واخيرا السخنيه راحت الفليشيا قامت بالسلامه
بسم الله الرحمن الرحيم
السلام عليكم ورحمة الله وبركاتة
طبعا كلكم شفتم الى حصل فى يوم الحر الشديد والى حصل للفليشيا فى اليوم دا
انا فلشيتى كانت قربت على ال110 الا شرطتين وبصراحه خفت ووقفت وقلت لا لازم اروح للميكانكى بتاعى لانى لسه عامل وش سلندر والحمد لله اتعمل كويس ومفيش طيحنه ولا عسل حتى
المهم اتصلت بالراجل قال لى يمكن الصوباع بيقرا غلط
المهم رحت وكنت ناوى اشوف قصه الحراره واغير سير الكتينه لانه كان بيعمل صوت
اشتريت سير كتينه صينى اتحاد اوربى ب95 ووش تقسيمه ب10
المهم فك وركب وظبطه على الشعره
وقفل وغيرت فلتر الهوا بواحد صينى بدل المصرى
وغيرت فلتر البنزين
المهم بقى الى حصل بعد كده هو المهم
لقيت الحراره لزقه تحت 70 مش بتطلع خالص غير لما اقرصص جدا جدا ويادوب كده تطلع شويه فوق وتنزل تانى
قلت جايز علشان الدنيا برد المهم نزلت بيها فى يوم تانى شمس لقيت المؤشر برده مش بيعلى مره واحده زى قبل كده
قرصت جامد جدا وبقيت على 120 وعاطى خامس وقارص والاربى ام عالى فوق ال30 ويادوب قرب يحصل التسعين
ملمسهاش حتى ورجع تانى بعد ما المروحه اشتغلت
اكتشفت فعلا ان سير الكتينه لو مش مظبوط وبعد 60 ألف كيلو متغيرش بيرهل ومش بيبقى مظبوط مع انه جنزير وبيسخن العربية ( سيبك من الميكانيكى الى يقولك دا جنزير مش بيتغير )
المهم الراجل مع التركيب نظف ببنزين علشان كده جبت جركن زيت كلتكس ب48 جنيه علشان يبقى غسيل بس وحنزله بعد 500 او 300 كيلو علشان يكون نظف البنزين والحاجات الى مش كويسه واحط الزيت شل الاصفر مع معقول حغسل بزيت ب105 جنيه
وكمان خليت الدبرياج واطى جدااااااااااااااا يعنى تدوس يا دوب تكه كده يفصل وهويت التيكهات شويه
ملاحظاتى على التغيرات
1- العربية بتجمع بسرعه جدا
2- صوت الماتور عالى وخشن ( اظن علشان الزيت مش كويس كالتكس مش زى شل برده )
3- السحب حلو جدا