التجربة خير دليل يا صبحى... و انت شوفت انا بعمل ايه فى العربية و الحمد لله و الشكر لله حتى الان العربية زى الفل...
و مش عربية واحدة... دول اتنين... و الاتنين نفس النتيجة و الحمد لله
MMamdouh
رقم العضوية : 13332
تاريخ التسجيل : 21Jun2008
المشاركات : 3,084
النوع : ذكر
الاقامة : Giza
السيارة: Lanos I -2000
السيارة[2]: Elentra HD 2010
دراجة بخارية: Soon ISA
الحالة :
انا ركبت مع محمد ممدوح قبل كدة وعارف هو بيعامل العربيات ازاى
الغريبة يا محمد انك تقول ان اللانوس كويسه خصوصا مع سواقتك الجبارة ديه
ياراجل ده اللانوس لما بتقرص عليها شوية بتدعى ربنا انها تفضل ماسكة نفسها
انا عن نفسى شايف ان اللانوس طول ما انت بتعاملها باحترام شديد - نسبيا هاتفضل ماسكه نفسها
لكن لو عملتها معاملة محمد ممدوح يبقى ربنا يستر على كل اجزاء العربية
أبو مروان -------- أسألكم الدعاء لوالدتى بالشفاء ..... يا رب
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
التجربة خير دليل يا صبحى... و انت شوفت انا بعمل ايه فى العربية و الحمد لله و الشكر لله حتى الان العربية زى الفل...
و مش عربية واحدة... دول اتنين... و الاتنين نفس النتيجة و الحمد لله
MMamdouh
رقم العضوية : 13332
تاريخ التسجيل : 21Jun2008
المشاركات : 3,084
النوع : ذكر
الاقامة : Giza
السيارة: Lanos I -2000
السيارة[2]: Elentra HD 2010
دراجة بخارية: Soon ISA
الحالة :
خالى بالك يا محمد باشا اننا يطلق علينا اسم user لكن انت بيطلق عليك super user
انت فاهم يعنى ايه عربيات - وعامل تعديلاااات كتيرة موووووووت فى العربية - وبتقدر تفرق بين قطع الغيار الاصلى والمضروبة - تعرف اماكن كتييير تشترى منها قطع غيار - صيانة العربية بالنسبة ليك متعه مش عبء زى عند اغلبنا
وعليه انا متأكد ان مع سواقتك الرياضية جدا ممكن تكون (أو أكيد بسم الله ماشاء الله) عربيتك احسن من عربية اى حد فينا
أبو مروان -------- أسألكم الدعاء لوالدتى بالشفاء ..... يا رب
رقم العضوية : 5193
تاريخ التسجيل : 03Feb2008
المشاركات : 2,879
النوع : انثى
الاقامة : https://t.me/pump_upp
السيارة: 84813646132
السيارة[2]: ???? ????? ??2008 ?????? 2010
دراجة بخارية: ?? ????
الحالة :
اللانوس تكسب في التاريخ والشكل واعادة البيع ورخص قطع الغيار واستفتي قلبك
https://t.me/pump_upp
رقم العضوية : 39552
تاريخ التسجيل : 04May2009
المشاركات : 372
النوع : ذكر
الاقامة : cairo
السيارة: لا يوجد
السيارة[2]: Chevrolet lanos 2010
دراجة بخارية: لا يوجد
الحالة :
السادة الأفاضل بعد السلام عليكم ورحمة الله وبركاته
بناء علي طلب الأخ الزميل إلي فتح الموضوع أنا بشترك
الحمد لله ربنا من علينا بعربية زيرو شيفورليه لانوس 2011
1- المميزات مش هاقدر أقول أو أزود عن محمد بك ممدوح ( وخاصة إني ماليش خبرة كبيرة في الميكانيكا أو أي شيء آخر بخلاف شغلي وكل ما عرفته عن السيارات الانوس كان من خلال قراءتي لموضوعات المنتدي من الألف للياء :) )
ما فيش فرق بينها وبين دايو بخلاف الصاج أعتقد أرق شوية وموضوع المكونات الصيني إلي الزملاء قالوا عليها ولو إني ما شوفتش فيهم مشكلة وأنا عامل دلوقتي تلاتين ألف .
