الاسماعيلية

**Ashraf_Ibrahim** · 23-04-2011 12:30 PM

ازيكم يا شباب
اخباركم ايه
يارب تكونوا بخير
ان شاء الله ناوي اخد العائلة ونطلع على الاسماعيلية -فسحة-
حبيت اعرف من حضراتكم السرعة القانونية على طريق الاسماعيلية كام يا شباب ؟!
والمسافة قد ايه تقريبا من القاهرة!
وكمان يا ريت ترشحولي ايه الاماكن اللي ممكن تتراح هناك !
شاكر جدا ليكم

**ahmedsrs** · 23-04-2011 10:58 PM

شوف ياسيدى المسافة من القاهرة حوالى 100 كيلو وشوية والسرعة ذى مانت عايز بس فى التانى السلامة
الآماكن:-
1- نادى الشاطى فى نمرة 6 والدخول ب 10 جنيه ويطل على القناة مباشرة وبه مطعم وبلاج وفى نادى الشراع وده قعدة ونادى ومطعم
2- نادى الأسرة وده فى طريق البلاجات والدخول ب 10 جنيه
ويطل على تفريعة من القناة
3- طريق وكورنيش نمرة 6 ولا يوجد به كفتريات ويطل على ترعة مياه عزبة (ترعة السلام) والقناة
4- طريق البلاجات وده فى مطاعم راقية وشعبية وكورنيش معقول وفى ناس بتبيع سمك
5- وفى الطريق الدائرى والغابة ومفيهوش محلات تمشية وبس
6- وفى طريق السلطان حسين وفيه سينمات ومترو
7- وفى ملاهى على مدخل الاسماعيلية مش فاكر اسمها

**Ashraf_Ibrahim** · 24-04-2011 12:18 AM

انا شاكر جدا ليكم يا شباب
حقيقي مش عارف أقلكم ايه
بس واضح ان الرحلة مش هتتم لأن والدتي تعبت ومش هتقدر تيجي فبالتالي هلغي الموضوع
ياللا ربنا ييسرها مرة تانية ان شاء الله
وشاكر جدا ليكم مرة تانية