تحذير من موبيل الطالبية هرم ( خدمة غسيل السيارات )

**eahmed1981** · 24-06-2011 08:25 PM

يا جماعة لازم ناخد موقف من موضوع قلة الادب دى يعنى من الاخر يعرف كل صاحب البنزينة قبل ما تدخل تغسل عنده انك مش هتدفع بقشيش والعمال كلها لازم تعرف انك مش هتدفع بقشيش وهتدفع مبلغ الغسيل فقط ولو احنا كلنا بطلنا ندفع بقشيش الموضوع ده هينتهى لانى فى مشكلة انتوا مش واخد بالك منها ان فة بنزينات كتيرة جدا مابتديش مرتبات للعمال وبتشغلهم انهم ياخدوا مرتباتهم عبارة عن tips علشان كده هو بيعتبروه حق اجبارى عليك

**Nor_Eldeen** · 24-06-2011 10:01 PM

شكرا على التحذير انا كنت ناوى اغسل فيها و لكن الحمد ربنا ستر

**elfashn** · 25-06-2011 06:55 AM

المشاركة الأصلية كتبت بواسطة abouelmaggd

اتخانقت فيها الصيف اللى فات و جم 2 مديرين يعتذروا و حلفت ما انا داخلها تانى ، انا بغسل حاليا فى مركز كويس جدا اسمه gear auto فى شارع العروبة عند عز الدين عمر ، عندهم ضمير و اسعارهم كويسة جدا ب 20 جنيه غسيل بره و جوه بس المشكلة فى الزحمة يوم الجمعة مش عارف بقيت ايام الاسبوع ايه النظام عشان انا مبفضاش اروح غير ايام الجمعة.

انا كمان بقيت بغسل فى جير اوتو فعلا ناس كويسه اوى والعربيه بتطلع من عندهم جديده. والعيال الى شغالين فيها

مؤدبين ومحترمين جدا

**KarimAbulEla** · 26-06-2011 12:05 PM

المشاركة الأصلية كتبت بواسطة chery_fulwin

ياجماعة مركز خدمة حورس اللي ببنزينة كالتكس اللي جمب الحصري ب 6 اكتوبر كمان نفس الموضوع بيلزقوا فيك و ممكن يضربوك اذا ما تددفعش بقيش

تخيل بأة ان لسة فيه عضو عامل مشاركة بيشتكى فيها من بنزينة كالتكس الحصرى ( خدمة غسيل السيارات ) و اكيد طبعا عمال مركز حورس قاموا بالواجب زى بتوع حورس موبيل الطالبية ، و ده يثبت ان المركز ده بيشغل عمال غير محترمين بالمرة

**maby3rafnesh** · 30-04-2015 03:21 PM

دخلت على الموضوع ده بالصدفه وانا بدور فى محرك جوجل على مركز كار كير وتلميع كويس

قريت تقريبا كل الردود فيه فى نص ساعه

ولاحظت حاجه مهمه اوي

ان اصحاب العربيات كلهم بلا استثناء بقو حقانين ومش عاوزين يدفعو للعامل البسيط بقشيش خالص

طبعا انا مش مع تصرف عمال البنزينه لانه غلط وخصوصا لو فكر بس انه يتعدى علي جد لفظيا او يكلمه وحش

وبرده مش مع العنجهيه الى موجوده عند كل اللى ردو وتحاملهم على العامل البسيط

وبيقلو المفروض بياخد مرتب .. حضرتك مرتبه كام ؟؟؟ .. بالنسبه لمرتبك يسوى ايه ؟؟

مدير المحطه او البنزينه المفروض يديله مرتب مش هزيل ؟؟؟

اوك موافقك

بس الغسله هتبقى ب 50 جنيه بدال 20 جنيه فاهتبقى اكتر من ال 10 جنيه البكشيش سيادتك

للاسف صاحب العربيه والى بيتملك عربيه بيستقوى على عامل فى عشره جنيه بكشيش

ونرجع نقول للقياده السياسيه فين خير البلد وليه مبتزودوش مرتبتنا

ونتحول لعمال فى بنزينه بالنسبالهم لانهم اكثر مننا ماديا واجتماعيا وسلطه وغيره

يارب طلعنى من مصر على خير ..