بصو على الموضوع دة للأستفادة من تجارب الاعضاء برضو
http://www.nilemotors.net/Nile/174445-a-8.html
بصو على الموضوع دة للأستفادة من تجارب الاعضاء برضو
http://www.nilemotors.net/Nile/174445-a-8.html
ههههههه هى لسه البنزينه دى زى م هى
كويس بقى يا باشا انها موصلتش لحد الضرب
من حوالى كده 5 سنين كان مع والدى شيروكى سوداء بالكامل - فاميه سوبر سوبر دارك - النمر السوادء و عليها بادج النيابه
و هو كان مربى دقنه على خفيف و كانت كلها سوداء فكان شكله بالعربيه يخض
و دخل يغسل العربيه و حصل معاه اللى حصل مع حضرتك بالظبط لحد م واحد منهم كان يومه اسود و خبطله على العربيه و قاله اتكل على الله من هنا ........ و هوب كان على الكبوت والهى
طبعا قعد يصرخلك و العمال بدؤوا يتلموا علينا
هو:انت بتخبطنى
بابا : و افتحلك دماغك كمان
هو : تعالوا يا ناس اتفرجوا كان عايز يموتنى ... ولا علشان انتوا الناس الغلابه مش فارقه معاكوا و راكبللى عربيه بكام مليون تدوس فى الناس ( العربيه شيروكى موديل 94 )
بابا : اندهللى اللى مشغلك يالالا
و بعدين راح جيللك واحد لابس بدله و بيقوله ائمر يا فندم فيه ايه بس
بابا : الناس اللى مشغلهم عندك مفيش عندهم ادب و مبيغرفوش يتعاملوا مع الناس
المدير : خير بس يا فندم حصل ايه لكل ده
بابا : البيه عايزنى اديله بقشبش بالعافيه .... و ياريته عمل حاجه حتى ده لسه العربيه ب وساختها
هو : هى فين العربيه دى يا فندم
بابا : الشيروكى السوداء اللى واقفه هناك دى
المدير بص لقى شكل العربيه و النمر المميزه السوداء و بادج النيابه و بعدين لف لابويا و قاله
هو: معاك حق فعلا يا فندم العربيه مش نضيفه خالص ... هو فين العامل اللى طلب منك الفلوس ده ؟؟
عامل اخر : تعالى يا محمد كلم الباشا
محمد و هو بيعيط :جبلى حقى يا سياده المدير .... الراجل ده خبطنى و شتمنى و مش راضى يدفع حق غسيل العربيه
بابا : تصدق فعلا انى المفروض كنت هرستك تحت العجل مش خبطتك بس يا كداب
المدير اهدى بس يا باشا ...... غور من وشى و عندك خصم يوميين
بابا : لا لاخصم ولا بتاع بس خلى العمال اللى عندك تتعامل كويس مع الناس علشان كده محدش هيجيلكوا .... سلام عليكم
هم فعلا كل عمال البنزينه دى نفس النوعيه دى و فى برضو بنزينه وطنيه اللى ف الرمايه معاملتهوم مش كويسه برضو
فعلا فى كل محطات البنزين كدة ... تكلفة الغسيل كلة بتاع 18 جنية و تدفع بتاع 15 بقشيش ... انا والله لما اروح اغسل بطلب واحد بس يعمل كل حاجة
البنزينة دى اسوء محطة فى مصر حرامية و شغلهم وحش
بص يا باشا انت توصل لاخر الهرم بعد الكوبري اللي على المريوطيه هتلافي نفق بتاع محور اللبين هتخش يمن ثم هتلاقي نفق هتنزل النفق ثم من اول u تيرن هترجع تاني و امسك يمين هتلاقي مدرسة علوي غلى ايدك اليمين كمل شوية هتلاقي قطع غيار bmw كمان شوية صغيرين هتلاقي بتاع عصير (مجربتش اشرب من عنده) ثم اول شارع يمين هتلاقي يافطه مكتوبه على الحائط المركز المصري تخش الشارع حوال 100 مر هتلاقي المحل على اليمين
وياريت اللي يجرب بتاع العصير يقلنا رايه
في محطة بنزين وطنية اللي في طريق المطار , جوه المحطة في شركة بس مش تبع القوات المسلحة بتعمل موضوع غسيل العربيات ده وكار كير كامل .... نفس الكلام حتلاقي العربية بتمر على كذا مرحلة وفي كل مرة انت مطالب بدفع البقشيش .
وطنية ساعات بيأجروا خدمة الغسيل
انا شفت مغسلة فى المطبعة فيصل عند الدائرى
بصيت عليها واتكلمت مع صاحبها لقيته جايب منظفات abrp , formula 1 ومعدات كويسة
رحت اغسل هوفر وبرة
العامل عمل الهوفر كويس
جه برة
قلت له مش هحط الصابون بتاعكم انا عندى الشامبو بتاعى - بجيب رابيدو
قعد يقول جرب الشامبو بتاعنا وهيعجبك
قلت له جرب بتاعى
عمل العربية وفى الاخر قاللى انا مبسوط انى اشتغلت فى العربية دى
منفسكش فى حاجة تانية اعملها
لو حد عايز يجربه يقولى
وتوتال اللى فى اخر فيصل برده غسيل برة عندعم كويس
انا مشكلتي كلها في غسيل الصالون و العربيه من تحت
غير كدا اي بنزينه بتعمل الباقي
علي فكره البنزينه الي بتتكلمو عنها دي انا مونت من عندها مره و حسيت ان البنزين بتاعهم مش مظبوط و العربيه بقت متبرجله
انا علي طول بمون من محطه شل الي ف البحر الاعظم
بس ماجربتش اغسل فيها العربيه و تقريبا اسعارهم عاليه شويه