تحذير من موبيل الطالبية هرم ( خدمة غسيل السيارات )

**Ros** · 23-04-2011 05:13 PM

انا بطلت اغسل فيها اصلا لو عايز اوصفلك على واحد بالسعر ده بيغسل العربيه من جوه و بره و شنطع و جامد جدا بتاخد العربيه ريحه هايله نضافه و كل حاجه فيها جامده

**حماده المصري** · 23-04-2011 05:25 PM

انا هرماوي واتعاملت معاهم هما فعلا جشعين اه بس برضو الطمع ملا الناس كلها

واحد غسلي الموتور في بنزينه موبيل اللي في مصدق كان عايز لوحده 5 جنيه مع اني مدينه 3 جنيه طب ليه يعني هو عمل ايه

**SYD** · 23-04-2011 06:04 PM

اكتر محطة محترمة في الهرم كله محطة موبيل الي في اسباتس بعد مسرح الزعيم (جمب الشبراوي)
محطة فوق الوصف
عدادها مظبوط بالجرام زي الذهب
معظم محطات البنزين بتعتمد علي حيلة في منتهي الخطورة
لما الجو بيبقي حر البنزين بيبخر غازات منه ومع التموين بيحصل ان العداد يلف ويطلع غازات او هوا بمعني اصح ومش بينزل بنزين او سائل بمعني اصح
فمثلا سعادتك تفول 40 لتر حقيقاً هما 38 مثلاً
وبالتالي علي مدار اليوم الواحد ممكن تعمل مع صحاب البنزينة حوالي مثلا 200 لتر هوااااا
لكن المحطة دي بتغسل خزاناتها بصفة مستمرة وتعمل صيانة للطلمبات بتاعتها علي طول وبالتالي تحافظ علي جودة المنتج (البنزين خالي من الشوائب) وتحافظ علي فلوس العميل (الي هو حضرتك)
الي بردو حلوة اوي موبيل شارع مراد امام مجلس الدولة
موبيل الرماية
شل اخر فيصل
موبيل اخر فيصل
وطنية الرماية
كل دوول محطات محترمة اوي اوي اوي
ومش هقولك بقي علي الغش في البنزين المخلوط بمياة
ولا البنزين ال90 المخلوط ب 80
ولا كل الكلام دة

وخلي بالك
اوعي تعبي هوا للأطارات في المحطة وانت بتمون
بيبقوا مظبطين مع بعض
الواد بيعبي البنزين وانت قاعد باشا في العربية يقولك يا باشا العجل اليمين قدام او ورا عايز يتزود
ويقوم منادي
يا أحمد اكشف للباشا علي العجل الي ورا يمين
خش يا باشا عنده هناك يزودلك العجل
يقوم احمد افندي خارم لسعادتك العجل ويقولك أكشفلك عليها يا باشا؟؟؟
انت تقوله انا مش فاضي والله
يقولك وهي راكبة مش هتاخد دقيقة هكشفلك عليها وهي راكبة
ويقوم مطلعلك 3 او 4 اخرام
شوف يا جدع البخت ، قال انت ماشي عليها بقالك شهر مثلا من ساعة اخر ظبطة من غير ما تشتكي
ويا سلام علي دقة ملاحظة بتاع البنزين، لمحها هو
أحظر احظر احظر النصب في المحطات

