الموضوع: تحذير من موبيل الطالبية هرم ( خدمة غسيل السيارات )

مالها وطنية الخدمة عندهم ممتازة و امانة و لوز و اللى واقفين فى البنزينة مجندين اصلا انا بغسل و امون بنزين من عندهم بس و العربية غسيل و تلميع داخلى ب 15 جنيه و واحد بس بياخدها من الاول للاخر و تديلوا الخمسة جنيه المتينة يبقى بيرفرف و حيطير جنبك و اهم حاجة ان دى بنزينة جيش يعنى تعامل تمام و عمر ما حد حيفكر بس يقولك كلمة وحشة حتى لو مديتلوش بقشيش

نفس الفيلم الى بيحصل معايا كل مرة وكمان فى حاجة جميله جدا انت بعد ما بتخلص بتلاقي واحد بيقولك عربيتك كسبت معانا ويجيبلك علبه مناديل بس دة في حاله انك تدفع 50 جنيه وتخربش ورقة ملهاش لزمة ويقولك كسبت ال سي دي وتشرفنا في الشركة والكلام دة ورحله لفردين وعشاء مش عارف ايه .......... فنقدر نقول ان البنزينه دي شغل نصب * نصب
نصيحه يوجد محطة بعدها (شيل) بصراحة المحطة دي الناس محترمة اوى وساعتها انت بنفسك الى حتبقى عايز تديهم بقشيش

طيب ياريت تخلوا بالكم و انتم بتمونوا من محطة شل الى حضراتكم بتقولوا فيها شعر
هما محطتين قصاد بعض انا بتكلم على المحطه الى هتكون على يمينك لو اتجاهك طالع الهرم الى هى بعد الخزان على طول
علشان بيسرقوا فى عداد البنزين خصوصا لو سيادتك منزلتش من العربيه و تابعت بنفسك
انا ساكن ورا المحطه دى و بطلت اتعامل معاهم للسبب ده لانه حصل معايا اكتر من مره
باقى الخدمات ماتعاملتش معاهم فيها

انا برده قبل كده في الأسكندريه بنزينة موبيل اللي في اول فوزي معاذ سموحه جنب عمارة اللوتس رحت اغسل العربيه ورفعتها عشان اغسلها من تحت ودفعت 10 جنيه ولقيت نفسي المفروض ادفع للعامل 5 جنيه علي ايه مش عارف - طيب ماهو بياخد مرتب ياعالم

المهم قلت تاني مره مش هديله حاجه عشان انا المره اللي فاتت اديتله لما وقف والمره دي صدرت الطرشه لقيته بيقولي كل سنه وانت طيب وانا ظبطتلك العربيه ومش عارف
ضربت ايدي في جيبه لقيت كام جنيه فكه تقريبا 3 جنيه اديتهمله ولقيته بص فيهم وبيقولي ده انا ظبطتلك العربيه وعملت وخليت فسيبته ومشيت

يعني انا ادفع 10 جنيه للبنزينه و5 لسيادتك عشان تعمل شغلك ومن ساعتها بطلت اروحها خالص وبقيت اروح عند البنزينات اللي هي بتبقي في اي شارع ولا علي الزراعي واحد غلبان بموتور مياه علي جنب يغسلي العربيه من فوق ومن تحت ويصبنها من جوه ومن بره وبياخد ال 5 جنيه بيبقي مزقطط بيها