فضيحة جديدة للشرطة المصرية 20/4/2011

**mmffor** · 23-04-2011 01:52 PM

1- مستشفى المطرية ظهرا

YouTube - ‫"ظپظ‰ ط¹ط² ط§ظ„ظ†ظ‡ط§ط± .. ط§ط.ط¯ط§ط« ظ…/ط§ظ„ظ…ط·ط±ظٹظ‡ ... ط§ظ„ط§ظ…ظ† ظٹط´ط§ظ‡ط¯ "ط¹ظ† ظƒط«ط¨ !!!‬&lrm;

شوفوا الفيديو بتركيز و ياريت حد يفهمني الكتاكيت المستخبية جوا غرفة الامن لازمتها ايه

2- http://www.almasryalyoum.com/node/409644?section

شوفوا كلام الدكتور في اخر 20 ثانية

مرة اخرى ترفض الشرطة التغيير لافضل و يصروا على موقفهم في السلبية و الاهمال و الجبن و تدمير مكتسبات الثورة و دعم الفوضى و انعدام الامن و الاستقرار

بتاع 20 امن مركزي و 4 امناء شرطة و 2 ضباط واقفين يتفرجوا على شوية بلطجية بيعربدوا في مستشفى المطرية في عز الضهر و سنج و مطاوي و ضرب نار
و الشرة متدارية في كشك الامن بيقولوا يا ارض او يا حيطة خبيني

دول شغلتهم ايه!!!
يبقى كده لو حتمشي على النظام ده يبقى الشرطة ولا ليها اي تلاتين لازمة

و نعمل زي امريكا و نتعاقد مع شركات امن محترفين بسلاحهم يجروا البلطجية قدامهم بدل الكتاكيت المبلولة اللي انا شايفها دي

**Ayman-Ahmed** · 23-04-2011 01:57 PM

وامبارح قالوا انهم قبضوا عليهم بعد عمل الاكمنة الازمة.

**elrasy** · 23-04-2011 02:06 PM

الفيديو دة شوفتة من يومين واستفزنى جدا
عشرات البلطجية بيطعنوا فى واحد لغاية ما مات والشرطة بتتفرج
حتى لو المجنى علية قاتل احنا مش فى غابة

**medo_msmsa** · 23-04-2011 02:49 PM

الاسلام لم يأتي بشئ خطأ والأيام تثبت ذلك بشكل عملي كل يوم
لازم البلطجية اللي زي كده تتعدم في ميدان عام لكي يكونوا عبرة لم لا يعتبر

**Dr Ahmed** · 23-04-2011 03:02 PM

طقم النسوان اللى واقف حراسة دا مفروض يتحاكم بكل التهم اللى ممكن توجه لقوات فاسدة جبانة خسيسة بتخاف لتتعور وأقترح فعلا ضمهم للبلدية جايز ينفعوا فى لم الزبالة وتسليك المجارى

**aly_hosny** · 23-04-2011 03:12 PM

دا الفرق بين عسكري و ظابط الجيش و عسكري و ظابط الشرطة
بتاع الجيش مبيخافش على نفسه بيخاف على قدامه بيخاف لحد يحلصه حاجة
بتاع الشرطة بيبقى خايف شعره يتنعكش خايف الهدوم تتوسخ

ما هما لو كانو اصلا في الاصل رجالة مكانوش انسحبو مع اول الم

**mmffor** · 23-04-2011 03:12 PM

يا جماعة توجهوا الى الرابط ده و شوفوا الفيديو

دا حتى القصر العيني!!!!!!!!!!!!!! اكبر مؤسسة طبية في مصر الجيش مش عارف يعين 4 عساكر جيش فيه!!!