**heshamzaky** · 23-04-2011 06:22 PM

مش عارف و الله أقولك أية بس معلش مرة و عدت
أنا حصل معايا موقف من حوالى 40 يوم تقريبا بالظبط فى محطة موبيل الى فى شارع النزهة مدينة نصر تحديدا المحطة الى على يمينك و أنت نازل من السبع عمارات على كوبرى النزهة الى بعد بنك مصر الى على الناصية .
الى حصل أنى دخلت أحط بنزين و قولت لة حط ب 50 جنية بنزين 92 و بعد ما فول البنزين أديتة ورقة ب 100 جنية و جنية واحد فضة علشان أوسع مكان للعربيات الى ورايا طلعت للأمام و ركنت يمين و أستنيت الباقى الراجل ما جابش حاجة قولت لة عاوز الباقى قالى باقى أية قولت لة باقى ال 100 جنية أنا مديلك ورقة ب 100 جنية و جنية فضة قالى لآ أنت مدينى ورقة ب 50 جنية طبعا أنا شطت و نزلت من العربية فقالى طيب أستنى لما نفرز و نعد الفلوس قولت لة نعم و طبعا هللت و عملت مشكلة طلع واحد منهم محترم و قالى 5 دقائق حا نجرد و ما تقلقش بصيت لقيت ال 5 دقائق بقم 10 دقائق روحت معرض على المخرج بتاع محطة البنزين و موقف العربية بالعرض و قولت لة حا أعطلك المحطة و مفيش عربية حا تخرج زى ما انت معطلنى الناس الى عاوزة تخرج قالو لو سمحت بس عدينا كام عامل كدة حاولو يعلو صوتهم بس الجنان الرسمى طلع عليهم و بصراحة شديدة كنت فى قمة الانفعال و كان ممكن أدخل فى خناقة محترمة لما حسو أنى مش حا أشيل العربية و ممكن بجد اعور كام واحد فيهم بجد كلهم سكتو زى الاصنام و بصراحة فرجت المحطة و الشارع عليهم عدو الفلوس زى الهوا و طلع أن عندهم زيادة 50 جنية و جة واحد يديهالى قولتلة أمشى يالا و هاتلى مدير المحطة الى كلمنى و جى أستخبى جوة جة و قعد يتأسف قولت لة العامل بتاعك حرامى يا غبى و كام كلمة مينفعش تتكتب و قولت لة لو كان خباها فى هدومة كنت أطلع انا الى برمى بلايا عليكم انتم ناس .................
فنصيحة ما تحركش العربية و أنت بتمون الا لما تاخد باقى الفلوس و أنت بتديلة فلوس تقولة هات باقى كذا علشان ما يستهبلش

**shaddadfalcon1** · 23-04-2011 06:31 PM

المشكله الأكبر في حاجتين

اصحاب البنزينات الجشعين اللي بيشغلو العمال ببلاش ويعتمدو علي البقشيش والبنزينه بيجيلها بدل الواحد الف لان اقل واحد فيهم بيطلعله مش اقل من 70 جنيه في الورديه وانا واحد صاحبي شغال مدير بنزينه وشايف الكلام قدامه

تاني حاجه الناس اللي دايما بتدي بقشيش وانا منهم وبتحرج لما حد يقدملي خدمه ويفضل واقف يبصلي

لو كل الناس بطلت تدي بقيشيش يبقي العامل مش هيلاقي حاجه ويلاقي نفسه بيشتغل ببلاش فهيسيب البنزينه وبالتالي الشغل هيقف وبالتالي صاحب البنزينه غصب عنه هيجيب ناس بمرتبات

للعلم بس اقل بنزينه بدخلها مش اقل من 3 الاف في اليوم والعالم المعفنه بتستخصر تشغل كام واحد بمرتبات

**JUVENTUS** · 23-04-2011 07:10 PM

فعلا موضوع البقشيش ده زاد عن حده اوي
المفروض اصلا البقشيش ده حاجة زوقية منك بتكافئ بيها العامل على شغل معين
لكن دلوقتي خلاص بقا بالعافية
انا لما بروح اغسل العربية بغسل الموتور فقط ب 8 جنيه و امشي و لما اروح البيت بخلي البواب ينضفها حتة حتة من جوة و برة و بديله 5 جنيه

**abouelmaggd** · 23-04-2011 11:19 PM

اتخانقت فيها الصيف اللى فات و جم 2 مديرين يعتذروا و حلفت ما انا داخلها تانى ، انا بغسل حاليا فى مركز كويس جدا اسمه gear auto فى شارع العروبة عند عز الدين عمر ، عندهم ضمير و اسعارهم كويسة جدا ب 20 جنيه غسيل بره و جوه بس المشكلة فى الزحمة يوم الجمعة مش عارف بقيت ايام الاسبوع ايه النظام عشان انا مبفضاش اروح غير ايام الجمعة.

