*11111111111111111
أنا آخر مرة غسلت في البنزينة دي كانت من سنين و كنت بحب أروحها عشان المكنة الغريبة اللي بيغسلوا بيها دي كانت بتحسسني إني في الملاهي بس بطلت أروح هناك عشان مرة بعد ما طلعت بالعربية من المكنة و واقف بنشف لقيت البوية متشالة من كذا حتة في العربية!!!!!!!!!! بس معقولة بقو وحشين كمان في المعاملة؟ أنا فاكر كنت شفت عندهم ورقة متعلقة مكتوب عليها ممنوع البقشيش و لازم نكون متحضرين!!!!!!!!!! على كده بقو وحشين من كله!!!!!!!!!
السلام عليكم يا شباب
اخوكم احمد صبرى
انا ساكن فى منطقة الهرم و كل جمعة بروح علشان اغسل العربيه و انا ذاهب لبيت والدى فى الهرم
بعمل كالتالى فى البنزينه دى
بغسل بودى بس و زجاج داخلى
بمعنى بدخل على الراجل بيجى و يسألنى اروح قايلوا بودى فقط يروح قايلى مش عاوز موتور كمان و هتزيد 15 جنيه قلتله لأ
المهم يقطعلى الورقه ام سبعه جنيه و ادخلى على العامل يشطف العربيه بالميه علشان التراب و الكرتيرات بعد كده يرش الصابون و يدعكوا العربيه يدوى و بعد كده يشطف و اروح مديله جنيه واحد فقط و معاها ابتسامه تقديرا لعمله
ادخل على الماكينه اسلم الورقه و ممكن نص جنيه معاها حسب الاختيار
و بعد مأخرج منها و أروح لعمال التجفيف لو اتنين اشتغلو فى العربيه و فضلوا للأخر بدى كل واحد منهم جنيه و لو واحد مشى و ساب التانى يكمل بديله جنيه واحد فقط و العربيه بتبقى بتبرق و كده كده انا بحافظ بقدر الاستطاعه على نظافتها الداخله باستمرار ز
و الشهاده لله اناعمرى محصاللى مشاكل مع حد بل بالعكس انا بجيب عربية والدى و اصحابى و أعرفهم على مكانها
يا إخواني متتعبوش نفسكم
الجواب باين من عنوانه
إتفرجوا بس على حال البنزينة من بره وشوفوا حتى لبس العمال وحتى نوعية إختيار العمال وطبعا كلنا أولاد آدم وحواء وبصو لأي بنزينة موبيل تانية حتلاقيها فعلا تستحق لقب أسوء محطة لموبيل على مستوى القاهرة الكبرى وبصراحة المحطة دي سبة في جبين موبيل وأنصح الإدارة لو مش حتعمل مراجعة النفس بخصوص الفرع ده يبيعوها لشل أحسن لهم وشل بقت أنظف وأشيك وأعلى من موبيل وطبعا يا إخواني إحنه بنتعب نفسنا محدش سامعنا هنا لا من شل ولا من موبيل وأدينا بنفس عن نفسنا وجزى الله القارئ كل الخير
انا شوفت بنزينات كتير وحشة بس ما شوفتش أوحش من موبيل الطالبية
قلة ادب و شغل وحش و لو وقفت على ايد عامل عشان تطلع النضافة زى ما انت عايز هيبقى عايز ياخد عينك مش كام جنيه بقشيش
و كنت ذكرت فى مشاركة هنا انهم قبل كده بهدلوا ليا الفرش و السقف لما غسلوا الصالون
و اللى شوفته بعنييا و اشهد الله عليه ان العمال كانوا بيشربوا سجاير ملفوفة يدوى ذات رائحة غريبة (مخدرات من الاخر)
و الاخ المدير عامل نفسه مش واخد باله و هما واقفين واخدين جنب
بس انا لقلة خبرتى ما فهيمتش الموقف فى ساعتها
حسبي الله ونعم الوكيل
من اسؤا المحطات ال تعاملت معاها فى حياتى واستحاله هروح هناك تانى مهمى حصل دا انا كنت بدفع بقشيش ةيبصلى ومش عاجبه كمام اكنى مطلوب منى اديله 10 جنيه لكل واحد مثلا واكيد برضوا مش هيعجبه
محطه مستفزه وعمال مستفزه
للأسف فية عندنا أزمة ضمير كبيرة
كلامك صحي 100 * 100
كلامك صحيح 100 * 100