ايهم يحافظ على الموتور اكثر الفتيس العادة ام الفتيس الاوتوماتيك ؟؟

**abdalah_hashem** · 23-04-2011 10:02 PM

السلام عليكم ورحمة الله وبركاته
فى سؤال ايهم يحافظ على عمر الموتور وبالبلدى كدة ( يريحة ويريح التروس ) الفيس العادة ام الفتيس الاوتوماتيك ؟؟؟؟
طبعا هذا على اساس ان الفتيس الاوتوماتيك بيغير بين النقلات على اساس ال rpm عن عدد لفات معينة ينقل للغيار كذا وعند عدد لفات كذا ينقل للغيار الفلانى وهكذا
واكيد المصنع عارف احسن عدد لفات ينقل عندها من غيار لغيار اخر وبالتالى هيحافظ على عمر الموتور وعمر التروس

طبعا غير العادة تقرص على الموتور وعلى الغيار وتسقط نقلة و ممكن انك تنقل لغيار قبل معادة او بعد معادة بدعوى الخبرة
لان الخبرة علمتك انك تاخد افضل اداء من العربية مش انك تريح العربية .
وشكرا

**ahmedsrs** · 23-04-2011 10:38 PM

الفتيس الاوتو احسن كفاية انه هيريحك وفى نفس الوقت بيريح التروس عشان كمبيوتر الى بينقل

**eldell** · 23-04-2011 10:48 PM

شايف برضه الفتيس الاوتو احسن

**abdalah_hashem** · 23-04-2011 10:57 PM

طب لو حد يقدر يقوللنا خلال فترة 10 سنوات مثلا فرق ال مانيوال عن الاوتوماتيك مقدارية قد اية ؟ من حيث تكالف الصيانة للفتيس فقط وتكاليف الصيانة للتروس وتكاليف الصيانة للموتور غير الصيانة الدورية طبعا سوف يكون رقم تقريبى للناس المستخدمين للفتيس من النوعين

والعمر الافتراضى لكل نوع منهم المانيوال والاوتوماتيك ؟؟

وكل نوع منهم يفضل لمين يعنى للناس اللى بتسافر على طرق طوالى ايهم افضل والناس اللى تحركاتها داخل البلد ايهم افضل؟؟

وايضا قطع الغيار اللى بتتطلب تغيير اكثر فى حالة كل نوع مانيوال واوتوماتيك؟

وطبعا السواقة العادية يعنى لا قرص ولا كبس ولا سبق وهذة السواقة تعنى الاستخدام للغرض الفعلى للسيارة

ولو حصل سواقة عنيفة ايهم يعمر اكثر

**shaddadfalcon1** · 23-04-2011 10:57 PM

علي حسب سواقتك

**gebreel** · 23-04-2011 10:57 PM

انا شايف ان ملهاش علاقة اوتو او مانيوال لأن في الاول و في الاخر الفتيس ما هو الا مكنة هتقلها تعمل كذا هتعمل كذا و باهتمامك بيها هتعيش و تصونها

الفتيس الاوتو لو قعدت تعمل في كيك داون كثير هتقصر من عمروا الافتراضي زيها زي في المانيوال لما تحرق جامد كل ده مع عدم الاهتمام بالفلتر بتاعو و تغيير الزيت بتاعوا في ميعادو و هكذا و في الاول و الاخر الفتيسين ليهم منطقة خطر هو نفسوا ممكن يحمي نفسوا لو وصلها

من رأيي الاوتو اريح ليك بس كدة

**Salamonti** · 25-04-2011 11:56 AM

بالنسبة لجزئية الأحسن للعربية والموتور فالاتنين واحد مفيش فرق بينهم !!

انما الفرق في راحتك انت كسواق..
اللي بيحب يمشي هادي ومرتاح بيجيب أوتو
واللي بيحب يجري ويحرق مايعرفش يركب غير مانيوال..

ونرجع تاني لجزئية الأفضل للموتور وللعربية
لو معاك فتيس أوتو ورجلك تقيلة في السواقة وبتحرق يبقا هاتهلك الفتيس والموتور
في حين ان ممكن واحد تاني يكون معاه مانيوال بس مريح الغيارات فيحافظ على عربيته
والعكس صحيح..

العملية عملية سواق لا أكتر ولا أقل مالهاش علاقة بنوع الفتيس..

وتصحيح لمعلومة خاطئة ..
الفتيس الأوتو مش بينقل على آر بي ام ثابت بالكمبيوتر كما يعتقد البعض،
أي فتيس أوتو حتى لو في عربية موديل سنة 70 هاتلاقيه dynamic
يعني بيغير المود بتاعه حسب رجل السواق
لو انت دايس عالبنزين بالراحة هايريح الموتور وينقل الغيارات على أقل rpm ممكن
ولو انت دايس عالبنزين بدرجة متوسطة هاتلاقية بينقل على rpm متوسط ومعقول
ولو كابس بنزين أوي (بدون ما توصل للكيك داون) هاتلاقيه بينقل على rpm عالي نسبيا
ولو رزعت رجلك عالكيك داون هاتلاقيه بيسقط نقله..
ومعلومة إضافية بقا: لو انت ماشي عادي وشلت رجلك من عالبنزين وحطيتها مرتين ورا بعض هاتخلي الفتيس يزود نقله لو انت حابب تريح العربية

**mahmoudysf** · 25-04-2011 12:02 PM

الموضوع كله يعتمد على السائق
ويعتمد كمان على انت بتحب ايه مانيوال ولا اتوماتيك واللي هيحافظ هيحافظ في الحالتين

**roua2007** · 25-04-2011 12:11 PM

المشاركة الأصلية كتبت بواسطة gebreel

انا شايف ان ملهاش علاقة اوتو او مانيوال لأن في الاول و في الاخر الفتيس ما هو الا مكنة هتقلها تعمل كذا هتعمل كذا و باهتمامك بيها هتعيش و تصونها

الفتيس الاوتو لو قعدت تعمل في كيك داون كثير هتقصر من عمروا الافتراضي زيها زي في المانيوال لما تحرق جامد كل ده مع عدم الاهتمام بالفلتر بتاعو و تغيير الزيت بتاعوا في ميعادو و هكذا و في الاول و الاخر الفتيسين ليهم منطقة خطر هو نفسوا ممكن يحمي نفسوا لو وصلها

من رأيي الاوتو اريح ليك بس كدة

انا شايف ان كلمك مظبوط جدا

-

الموضوع: ايهم يحافظ على الموتور اكثر الفتيس العادة ام الفتيس الاوتوماتيك ؟؟

LinkBack

أدوات الموضوع

عرض

ايهم يحافظ على الموتور اكثر الفتيس العادة ام الفتيس الاوتوماتيك ؟؟ - انشر الموضوع فى :

-

-

-

-

-

-

-

المواضيع المتشابهه

ايهم افضل بلنسبه لك الفتيس العادى التقليدى ولا الفتيس الـــ cvt

زيت الفتيس الاوتوماتيك

هل الفتيس الاوتوماتيك يكون عمليا فى التاكسي ولا المانيوال اكثر مرونه

تسريب في زيت الفتيس العادة اول فيكترا

ايهما افضل الفتيس الاتوماتيك ام العادة- مناقشة

الكلمات الدلالية لهذا الموضوع

المفضلات

المفضلات

ضوابط المشاركة