**EngAhmedSayed** · 24-04-2011 01:55 AM

انا ليا تجربه معاهم تجربه زباله
اولا الموضوع نصب فى نصب عن طريق اليافطه قلى حطينها
ثانيا العيال قلى هناك عيال تسول تسول
ثالثا روحت بقوله عاوز اغسل العربيه زى منا قرى اليافطه بقى قولت خلاص هنضفك يالوزه لقيته عملى وصل 35 جنيه ليه و اليافطه دى ايه
قلى خدمات اضافيه ليه قلى انا عاوزه زى ماهو مكتوب فى اليافطه يقولى لا
قولتالو مش هغسل قلى برحتك سيبته و مشيت روحت بنزينه التاعون قلى فى محطة التعاون الواد قلى هظبطهالك و انا قولتالو هظبطك نظفها و ظبطها وانا كنت راضى عن شغله و اديته خمس جنيه بمازجى

المهم بقى انا عاوزكم تاخدو بالكم من حاجه البنزينات بيسرقو غطيان التانكات بتاعة البنزين اه و الله لو انتا مديتلوش بيحزنك على الغطا و بياخدو يبايعو كان ليا واحد صحبى معاه عربيه 127 فلقيته حطط كيس بقماشه و سدد بيها التانك بقولو قد ده قلى الغطا وقع قولتالو وقع بعد ما فولت صح قلى اه انا دخلت مونت و انا بركن عند البيت ملقتهوش قولتالو مردتيش تدى لواد تيبس قلى اه ده انا عملت معاه مشكله هو انتا كنت معايا قولتالو لا الواد علقومنك هههههههههههههه اصلى صحيبى ده حريص جدااااا

نفس الموقف معاه بردك اصلى طيب ومحترم جداااااا واحد قاله العجله مريحه قلى ياخويا دخلت عند بتاع الكاوتش و لحاملى 6 اخرام و دفعت 60 جنيه بقولو اتنصب عليك يقولى لا 6 اخرام شوفتهم بعينى بقولو اتنصب عليك متعملش ناصح و اعرف و اتعلم علشان ميتنصبش عليك تانى
قولتالو هو فك العجله صح قلى ده انتا ناصح ايوا مجيبتش حاجه جديده اه منا عارف جابلك ازازه فيها مياه بيضا قلى اه و قعد يبظ منها و يقولك فى خرم و يلف سنه و يقلك فى خرم و يلف سنه و يقلك فى خرم صح قلى اه طالعلك مسامير قدامك من العجله قلى لالا منا قولتالك اتنصب عليك بيقولى مش فاهم قوالتالو المياه البضا مياه بصابون بتعمل فققيع لما بيدوس عليها فا بيتهيالك انو خارج هو من الكواتش قلى منا بيتهيالى مش معقوله تعمل الاخرام دى كلها مره واحده قالى طب ايه الصح قوالتلو تشترى شنبر و تخليه معاك استبن قلى اه قولتالو بقى ساعت لما يحصل حاجه قلى اطلع الشنبر قولتالو لا ياناصح قلى امال اعمل بيه ايه خليه معاك بس و هتحتاجه روح عن الراجل وقولو غطس العجله فى البانيو مياه بيضا قالك لالالالا معنديش قلى الازاره قولو فك العجله فتش كده على مسمار ماهو لو مخرومه هيبقى اكيد فى مسامير ملقاش مسامير طلعلو المفاجاءه قلى الشنير ايوا كده و ديلو جوز جنيهات و لما تروح عند حد امين انتا عارفه يفكلك الشنبر و ظبط عجلك و فضيه شيله تانى بس اى خدمه يا باشا قلى انتاعارفة منين قولتالو منا اتنصب عليا قبل كده بس اتعلمت و انا اتكلمة عن الموضوع ده على نايل موتورز
قلى انا بعد كده لو حصل حاجه هتصل بيك على طول قلى ده انا اتاكل على قفايا عيش قد كده قولتالو مش لوحدك
معليش العلام ببلاش و قعد زعلان وتعب فى البيت على 60 جنيه اصلى حريص

-

-

الموضوع: تحذير من موبيل الطالبية هرم ( خدمة غسيل السيارات )

LinkBack

أدوات الموضوع

عرض

-

-

-

-

المواضيع المتشابهه

تحذير من بتاع الكواتش اللي عند موبيل بعد صان سيتي

تحذير من بنزينه موبيل في المعادي

تحذير من موبيل مصر حلوان الزراعي

تحذير من خدمة كليب بلس في موبينيل

تحذير من محطات موبيل!!

الكلمات الدلالية لهذا الموضوع

المفضلات

المفضلات

ضوابط المشاركة