ط¥ط؛ظ„ط§ظ‚ ط·ظˆط§ط±ط¦ آ«ظ‚طµط± ط§ظ„ط¹ظٹظ†ظٹآ» ط¨ط³ط¨ط¨ ط§ظ„ط¨ظ„ط·ط¬ظٹط© | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±

**mmffor** · 23-04-2011 03:14 PM

اغلاق طواريء و باطنة القصر العيني بسبب البلطجية و تهاون رجال الشرطة المكلفين بالحراسة

**mmffor** · 23-04-2011 03:15 PM

يا جماعة المدافعين عن الشرطة
- انا ليا اصدقاء كثر في الشرطة و لكن هذا لا يثنيني عن قول الحق
- قبل الثورة مكنتش باخد حقي اللا بمساعدة هؤلاء الاصدقاء و اخذه ايضا منقوصا
- الخطأ منذ البداية الى النهاية هو خطأ رجال الشرطة
- و من منا لم يقرص و يعاني من اداءهم السلبي ( صفر على الشمال ) سواءا قبل الثورة او بعدها
- انا لما بعايب بعايب على منظومة متكاملة لم تظهر عيوبها بعد الثورة فقط ولكننا كننا نتمنى تحسنها بعد الثورة
نتكلم بالبلدي

قبل الثورة البلطجية برضه كانوا موجودين

الشرطة عملت فيهم ايه؟ اللي بيبلطجوا و يعوروا الناس و يثبتوا ( سرقة بالاكراه ) المارين و المدنيين و احيانا كثيرة بيقتلوا اي مدافع عن نفسه بصيغة ازاي يستجري و يقف في وشنا او يتحدانا؟
- غالبا كانوا بيخافوا يقبضوا عليهم علشان عارفين ان حتبقى في مقاومة و ممكن ضابط يتعور
- لو وصلت لحد جريمة قتل كانوا بيفبركوا المحضر انه وفاة اثناء مشاجرة و كانوا بياخدوا 7 سنين بدل اعدام
- بيخرجوهم في ربع المدة او نصفها بحد اقصى في مقابل انهم يشتغلوا مرشدين
- كانوا بيستغلوا المرشدين دول اصحاب السوابق في تتبع المدنيين او الملتزمين دينيا سواءا اخوان او سلفيين
- كانوا بيستخدموهم لفض المظاهرات بالعنف و انعدام الدين و الضمير عندهم كانت ترتكب ابشع التجاوزات تحت نظر و سمع الشرطة مع تأييد مطلق لافعالهم الاجرامية
- كان يتم استخدامهم للدعايا الانتخابية لمرشحي الحزب الوطني و استخدامهم لمنع المصوتين من التوجه للجان الانتخابية بالسلاح و ارعاب الناس بتأييد من الشرطة و النظام
في حالة ارتكابهم لاي جرائم ( مسجلي الخطر العاملين مع الشرطة و هم كثر ) يتم التستر على جرائمهم و اخفائها حماية لهم و اعترافا من الداخلية بدورهم الفاعل و تعاونهم في استخدام خبراتهم الاجرامية لمصلحة النظام و ايضا خوفا من فضحه لتجاوزات الشرطة امام النيابة العامة لو تم التحقيق معه

الشرطة وضعت يدها على مجرم منعدم الضمير و الانسانية و الشرف و الدين
لم تعاقبه و لكن كافأته
اعطته غطاء و حماية قد لا يحصل عليها اعضاء مجلس الشعب ذاته
منحته سلطات مطلقة لو منحت لفرد عادي لافسدته فما بالك بشخص فاسد اصلا
و في النهاية كانوا هم اول من هاجم و اقتحم مراكز الشرطة لاحراق ادلة ادانتهم و ملفات متابعتهم التي يعتبروها قيدا على حريتهم في الممارسة الاجرامية الحرة و ليست الموجهه من قبل الشرطة
و طمعا في الحصول على اسلحة نارية لتحسين النشاط

**الطنطاوي** · 23-04-2011 03:23 PM

طيب ليه الناس العادية اللي واقفة دي ما تحركتش

اه معاهم البلطجية اسلحة .... بس قالب طوب في وش أي واحد فيهم تخلص الموضوع

لحد امتى هايفضل الجبن والسلبية مزروعين فينا

الموضوع: فضيحة جديدة للشرطة المصرية 20/4/2011

LinkBack

أدوات الموضوع

عرض

فضيحة جديدة للشرطة المصرية 20/4/2011 - انشر الموضوع فى :

-

-

-

-

-

-

-

المواضيع المتشابهه

تيجو السيارة الرسمية للشرطة المصرية عام2012

400 سيارة tiggo للشرطة المصرية من الصين ...!!!

النشيد الوطنى للشرطة المصرية !!

الكلمات الدلالية لهذا الموضوع

المفضلات

المفضلات

ضوابط المشاركة