الموضوع: تحذير من موبيل الطالبية هرم ( خدمة غسيل السيارات )

لو بعد العربية ما خلصت غسيل بره وجوه
ـ
ـ
ـ
ـ
ـ
ـ
ـ
ـ
وإكتشفت إن الحيوان اللي كان بيغسلها غسلها
ـ
ـ
ـ
ـ
ـ
ـ
ـ
ـ
ـ
ـ
ـ
بسلك مواعين بره وجوه هتعمل إييييييييييه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

المشاركة الأصلية كتبت بواسطة saddam

عن تجربة شخصية يا أخي أسوأ محطة لموبيل في عموم الجمهورية هي المحطة دي وهي قبل مدخل الطالبية ولو موبيل لسه ليها إحترام لنفسها لازم تقفل البنزينة دي رغم إن في 3 أو 4 موبيل غيرها في شارع الهرم وكلها منافسة وجميلة ومحترمة ونظيفة جدا بس الفرع ده سبة في جبين موبيل وعامة خليك في شل أحسن وأشيك وأرقىوسبب ردائة المحطة اللي بتتكلم فيها هو إنها تقع على حافة منطقة شعبية شبه عشوائية ولها زبائن كثير من بتوع التكاتك والميكروباص معشش فيها وتجار العربيات الكسر ومقاولين فيصل من الأقاليم فالمثل بيقلك (( قوللي مين تصاحب أقولك إنت مين ))

مع إحترامي لسيادتك السبب ده سبب غير مقنع
وبعدين التوكتوك مش بيدخلها لأنها مفيهاش بنزين 80 إلا أصحاب التكاتك الروشة
موبيل اللي قبلها تقع على نفس حافة المنطقة الشعبية دي أيضاً وهي بالفعل أفضل من هذه المحطة
شيل اللي بعدها قريبة من نفس هذه الحافة ونظيفة
والمحطة مش هتختار العربية اللي بتدخلها
السبب الحقيقي وراء رداءة وتدني هذه المحطة وأي محطة أخرى :
رقم واحد الإدارة لو إدارة محترمة أكيد العاملين مجبرين على أن يكونوا محترمين .
السبب الثاني تقطيع المحطة ؟
يعني أيه تقطيع المحطة ؟
هو أن يقوم صاحب المحطة بتأجير الخدمات لأشخاص مقابل أجر يومي ( الأرضية )
شخص يقوم بتأجير صيانة الإطارات مقابل مثلاً 400ج في اليوم ، إذن فعليه الحصول على أكثر من 600 ج في اليوم ازاى اللي يجي تحت إيده يدبسه في7 أخرام مثلاً علشان يعرف يجيب الأرضية ومكسبه الحرام
وكذلك باقي القطع حتى اللي بيمسح الزجاج أثناء التموين بيدفع أرضية
إذن المحطة لها البنزين والزيت فقط ( هذه المحطة ) وجميع الخدمات متقطعة
ولذلك كل هؤلاء لا يهمهم سمعة المحطة أهم شيئ الحصول على المال بأي شكل لسداد الأرضية بالإضافة لما يعتبرونه مكسبهم
وشكراً

المشاركة الأصلية كتبت بواسطة nasr-eldeen

لو بعد العربية ما خلصت غسيل بره وجوه
ـ
ـ
ـ
ـ
ـ
ـ
ـ
ـ
وإكتشفت إن الحيوان اللي كان بيغسلها غسلها
ـ
ـ
ـ
ـ
ـ
ـ
ـ
ـ
ـ
ـ
ـ
بسلك مواعين بره وجوه :_alshmokh08[1]::_alshmokh08[1]::_alshmokh08[1]: هتعمل إييييييييييه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟

بس هي كانت في بلد ريفي كنت مسافر وإضطررت إلى غسيلها

المشاركة الأصلية كتبت بواسطة nasr-eldeen

اللي يجي تحت إيده يدبسه في7 أخرام مثلاً علشان يعرف يجيب الأرضية ومكسبه الحرام

اقولكم على حاجه بس محدش يتريق ههههههه
انا قبل كده وانا بمون في احد البنزينات قلت بالمره اصلح الكاوتش الاستبن لانه كان نايم روحت لبتاع كوتش جوا البنزينه واديتهوله طلعلي فيه والله بقدرة قادر 8 تخرام ازاي متسألنييش وانا طبعا زي الباشا كنت لسه ابيض سدقت ودفعت يوميها بعد ما عمل معايا الواجب 60 جنيه على ال8 تخرام
وانتى بتحكي انا افتكرت الموقف ده بس اللي يدحك بقى اني افتكرت الراجل بتاع الكاوتش ده والله بجد ومش بهرج الراجل ده طلع في نفس البنزينه اللي بنتكلم عليها ههههههههه موبيل الطالبيه هههههههههه مع اني اتعاملت معاها تلات اربع مرات في حياتي لكن اسوء مواقف واستغلال كان بيحصلي هناك سبحان الله شوف الصدف !!

طبعا المكان دة معاملتة وخدمتة زي الزفت حصلي نفس الموقف ! عموما انا مبحبش اتكلم نهائيا مع الناس دي ولا حتي بديهم اي حاجة وكمان لو قالي شاي ببصلة بقرف بيتحرج وبيحس انة مش بني ادم ! طبعا دة مش تعالي ب دة حقي اني ارفض الكلام دة من غير ماتكلم ! وادخل في محادثة مع اشخاص لم يرقوا لمعني الانسانية وطبعا الي بيديهم بيشجهعم علي كدة
والبقشيش دي كلمة انجليزية والي دخل العادة الزفت دي عندنا هما الانجليز ايام الاحتلال فطبعا الموضوع لة جذور طويلة
انا اتعودت ادخل امون بالفلوس بالظبط ومخليش حد يحط فوطة عالقزاز حتي !
انا جبت من كارفور كل منتجات العناية بالسيارة النضيفة وطبعا كل فترة بنزل اغسل العربية وازبطها من غير وجع قلب و نادرا مابغسل برة ولو حصل بفضل وطنية !

لازم نبطل ندي بقشيش والي مش عاجبة شغلة يقعد في البيت ويسيب المكان لي يحترمة نغير نفسنا وبعدين كل الي حوالينا اكيد هيتغير