فضيحة جديدة للشرطة المصرية 20/4/2011

**د.أحمد السعيد** · 23-04-2011 03:43 PM

الموضوع خطير و أصبحت الشرطة حاليا بتقوم بواجبها الاكمل فى حماية البلطجية ضمان عدم تدخل أحد فى أى خناقة لأتاحة الفرصة للشعب فى التعامل بحرية تامة ............

سؤال : من هو الراجل ابو جينز و سلسله و ما حقيقته !!

**mmffor** · 23-04-2011 03:45 PM

لو حاجة اتسرقت منك و رحت عملت محضر - عمر المباحث هزوا وسطهم و كلفوا خاطرهم بالبحث؟
انت عارف ان اي موبايل يتسرق ممكن يرجع؟ لان الموبايلات الحديثة كلها فيها شرائح تتبع عن طريق الارسال حتى لو اتشالت الشريحة و ان في البداية كان اللي بيتسرق موبايله بيجيب الرقم المسلسل و فعلا بيجيبوا الموبايل و اللي سرق؟ اتلغى النظام ده لان لقوا الشكاوى كتيره و البهاوات مش فاضيين يتعبوا نفسهم و يقضوا على نشاط اجرامي زي السرقة اللي بيعتبروها شطارة و اكل عيش بالحلال و باقى تتبع الموبايل يتم في حالة جرائم القتل فقط!!!!
كام مرة انا او غيري لو شوفنا خناقة او حالة تعدي نتصل برقم النجدة متخيلين اننا في دولة متحضرة فيها شرطة و امن
الشرطة تصل في خلال من ساعة الى ساعة و نصف ( دا على اساس ان في خناقة بتقعد يوم و نصف ) و سبحان الله لو خناقة فعلا طولت و مسلحة بمطاوي و سيوف و الشرطة وصلت ( بعد 20 تليفون ) تلاقيهم واقفين من بعيد مستنيين الخناقة تخلص!!!!! و بعدين يدخلوا زي سبع البرمبة هوا فيه ايه - مين ضرب مين يا ولاد التييييييييييييييييييت...

كام مرة سيارتي اتخبطت و انا مظلوم و اتصل بالنجدة علشان تيجي تعمل محضر اثبات حالة لضمان حقي
اول ما يعرفوا انها حادثة يقولك ابعت اسعاف؟ اقوله لأ دي تصادم مفيش اصابات يقولك امال عايز ايه؟ الشرطة تيجي علشان محضر تصادم - طيب حنبلغ
و مفيش حس ولا خبر مرة استنيتهم بتاع 3 ساعات ولا جم مع اني كلمتهم 3 مرات و القسم 5 دقائق مني!!!!!!!!!!!!!!!!!!! و في الاخر اتصالحنا و مشينا لان لقيت مفيش فايدة
كام مرة شوية عربجية يعملوا فرح يبتدي الساعة 11 بالليل و يستمر حتى 5 صباحا بالضبط تحت شباك اوضة النوم؟ و تتصل بالنجدة يجولك بعد ساعتين و الصوت يوطى و تلاقي الامناء البهاوات بيشربوا الساقع و يتعرقوا و يمشوا مفيش دقيقة و الصوت يعلى اكتر من الاول؟؟؟؟؟؟؟
- اللي بيقول نعذرهم انهم مش عارفين يشوفوا شغلهم بعد الثورة اقوله هما يعني كانوا مقطعين الدنيا امن و امان (زي سوبر مان ) لو حد احتاجهم بيظهروا علطول!!! دول كانوا زي خيالات الماتة
بعد الثورة بقى اتشالت حتى خيالات الماتة
يبقى نفضها سرة فعلا و نعمل لجان امنية من المدنيين المسلحين تجوب الشوارع لفرض الامن
و الحمدلله في شباب مثقفة و محترمة كتير عاطلة عن العمل و عندهم استعداد يقوموا بعمل انساني زي ده في مقابل معقول بدل القعدة في البيت
بس يلغوا الشرطة
انا اطالب فعلا بالغاء الشرطة كلها بعد الفيديو ده اللي اثبت ان سلبية الداخلية زي ديل الكلب عمره ما حيتعدل سواءا بثورة او بيوم القيامة نفسه

**mmffor** · 23-04-2011 03:50 PM

المشاركة الأصلية كتبت بواسطة الطنطاوي

طيب ليه الناس العادية اللي واقفة دي ما تحركتش

اه معاهم البلطجية اسلحة .... بس قالب طوب في وش أي واحد فيهم تخلص الموضوع

لحد امتى هايفضل الجبن والسلبية مزروعين فينا

الموضوع لا علاقة له بالسلبية
تعريف المدنيين هم افراد غير مقاتلين لم يتدربوا على الالتحام او المقاومة الجسدية العنيفة او على حمل السلاح بنوعيه سواء ابيض او ناري
ازاي تطلب من مواطنين مدنيين غير مسلحين بانهم يقتحموا مجال غير مدربين فيه!!! يوقع على شهادة انتحاره؟
ليست سلبية ان تتجنب المجرمين لو كنت مواطن مدني لانه غباء و ليست شجاعة
لكن نحن نتحدث عن ضابط شرطة انضم لاكاديمية الشرطة 5 سنوات تدريب جسدي و رياضي و التحام و رياضات دفاعية و هجومية جسدية و تدريبات على حمل سلاح
يقبض راتبه لبسط الامن و القضاء على المجرمين
مسلح بسلاح ناري الى
و يتظاهر بالعمى المؤقت عند رؤيته لجريمة تحدث امامه
هذا ما يطلق عليه سلبية
بل و يطلق عليه تقضير في اداء وظيفة
بل و يطلق عليه جريمة او تواطئ في الجريمة

