ي باشا مش يمكن تكون عربيتك انتا بس اللى فيها مشكله
لأنى بصراحه شريها بقالها معايا سنه و شهرين تقريبا و مافيش اى مشكله تقريبا حصلتلى الحمد لله
عرض للطباعة
الانوس عربيه حماله اسيه ومميزاتها قتلت بحثا وكذلك عيوبها والقرار لك..
مع كامل احترامي لكلاك اللوجان ممكن تكون اللوجان افضل من الانوس في حاجات بس مش هاتكون مثلا لانسر او صني يعني هاتكون برده في نفس فئه الانوس انما مشكله الصيانه وقطع الغيار واعاده ابيع مشكله كبيره فعلا مش بالبساطه دي والناس هاتعرف الكلام ده مع مرور الوقت عليها لما تقدم شويه واكبر دليل علي كده انهيار سعر الميجان الرهيب مع كل مميزاتها وكماليتها وكمان شكلها الجميل ...فكر واحسبها لانك صاحب القرار
الحمد لله ان ملاك تلك العربية استجابوا للمشاركة فى هذا الموضوع وبدأو يتحدثوا عن سيارتهم بانطبعات كويسة عنها وهذا فى حد ذاته شىء فى مصلحة العربية ونتمنى مزيد من الاراء التى تشكر فى تلك السيارة حت تكون تشجيعاً على الشراء
وايضاً نتمنى اراء الاطراف الاخرى غير الاخ خالد برده عن مشاكل العربية ان وجدت لديها حتى نفكر جيداً قبل الشراء
وبالغ تحياتى لجميع الاخوة عن ردودهم فى هذا الموضع بمشاركات ايجابية
ونريد المزيد والمزيد من الردود لتعم الفائدة على المنتدى
مساء الفل يا جماعه :-)
انا ليا مشاركة سابقه في هذا االموضوع .....ارجو يكون الكل قرأاها ....
عشان منظلمش خالد .... انا كماان كنت قرفان من االعربيه ... وكنتت حاسس ان مشاكلها كتير .....بس عرفت ان توكيل منصور بيصيينها غلط .... اخطاء بيعملوها كتير و حااجات تانيه كتير مبيعملوهاش واالمفروض تتعمل ...
كان عندي ونه جامدة جدا و مكنتش عارف جايه منين ....
كنت فاكرها 1- فتيس 2- بلي ععجل امامي او خلفي 3- طرمبه بنزين كنت تعبان نفسيا منها جدا جدا جدا جدا زي خالد بالظبط
وفعلا فكرت ابيعها ..... واحد ابن حلال فك الععجل الخلفي و طلع البلي و لاقيناه مفيهوش شحم نهائي ....الا بسيط جدا.....
جبنا علبه شحم و كبسناهم شحم .... الصوت راح بنسبه كبيره جدا جدا .....
الفتيس مثلا فيه زنه خفيفه جدا عالماشي .... قلت ياا نهار اسود .... انا اتدبست ف عربيه منيله ..... كشفت علي زيت الفتيس لقيته مظبوط .... واحد محترم بره التوكيل قاللي اللانوس كدة.... فتيسها بيبقي خشن في الاول و الصوت بينعم بعد كدة و كذلك صوت الموتور ....بيهدأ بععد كدة .... في الاول بيبقي عالي شويه ......كل المعلومات دي خدتها من بره توكيل منصور ....
توكيل منصور بيحسسوك انهم مش معااك ولا تربطك بيهم اي علاقه .... و دةة اللي بيدي الواحد جرعات من الاحباط ....
علي فكرة واحد صاحبي بيفهم في السيارات جدا و معاه نيسان صني .... جاب فيرنا موديل 2008 لزوجته .... ساق العربيه لقي ان الفتتيس فيه زنه بردو.... ( موضوعع الزنه دة مش اي سواق يحسه ) .... بتوع غبور قالوله دة طبيعي ...لاان العربيه زيرو ...
