعب التحكم فيها فى الهوا جدااااااااااااااا بتلف و بتطير بغباااااااااااااء

**sayed911** · 23-04-2011 02:49 AM

طيب حضرتك جبتها منين وبكام :d اصلي ساكن في الدور السابع وانا كنت بعشها اللعبة دي اصلا بس كانت عندي مركب :d بتمشي بالمياه ولا بالبنزين ؟

**fiat128man** · 23-04-2011 02:51 AM

علىفكرة هى بتطير ومداها 50متر بس منصحكش تجبها لطفل صغير لان اللى اكتشفتة انها خطيرة على الاطفال وممكن تعورهم وطلع مكتوب فى الكاتالوج بتاعها ان هذا المنتج ليس لعبة وغير مخصص لمن هم دون 14 سنة

بكاااااااااااام وفيه أكبر منها ؟؟؟

**Ahmed_Elkhateb** · 23-04-2011 02:51 AM

الطيارة ديه مع ابن خاااااااااالى سبحان الله لسه شايفه عندو انهارده وهو كان جيبها من المانيا جبتها بكااااااام ومنين وفعلا هيا بطير وبردو ابن خالى بوظها

**Dr Ahmed** · 23-04-2011 02:52 AM

يافندم تصلح إيه ماهى هتتكسر بعد ما تصلحها فى أقل من ساعتين المرة دى

عموما أقترح استخدام شريحة معدنية خفيفة جدا للصق الأجزاء واستخدام اللواصق المعدنية (الأنبوبتين) وفيه منها نوع خطير فى كافور

إنما رأيى خلاص البنت سكتت ونسيتها ولو حصل وصلحتها وانكسرت تانى هتبدأ عياط من الأول

محدش يجيب طيارة ريموت لعيل عنده سنتين على فكرة

**A.Saad** · 23-04-2011 07:37 AM

فيه اندية لهواة الطيران فيه واحد كان فى عماد الدين بس مش عارف لسه موجود ولا لا
دول ناس بيدرسوا علم الطيران ويعملوا طائرات خشب زى كدة او بيشتروا طيارات جاهزة من دى
ممكن تشوف نادى فيهم وتسال هناك على متخصص للاصلاح

**phantom0xx0** · 23-04-2011 08:18 AM

أنا عشت الفلم دة كتير،
مش عاوز أحبطك بس ممكن تنسي الهليكوبتر خلاص ، أنا أولادي دمره ٣ زيها و أنواع مختلفة
لو حاولت تلزق الحتة المكسورة ، أو تضيف جزء أو تشلها خالص ، الطيارة مش هتكون متزنة و انسى انك تعرف تتحكم فيها دة لو إنت أصلاً عرفت تتحكم فيها

الأنواع من ٢٥٠ جنيه لحد ٦٠٠ جنيه فشلين ، أولاً لو هتستخدمها outdoor لازم تكون في جنينة علشان لما تقع و مفيش هواء جامد ، دول أصلاً معمولين indoor، و لو استخدمتها indoor لازم تكون بتعرف تطيرها كويس علشان أكيد هتخبط في العفش و ممكن تتكسر

فيه بعض الأنواع الكويسه بتبدأ من ١٢٠٠ جنيه ، بيكون مع الطيارة بعض قطع الغيار إلي معتاد انها تتكسر .. أكتر حاجة بتتكسر و بتبوظ الطيارة قطعة بلاستيك بتمسك الريش الكبيرة بالعمود إلي فوق و ديه علي ما أعتقد لها دور كبير في إتزان الطيارة

طبعاً الأسعار في مصر غالية جداً ، إنت ممكن تجب الطيارة من الخارج بحوالي ٥٠٪ من سعرها في مصر