الموضوع: لوحوش النيسان فقط Nissan Nx 100

اهلا بيك اخى الكريم

هى العربية رائعة وجميلة ,والاغلب حتلاقيها 1992 وفى منها بينزل ماتور 2000 سى سى هورس باور 140 وفى منها ماتور 1600 سى سى مانيول واتوماتيك هورس باور 110 , والعربية دى نفس ماتور السنترا السيدان

والعربية دى بتنزل شكلها شكل هاتش باك , وكمان فى ال1600 سى سى بينزل معاها سبويلر وفوجات اساسى
وفى ال2000 سى سى بينزل فيها فتحة سقف

بس فى الاخر كل ده جميل جدا وعربية ممتازة , بس فى مصر صعب تلاقيها هنا فى مصر , وحتسلم دقنك لاى مستورد وتستنى بقا لما يجيبلك حاجاتها من بره مصر

اما لو حضرتك زى ما انت كاتب ان اقامتك فى المانيا , والعربية عايز تجيبها من هناك وتستعملها هناك يبقا مفيش مشاكل , لان اكيد حتلاقى متوفر ليها قطع غيار

ولو عايز اجيلك المانيا ابصلك على حالة العربية انا معنديش مانع

بس فعلا لو انت فى المانيا , فى عربيات هناك افضل من نيسان , فى عندك الجولف والباسات والبورا , وعربيات كتير فى سنة 2000 و99

انا كنت بشوف عربيات جولف وبورا موديل 99 فى السويد اكنها موديل 2011 ومستعملة والله

استعمال بره نظيف جدا ولا خدشة ولا مشكلة فى العربيات وبتكون ماشية بالكتير 30 الف كيلو

فكر شوية قبل ما تاخد القرار

واتمنى اكون قدرت افيدك

وتحت امرك فى اى استفسار

واهلا بيك معانا

من رائى بلاش وايه اللى يزنق الزنقة دى , ممكن تلاقى حاجة فيها ناقصة مثلا وتدوخ عليها

من رائى بلاش

ولو مصمم , اسحب العربية دى على التوكيل , وشوفهم حيقولولك ايه على حالتها , وعلى وضعها

سواء وضع الفتيس بتعها او الكنترول يونت , على اساس لو حصلهم حاجة لقدر الله

وعندك السبع قريب منك فى المعادى ,ولوحضرتك مش فى مصر , خالى حد من اقاربك يقوم بالموضوع ده

تحياتى