اللحقووووني ياجماعة الافيو بدأت تخرف ولا ايه ؟

**wesamsoftware** · 23-04-2011 06:54 PM

السلام عليكم ياشباب

عندي مشكلة بدأت تظهر بقالها اسبوع او زيادة فى الافيو موديل 2005
العربية ماشية زي الفل بقالها 9 شهور من ساعتها ما اشترتها كانت ماشية 85 الف بس دلوقتي عامله معايا 101 الف جميل وكله تمام

دلوقتي الفترة دي لقيت العزم بدأ يقل عن الاول بقت تجيب ال 80 ومش عاوزه تزيد بسرعه لل 100 كان الاول عزم زي الفل بجيب ال 120 ومعايا ناس راكبه
فمش عارف ايه القصة دي
انا غيرت الاتي بالاصلي وكالة
اسلاك بواجي والبواجي نفسها كان اسمها بوش تقريبا
غيرت فلتر الهواء الخارجي بالاصلي
غيرت كمان دابة الشكمان اللي تحت الموتور علي طول
النهاردة رحت وديتها عشان اغير سير التيمنج وسير اللي بره بتاع شداد الدينمو
ولسه مش عارف ايه النظام لما تخلص

السؤال هنا هل سير التيمنج مؤثر علي العزم ؟؟؟؟

وهل فيه اقتراحات اخري ؟؟ علي فكره انا بعمل صيانة ال 100 الف علي حسب الكتالوج غيرت التالي
Master Brake Celiender Replaced Oil and Filter Replaced passenger Air Filter Replaced Drain, flush and refill cooling system Replaced Spark plugs Replaced spark plugs wire Air Filter Replaced

فاضل فيها سير التيمنج وسير الدينمو

وفيه حاجة مش فاهمة في الكتالوج اللي هيه
❑ Inspect EVAP canister and vapor lines. Replace
solenoid valve filter. An Emission Control Service.
(See footnote †.)
❑ Inspect PCV system. An Emission Control Service.

**ahmed1981** · 23-04-2011 07:25 PM

أخبار الكلتش إيه (الإسطوانة والدسك)

**mhmdalsaadany** · 23-04-2011 08:49 PM

فعلا لازم تشيك على الديسك والاسطوانه اول حاجه وهل صوت الموتور بيعلى من غير تناسب مع السرعه ولا لأ

**wesamsoftware** · 23-04-2011 11:39 PM

انا غيرت سير التيمنج وسير الدينمو لقيته مشقق
بالنسبة للكلتش مش عارف هل تعب ولا ايه
طيب اعراض ضعف الكلتش ايه ؟ او اعرف ازاي انه ضعيف؟؟
هنجرب بكره ايه الاداء ان شاء الله ونوفيكم باخر التطورات

**ahmed1981** · 23-04-2011 11:53 PM

المشاركة الأصلية كتبت بواسطة wesamsoftware

انا غيرت سير التيمنج وسير الدينمو لقيته مشقق
بالنسبة للكلتش مش عارف هل تعب ولا ايه
طيب اعراض ضعف الكلتش ايه ؟ او اعرف ازاي انه ضعيف؟؟

إطلع بالعربية
وإنت على التاني
إنقل على الخامس مرة واحدة
ودوس بنزين جامد
لو صوت الموتور علي والعربية مش بتجري بالتوازي مع الصوت يبقى الكلتش كده خربان

**wesamsoftware** · 24-04-2011 07:28 AM

شوف ياباشا انا النهاردة الصبح شغلت العربية وجبت الخامس ورفعت الكلتش مع زيادة البنزين فالعربية مشيت معايا مش كتير يعني بالسنتميترات كده فهل كده الكلتش تمام ولا ايه ؟
وانا حجرب الطريقة بتاعتك ونشوف النظام
بس النهاردة الحمد لله حست العربية فاقت شويه وبقت تطلع بسهولة فوق ال 80 الي 120 بشكل معقول عن الاول

مشكورين علي اقتراحتكم

**HANTER** · 24-04-2011 10:26 AM

شيك على الديسك و اسطوانة دة اكيد العيب منة

**wesamsoftware** · 24-04-2011 06:10 PM

شوف ياريس انا جربت زي ماقولت
امشي علي التاني وبعدين بسرعة انقل علي الرابع والعربية مشت تمام بدون مايعلي صوت الموتور

جربت وانا واقف وشادد الهندبريك جبت الرابع ورفعت شويه دبرياج العربية كانت بتشد عاوزه تمشي بس ماحبتش ازود عن كده رفعت الدبرياج عشان ماتطفيش

المهم انا شايف انه الحمد لله الحالة كويسة عن الاول وبعدين فى طلعتها ماشاء الله مفيش مشكلة حتي مشغل المكيف ومعايا 3 افراد راكبين

**aymanmaly** · 24-04-2011 08:36 PM

مبروك حل المشكلة
لو عايز تطمن على الاسطوانة و اليسك
روح مكان يكون مطلع عالى زى مطلع الاهرام او مطلع المقطم و خليك على سرعة هادية و حاول تشد لو طلعت العربية ببساطة يبقى اطمن
لو مارديتش و حسيت ان الماتور مش عايز يبقى فية حاجة فيهم
و دة طالما غيرت بوجيهات و منظف الفلاتر
بس العربية طالما ضبطت معاك وا تقلقش
بالتوفيق

**ahmed1981** · 25-04-2011 01:32 AM

كده الكلتش عندك تمام

الموضوع: اللحقووووني ياجماعة الافيو بدأت تخرف ولا ايه ؟

LinkBack

أدوات الموضوع

عرض

-

-

-

-

-

-

المواضيع المتشابهه

بدأت ازهق :@ :@

ياجماعة افيدونا بخصوص هبد ورزع عفشة الافيو

ياجماعة الافيو بقه سحبها وحش جدا

ياجماعة رجاء عايز كود كاسيت الافيو

محدش ياجماعة قالى الافيو احسن ام الفيرنا اللى عنده افيو يقول

الكلمات الدلالية لهذا الموضوع

المفضلات

المفضلات

ضوابط المشاركة