الموضوع: أهمية أراء ملاك الشيفروليه اللانوس 2011

شوف بقى يا بشمهندس خالد انا ليا واحد قريبى شارى العربية من حوالى اربعة اشهر موديل 2011 زيروو وعامل بها مايقرب حوالى10000 الف ك.م وبيشكر لى فيها خالص علما انه مشقى ومبهدل العربية كثيراً سفريات كثيرا من البحيرة لاسكندرية وكفرالشيخ لظروف عمله وانه بيعمل الصيانة الدورية خارج التوكيل علماً بانه راح الى التوكيل وقالوا له لايوجد به صيانة مجانية على حسب كلامه الشخصى
ملحوظة انه كان عند كان عنده دايولانوس 1 موديل 99 كان شاريها زيروو وباعها من حوالى سنة وقالى ان الشيفروليه لانوس لاتفرق عن اللانوس 1
الافى اختلاف حاجات بسيطة جدا فيما عدا ذلك لايوجد مشاكل كما يقال طلمبة البنزين او التقفيل بالصورة التى يسمع عنها او اشياء اخرى
وهذا الكلام ليس لى مصلحة شخصية
بل نحب نسمع برده المزيد من الاراء
حتى يكون هناك راى جماعى وفردى قوى على تلك السيارة
سواء ذكروا ايجابيات او سلبيات تلك السيارة
حتى تعم فائدة المنتدى لجميع المقبلين على شراء تلك السيارة
والشكر لجميع

المشاركة الأصلية كتبت بواسطة msobhy

انا معايا لانوس 1 - موديل 2000 + لانوس 2003 + شيفورلية لانوس 2009 بتاعت صاحبى
نصيحة لوجه الله بلاش لانوس
لو بتدور على عربية شغالة وخلااااااص - صيانتها سهلة - قطع غيار رخيصة ومتوفره - يبقى اللانوس مفيش غيرها - فعلا انا شايف انها احسن عربية شعبية على الاطلاق
لو بتدور على نعومة - تكييف - صوت موتور واطى - فخامة فى الصالون - يبقى حضرتك اكيد بتتكلم على حاجة غير اللانوس
بخصوص اللوجان معرفش عنها اى حاجة لكن فعليا انا عمرى ما هاشتريها لأنها مش بتنزلى من زور - بحس ان اللى عمل التصميم بتاعها كان لسه خارج من حادثة وجرى عمل التصميم ده - مع العلم ان رينو مشهوره بتصميمتها الداخلية والخارجية الرااااااااااااااائعة
الاهم من ده كله - استخير ربنا قبل أى شئ
ربنا يوفقك

انا متشكر على ردك يا msobhy ، انا فعلا محتاج عربيه جدا ، زى مبتقول صيانتها سهلة ......، وميهمنيش الفخامة والكلام ده لان زى مبيقولو "مد لحافك على اد رجليك" ،
انا بفكر ان شاء الله اشتريه قسط -تقسيط مباشر مع صاحب المعرض- وادفع 1/2 التمن وقسط الباقى على سنتين مثلا
لسه بردو تنصحنى بيها ولا ايه يا برنس ؟؟؟

وانا بتصفح فى قسم المقارنات وجدت مناقشة من اقوى المناقشات بين اللانوس واللوجان فى المزايا والعيوب
واليكم هذا رابطها
http://www.nilemotors.net/Nile/89433-a.html

المشاركة الأصلية كتبت بواسطة hadidy0

انا متشكر على ردك يا msobhy ، انا فعلا محتاج عربيه جدا ، زى مبتقول صيانتها سهلة ......، وميهمنيش الفخامة والكلام ده لان زى مبيقولو "مد لحافك على اد رجليك" ،
انا بفكر ان شاء الله اشتريه قسط -تقسيط مباشر مع صاحب المعرض- وادفع 1/2 التمن وقسط الباقى على سنتين مثلا
لسه بردو تنصحنى بيها ولا ايه يا برنس ؟؟؟

لا تعليق
سبحان الله انت عارف لو بأيدى كنت قلت لأى واحد يجى يجرب العربية بتاعتى
وهوه لوحده هياخد قراره فى شراء العربية ولا لا
وطبعا هيكون لا
انت بتفكرنى بواحد بقوله بلاش بلاش تقرب من النار وهوه رايح يرمى نفسه فيها
لاحول ولا قوة الا بالله

المشاركة الأصلية كتبت بواسطة khaled4nour

لا تعليق
سبحان الله انت عارف لو بأيدى كنت قلت لأى واحد يجى يجرب العربية بتاعتى
وهوه لوحده هياخد قراره فى شراء العربية ولا لا
وطبعا هيكون لا
انت بتفكرنى بواحد بقوله بلاش بلاش تقرب من النار وهوه رايح يرمى نفسه فيها
لاحول ولا قوة الا بالله