**waelfarid** · 23-04-2011 03:57 PM

فيها وقف لو اتقال الكلمة الدارجة لتواطؤ ههههههههههههههههههههههه

**Abo_Lina** · 23-04-2011 03:59 PM

و في الحروب نعامة

**تامر.محمد** · 23-04-2011 04:13 PM

اه و الله و في الحروب نعامة

من زمان على فكرة
من كام سنة كده , اي مظاهرة تنضرب لما تتعجن لأنها ضد الزفت , و طبعا اللي فيها مسالمين

اي خناقة بلطجية ماحدش بيتدخل الا لما تخلص , لأن طبعا البلطجية هايدافعوا و معاهم سلاح

حسبي الله و نعم الوكيل

**heshamzaky** · 23-04-2011 04:22 PM

المشاركة الأصلية كتبت بواسطة mmffor

الموضوع لا علاقة له بالسلبية
تعريف المدنيين هم افراد غير مقاتلين لم يتدربوا على الالتحام او المقاومة الجسدية العنيفة او على حمل السلاح بنوعيه سواء ابيض او ناري
ازاي تطلب من مواطنين مدنيين غير مسلحين بانهم يقتحموا مجال غير مدربين فيه!!! يوقع على شهادة انتحاره؟
ليست سلبية ان تتجنب المجرمين لو كنت مواطن مدني لانه غباء و ليست شجاعة
لكن نحن نتحدث عن ضابط شرطة انضم لاكاديمية الشرطة 5 سنوات تدريب جسدي و رياضي و التحام و رياضات دفاعية و هجومية جسدية و تدريبات على حمل سلاح
يقبض راتبه لبسط الامن و القضاء على المجرمين
مسلح بسلاح ناري الى
و يتظاهر بالعمى المؤقت عند رؤيته لجريمة تحدث امامه
هذا ما يطلق عليه سلبية
بل و يطلق عليه تقضير في اداء وظيفة
بل و يطلق عليه جريمة او تواطئ في الجريمة

كلاح صحيح و مظبوط جدا .أؤيدك فى الرأى
لو الشخص العادى عمرة ما مسك فى ايدة اى سلاح عمرة ما حا يعرف يضرب بية و استخدام الطبنجة نسبيا اسهل من استخدام اى سلاح ابيض على فكرة السلاح الابيض بانواعة عاوز مهارة شوية و قلب جرىء بجد لانك أول ما حا تشوف واحد أنت عورتة بسلاح أبيض سواء مطواة و لا سكينة و لا خنجر و لا أى حاجة لما تشوف منظر دمة ممكن تتخض و تلاقى نفسك مش عارف تكمل و يتاخد منك السلاح دة و ممكن تنضرب بية .
ظابط الشرطة شجاع جدا جدا جدا بس عارف لية لانة معتمد بنسبة 90 بالمائة ان الشخص الى أمامة مش بيرد الضرب لة لما بيضربة و معتمد على البدبة الى لابسها لكن هو فى الحقيقة داخليا مش شجاع زى ما بيظهر .
بتاع الجيش مدرب على الالتحام كويس و ممكن يستعمل السلاح النارى بكفاءة أعلى بكتير و السلاح الابيض و هو السونكى كويس جدا لما بيتم تدريبة علية و تقدر تقول انة ممكن يتحول الى ألة للقتل لو تطلب الامر وقت اللزوم

**bassem.naguib** · 23-04-2011 04:31 PM

الشرطة قبل الثورة كانت بتشتغل بنظام السبوبة على المواطنين وكانت مهمتها الأساسية حماية النظام الحاكم فقط لا غير (أمن .. تشريفات .. طلبات الأسياد ... إلخ)

الشرطة بعد الثورة .. عاملين زي البت البكر المكسوفة اللي لا بتهش ولا بتنش .. حتى في المرور مش حقول لا محاضر وخناقات ووجع قلب .. وحاسين أن عنيهم مكسورة .. ولسان حالهم بيقول يا يرجعوا زي ما كانوا يا أما مش لاعبين .

وفي كلتا الحالتين مش صح خالص اللي بيحصل ده ولا بد من وقفة حاسمة .. لأنهم في الحالتين بيثيروا سخط الناس عليهم أكتر .

-

الموضوع: فضيحة جديدة للشرطة المصرية 20/4/2011

LinkBack

أدوات الموضوع

عرض

-

-

-

-

-

-

-

المواضيع المتشابهه

تيجو السيارة الرسمية للشرطة المصرية عام2012

400 سيارة tiggo للشرطة المصرية من الصين ...!!!

النشيد الوطنى للشرطة المصرية !!

الكلمات الدلالية لهذا الموضوع

المفضلات

المفضلات

ضوابط المشاركة