صديق ليا جاب مازدا 3 .... اول اسبوع غير موتور زجاج امامي
اناا مثلا : اول اسبوع غيرت كاوتش زجاج كامل و موتور زجاج خلفي .. عيوب صناعه و علي حساب الضمان
و امبارح غيرت شاسيه زجاج باب الساائق .... علي حساب الضمان .... وكان العيب ان الزجاج الامامي لما ييجي عند ااخر حته في القفل يعمل تكه .... و وهوة نازل للاخر .... يعمل تكه ...... كل دي عيوب صناعه .... واردة في اي سياره
بعض اصدقائي اللي جايبين فيرنا حصل معاهم حاجات زي دي .... و بالاخص الطنابير .... موضوع مشهور اوي في الفيرنا
لازم نعرف احنا راكبين ايه .... احنا راكبين سياراات شعبيه ......
لكن اللي اقدر اقوله في النهايه ....لانوس ... فيرنا .... لوجان .....بروتون ساجا .....byd.....ااسبرانزا ..... كلها سيارات شعبيه و فيها بعض االمشاكل من عيوب الصناعه ......
اللي يقدر يخرج بره الفئات دي و يجيب حاجة اعلي يبقي عمل خير جدا
ممععهوش و جاب حاجة من اللي ذكرتهم .... مفيش مشكله اهو راكب زيرو بردو ... بس يستحمل عيوب الصناعه و هيه في الضماان عموما .....بس مش راكب لانسر مثلا او تويوتا ..... فيه فروق يا جماعه ....
انا كنت فااكر اني راكب زيرو يبقي مش حزور التوكيل الا في الصيانه الدوريه فقط
يا جماعه السيارات دي تقفيل مصرررررررررررري ...... مصري يعني فيه ععيوب واردة جدا
ووارد واحد يبقي راكب سيااره تقفيل مصري و حظه كويس و ميروحش التوكيل الا في الصيانات الدوريه
اسف للاطاله بس احناا هنا كلنا اخوات
ولازم كل واحد يقول تجربته بحيااديه و اامانه
شكراً على المشاركات الجميلة والتعاون المستمر بين الاعضاء وربنا يدومها علينا محبه
انا حبيت العربية من كلامكم والله
فى حد يلاقى اخوات زى العسل كده بيقنعوه بعربية ويقول نص كلمة
م/خالد
حضرت الزميل المحترم
انا كان معايا لانوس 2004 اوما اشتيرتها كانت مستعمله كل اللى عملته غيرت سير كاتينه وفلتر زيت وفلتر هوا وفلتر بنزين وتيل فرامل قدام وبعدين ظيط عفشه وركبت 4 كاوتش جديد
بعد كده العربيه بس ما الله ما شاء الله رايح جاى مصر الى اسكندريه
وبعدين فى حاجه انا بشتغل مشاوير بالعربيه والله العظيم كنت بركب 3 فى الخلف وواحد جنبى واسافر بيهم والعربيه ميه ميه
وموفره فى البنزين جدا وعلى فكره بحط بنزين 80 بس من محطة بنزين معينه علشان نظافة التنكات
يعنى العربيه عموما جميله جميله
وانا مش عارف الاخوه اللى بيشتكو منها ازاى ممكن العيب يكون فى الشفروليه اللانوس لانى بتكلم على دايو لانوس
وان شاء الله ربنا ينورك وتلاقى الافضل
لا شكر على واجب
الحمد والشكر لله
احنا كلنا هنا اخوات ونحب ونتمنالك الخير ولكن نتمنى المشاكل التى تحدثت عنها يتم حلها
لان بمجرد حلها يتم تضميد الجروح والالام التى عندك من ناحية عربيتك ويجعلك تستمتع بها
شوف انتى بقى الامور حتكون مشايا ازاى معاك لو انت معاك عربية من عربيات الاعضاء الذين قالوا انه لاتوجد بها مشاكل
كان زمانك اشعرت ومدحت فى العربية ( صح ولا انا غلطان )
انما انا معاك عربية دافع فيها دم قلبى مبلغ اد كده وازاى الزيرو يبقى فيه عيوب ويتقال عليه زيرو
لان الاعضاء الذين شاركوا معنا فى المناقشة من الممكن لقدر الله كان يحدث لهم نفس المشاكل التى انت ذكرتها
وكان زمان الدنيا ما قاعدتش
ولو دورت فى الاقسام الاخرى سوف تشاهد مشاكل على ابوه
زى القصة المعروفة للعضو ابومارو فى عربيته قسم هيونداى النيواكسنت او اخرين برده فى اقسام اخرى ....