طيب تنصحنى اشترى ايه فى حدود 70.000 ؟؟؟

المشاركة الأصلية كتبت بواسطة Hadidy0

طيب تنصحنى اشترى ايه فى حدود 70.000 ؟؟؟

لو يرجع الزمن تانى وقت ما اشتريت عربيتى زيرو
طبعا مش هشترى لانوس نهائياً أو اى حاجة تقفيل مصرى
افضل انك تشترى اى عربية كسر زيرو لانسر او ما شابه ذلك
وفى اى حال من الاحوال أبعد عن اللانوس نهائياااااااااااااا
او بمعنى اصح اى تقفيل مصرى.
صدقنى والله رميت فلوسي فى الأرض
انت مش ملاحظ حاجه؟
انى بدافع بكل ما استطيع من قوة عن شراء هذه العربية المنكوبة؟
وده مش من فراغ
ولكن للأسف ملقتش حد يلح عليا كده زى ما انا بعمل مع الناس
لأن الحاحى ده مش من فراغ
انا وقتى معظمه مع العربية المنكووبه دى وسألت فيها بحكم المشاكل اللى فيها
اللى كل يوم يبان فيها شيء
وناس كتير اووووووووووووووووى بنفس المشاكل
عماله تفتح بؤها بالرغم انها زيرو موديل 2010 ومش بدفع ولا شلن لأنها فى الضمان
ومضطر أقبل رخامة الضمان والصيانة الدورية الغالية وقطع الغيار الأصلية من التوكيل والمبالغ فى سعرها
علشان لما بيحصل حاجه فى العربية بيغيروها على حسابهم بس انا عارف لما الضمان هيخلص انا اللى هعمل الحاجات دى على حسابي بص يا سيدى بأختاصار شديد انا هقولك انا غيرت ايه لغاية دلوقتى بالرغم انى أستاذ سواقة وبحافظ على عربيتى جدا بمعنى انه عيوب صناعه وذلك بشهاده مهندسي التوكيل
1- طنابير أمامية
2- ركبتين ( الشمعدان) الجزء اللى شايل المساعدين.
3 عدد 2 مساعد يمين وشمال
4- سويتش الأستوب والله العظيم غيرته مرتين
5- حساس الماب map برضو غيرته مرتين.
6- مراية شمال لأن الوير اللى فيها فرط لوحده والصدفة لقيت فى التوكيل 4 عربيات بنفس العيب.
7-ضبط الزوايا ده كل اسبوعين اروح اعمله لانها بتحدف بشكل مستفذ جهه اليمين.
8-العربية واوطيه مووووت الشكمان لحمته كذا مره بالرغم ان باخد المطب بالأسلوب السليم
عموما انا مش فاكر حاجات كتير بس كل ما هافتكر هقولك
على فكره انا عامل شكوى فى حماية المستهلك من اول شهر لأستلامى السيارة من هذه العيوب الفظيعة.
وبعد ده كله عاااااااااوز تشترى
عرفت ليه انا مش عاوز حد يخيب الخيبة اللى انا فيها
م/خالد

ربنا يباركلك على نصايحك يابشمهندس خالد
ولكن المبلغ 70000 جنيه يشتروا ايه سيارة زيرو مع العلم ان كلما زادت قيمة السيارة كلما قلت مشاكلها
فانت تنصح الواحد بايه بااللوجن او الفرنا مثلا ولا حاجة ثانية
الواحد بيبص على اللانوس انه السيارة الشعبية فى بلدنا
وهذا كلام التجار والسوق للاسف
وانه عاملة زي الدولار الامريكى اللى ماسك نفسه

المشاركة الأصلية كتبت بواسطة mohamedibk

ربنا يباركلك على نصايحك يابشمهندس خالد
ولكن المبلغ 70000 جنيه يشتروا ايه سيارة زيرو مع العلم ان كلما زادت قيمة السيارة كلما قلت مشاكلها
فانت تنصح الواحد بايه بااللوجن او الفرنا مثلا ولا حاجة ثانية
الواحد بيبص على اللانوس انه السيارة الشعبية فى بلدنا
وهذا كلام التجار والسوق للاسف
وانه عاملة زي الدولار الامريكى اللى ماسك نفسه

مش معنى ان يكون معايا 70 الف جنيه لازم اشترى زيرو
ممكن تشترى مستعمل كسر زيرو وترقى بالمستوى
أو تقبل انك ترمى فلوسك ع الأرض بشراءك التقفيل المصرى
ولكن يا صديقى لم أجرب الفيرنا ولا اللوجان عشان ما اقولش حاجه انا مش عارفها
اللى اعرفه اللانوس المنكوبة هههههههههههه
ام بخصوص ان السيارة شعبية فـ بالفعل شعبية جدا ههههه بمعنى بيئة