عرض للطباعة
السلام عليكم ورحمة الله
ازيكم يا شباب
بس كنت حابب احذر من مطبين جداد اتحطوا قدام كنيسة البطريركية اللي علي كورنيش المعادي قبل نادي اليخت وانتوا جايين من حلوان ... المطب محطوط للاتجاهين ... ومافيش علامات ارشادية ولا المطبات متلونة ... انا ولله الحمد لبست المطب وانا راجع امبارح بالليل علي 90 .... وربنا ستر وعدت علي خير ...بس حبيت احذر لان الحتة دي كانت فاضية والمعظم بيجري فيها
وربنا يسلم طريق الجميع
كل التحية
الف شكر لحضرتك ..جزاك الله كل خير.
و عليكم السلام و رحمة الله
جزاك الله كل خير و شكرا علي التنبيه
لبستة بالريس على 110 وربنا ستر بردو الناس دية بتحط مطبات فى حتت غريبة الواحد لسة جايب الموتسكل وهيبوظ فى البلد دية مش عارف الواحد يعمل اة
انا كمان كنت مع خالى وكنا هنلبسه بس الحمد الله لحقنا نهدى المشكله انهم مش بينين والواحد متعود ان مفيش مطب
ربنا يستر ان شاء الله
جزاك الله خيرا ع التنبيه
شكرا جزيلا على التنبيه و خصوصا ان الموضوع لسه طازة و كتير سوف يتأذوا منه ، اتمنى ان تاخذ هيئة الطرق و الكبارى حياة و ممتلكات المواطنين على ماخذ الجد و يتم دهان كل المطبات بلون مغاير للون الطريق مثل الاصفر مثلا حتى يؤتى ثماره من ناحية و يقوم كل قائد المركبة بتهدئة سرعتة فى هذا المكان و من ناحية اخرى لا يتسبب مطب فى تلف السيارة تلف كلى او جزئى او ينتج عنه توقف مفاجىء يؤدى على حادثة لا قدر الله
جزاك الله خيرا أخي الفاضل على التنبيه
وجعل في ميزان حسناتك هذه النصيحة
فالدين النصيحة كما قال الحبيب صلى الله عليه وسلم
ربنا يستر علينا من المطبات العشوائية اللي بتتحط والناس الغير مسؤولة اللي مش مقدرة هي بتعمل ايه بالطريقة دي !
جزاكم الله خيراً
الف شكر على التنبية بس عايز اسأل الكورنيش بعد الساعه ١٢ باليل تمام ولا في بلطجية؟
الاخوة الكرام ... الف شكر ليكم جميعا .. وربنا يسلم طريق الجميع .. انا استفزني جدا مكانه لانه فعلا بقالي سنين بامشي في الحتة دي ومافيش فيها اي مطبات ... وربنا ستر ان العربية ما اتأثرتش ... والمشكلة ان الاضاءة في المكان مش كفاية ... والمطب مافيش قبله اي لافتة تحذيرية ... والله انا بافكر من فترة نعمل فريق من نايل موتورز حتي بالجهود الذاتية نعمل اشارات للمطبات و لافتات او حتي بوية فسفورية ندهن بيها المطبات دي ... لان ببساطة اي حد لو مش واخد باله ممكن لا قدر الله يعمل حادثة بسبب الحاجات اللي من النوع ده
الاستاذ medo_msmsa لا ما تقلقش الكورنيش امان وبقالهم شهر فيه دوريات راكبة كتير بتلف
اعتقد ان موضوع القلق من الطريق ده قل كتير دلوقتي
وتوكل علي الله وربنا يسلم طريقك
تحياتي للجميع
مطبات ربنا يستر الموضوع انو العربيه تبوظ و له حاجه ياجماعه
الخضه بتاعة المطب و لقدر الله الواحد ممكنينقلب و تيبقى محتار تاكل المطب و مش عارف ايه قلى هيحصل علشان جى واحد من وراك و له تدوس فرامل و الزبون يلبس فيك بتيبقى محتار
انا كنت راجع من الحوامديه من عند واحد صحيبى و طريق الصعيد الزراعى بمشى عليه 3 مرات فى الاسبوع رايح جى المهم كنت ماعد قبليها بيوم و مفوش حاجه و انا رايح على المنيب عند جراج شركة المقاولين العرب عاملو مطب محترم المهم بجرى بالعربيه وانا حافظ و مشغل النور الواطى لقيت كده خيال و انا ماشى على 100 كيلو و ماشى فى الشمال الساعه 2 باليل و كان ماشى ورايا واحد بعربيه هيونداى فيرنا المهم المطب عالى و خلاص الوقت عدى بدون تفكير روحت رامى على اليمين ورافع الهند بريك كالت المطب و انا مكلبش فرامل ببص جانبى
لقيت حاجه بتعمل دب دب و بطير من على الارض و بعدين دب بصوت عالى ده كانت العربيه الفيرنا يعنى لو واحد معرفش يتصرف هيعمل ايه هيخرب الدنيا مش بعيد يكون فى حادثه لاقدر الله لقيت الراجل بيبصولى و كان ماشى بطىء بيقولى انتا تمام بقوله ليه قلى مخلتنيش البس فيك من ورا قولتالو الحمد لله
كان فى واحد صاحبنا بيقول مش هعدى ال 90 :-)اقتباس:
المشاركة الأصلية كتبت بواسطة tamertamer
جزاك الله خيرا
ويرايت يكلفوا نفسهم ويدهنوه لون فسفوري علشان يبان
الف شكر على التنبيه يا باشمهندس
وعلى الاتوستراد بردو حطو مطبات جديدة كتير جدا في الاتجاهين