ولكن معلش انه جات معاك كده وده نصيب من عند ربنا
واتمنى ان كل مشاكل عربيتك تتحل عشان انت تبقى مبسوط ومستريح ومستمتع بها
فما تزهئش نفسك
وزى ما قلتلك ده نصيب وقدر من عند ربنا
والحمد لله
ان شاء الله كل ده حيتحل
فيه زملاء طلبوا منى اشارك برائى بس للاسف انا معنديش شيفرولية لانوس فا مقدرش افتى فيما يخص الشيفرولية غير اللى سمعتة من عبدة... و حسب كلامة العربية نازلة بطلمبة بنزين و بوبينة صينى و دول بيتلفوا اسرع من الكورى اللى فى الدايو... غير كدة مفيش اختلاف
بالنسبة للدايو فا والدى يمتلك دايو لانوس من نوفمبر 1998 و حاليا العربية عاملة 133 الف كيلو معظمهم انا اللى سايقهم (اللى ركب معايا عارف ان دول يقابلوا 266 الف من سواقة اى واحد طبيعى) و الحمد لله حتى الان العربية زى الفل و مفيهاش مشاكل
خلال المدة دة غيرت طنابير كذا مرة و مرة واحدة مساعدين و بطاحات و كوبايات... و طقم بلى عجل امامى و خافى... غير كدة مفيش اى حاجة استدعت صيانة كبيرة او عويصة و الحمد لله لحد النهاردة العربية زى الفل و ادائها ممتاز
القصة بتعتمد فى الاساس على الصيانات الدورية و قطع الغيار اللى بتشتريها... انا عارف ان استخدامى عنيف بالتالى كنت دايما بغير الزيت على 5 الاف (تخليقى) و بشترى كل قطع الغيار الاصلية او الاحسن من الاصلى لو متاح... صحيح الصيانة كانت بتكلفنى اكتر من اى مالك لانوس عادى بس نتيجة الكلام دة ظاهرة النهاردة بعد 13 سنة استخدام... ما شاء الله العربية بتجرى و تسحب احسن من عربيات كتير موديلات احدث منها و عاملة كيلومترات اقل
دة فيما يخص استخدام العربية على المدى الطويل... قصة الشيفرولية و المشاكل اللى فيها انا مقدرش افتى فيه لان العربية انا مجربتهاش ولا اعرف ايه اللى اتغير فى مكوناتها (غير الطلمبة و البوبينة) بالتالى محدش يقدر يعرف العربية بعد كذا سنة حيبقى ايه وضعها
انا حمايا معاه شيفرولية لانوس بس العربية عاملة 5 الاف فقط فا متعتبرش مقياس لاى حاجة لان العربية ما مشيتش كيلومترات كتير تخلينا نحكم عليها... بس على الاقل الراجل مشتكاش من حاجة حتى يومنا هذا
عموما المقابلة بتاعتنا يوم الخميس و اللى عندة ملاحظة ممكن نبص عليها سوا و اللى عايز يجرب العربية و يقارنها بالدايو حيبقى عندة فرصة كويسة
MMamdouh
تحياتي يا محمد....و ياريتت نشوفك اكيد يوم االخميس ان شاء الله.... ياريت يبقي فيه رساله تأكيد بالمعاد بالظبط و المكان
عمرو ابراهيم
الميعاد و المكان تم التاكيد عيهم فى موضوع المقابلة
MMamdouh