2- العيوب
كثرة إنتاج العربية وبيعها أدي إلي طلسقة في التقفيل أو في الإختبار قبل الزق في السوق
فمثلاً أنا قمت بتغيير
1- صباع حرارة (إشتغل يومين وباظ وغيرته تاني)
2- طنابير أمامية (حاسس بغربلة طفيفة جداً علي منزل مستقيم وبالأخص عن تشعير فرامل)
3- علبة دركسين (لو العربية راكنة علي أرض ملعب سلة وبتكسر يمين وشمال بالراحة خالص في تكة بسيطة جداً )
4- دراع نور (كان بيسخن وبعدين فصل نور عالي علي طريق السريع ! )
(كل ده غيرته في الضمان ) ملاحظة طبعاً كل حاجة من الحاجات دي كانت بتتم تحت تهديد وشرح مفصل وشكاوي في منصور لدي حماية المستهلك وبعدين يبعتوا الموافقة لأبو غالي الذي يبدي إستعداده في التو واللحظة للتغيير ولكن الكلام ده بح من ساعة ما قفلوا فرع أبو غالي جسر السويس وبطل أبو غالي يسرفس الشفورليه لانوس
* الكلام ده وارد في أي عربية وحصل مع واحد أعرفه عندو عربية إسكودا شبه الميني فان كده جايبها لمراته وغير العربية بالكامل :)
* ملاحظة تانية في سرعة الطلوع الفرينا أسرع بس بعد كده الانوس بتعدي
*التكييف مش بطال وخاصة لواحد زي كان متعود علي عربية 32 قبل كده وأتوبيسات شرق الدلتا إلي من غير تكييف أصلاً
* بخلاف كده يا حضرات أنا بعمل الصيانات قبل الميعاد والزيت يغيره علي 7500 بدل من 10000 والعربية زي الفل
* قطع الغيار أنا مستغليها عشان أنا مش متعود علي الدفع :) ولكن يبدو أنها أرخص قطع غيار مقارنة بما أسمعه من زملائي ملاك السيراتو واالانسر .
* صحيح الفرامل في أحسن حالاتها بتعمل بنسبة 80% (يعني إوعي تسوق لانسر بعد لانوس كل إلي هايكبو معاك هايقولولك إنت راكن الجرار فين :) ) بس دي الإخوة حلوها بموضوع التعديل إلي أنا خايف أنفذه إلا لما حد منهم يكون معايا
* منصور توكيل مش ولا بد :) عاوزين نشوف حد يكون بيفهم ويفتح مركز بأسعار محددة وبجدول وفقاً لما يسير عليه الضمان ويكون ثقة وليس ....... .
* نسيت صحيح في ناس بتصب الإكصدام الخلفي مرة تانيه عشان بعد فترة بيهدل علي تحت وبيبقي شكلة مش ولابد ، وبالمناسبة دي فوانيس الشبورة كمان بتعوز تتعلي بدل من 55 هات الضعف وضيف كتاوت
*ده كل إلي أعرفه يا سيدي الفاضل والحكم ليك أنا عن نفسي مقتنع بيها علي أد إلي إدفع فيها وكذلك بسبب قطع الغيار
إحترامات
أه بالنسبة للسيد العضو أرجو تحديد الهدف من هذا الإستطلاع أو الإستفتاء أحسن حد يفتكرك شغال في شركة منافسه للأنوس ولا حاجة :)
رقم العضوية : 102
تاريخ التسجيل : 23Apr2007
المشاركات : 34,229
النوع : ذكر
الاقامة : Downtown - Cairo, Egypt
السيارة: Daewoo Lanos I 1999
السيارة[2]: Daewoo Lanos II 2001
دراجة بخارية: N/A
الحالة :
على فكرة الموضوع مش بالصعوبة دى خالص...
المحافظة على العربية له 3 عناصر:
جدول الصيانة... و دة موجود فى كتالوج العربية و موجود هنا فى المنتدى و لو سالت اى حد من الاعضاء حيقولك كل قطعة بتتغير عند كام كيلو
قطعة الغيار الاصلية... و دى و الحمد لله متوفرة و بسعر مناسب... و بالنسبة لقصة المضروب فا دى حلها تشترى من محل ثقة و مضمون و برضة دة معروف للاعضاء هنا
الفنى اللى بيقوم بالخدمة... و برضة اسماء الناس الكويسة اصحاب الخبرة و الفهم معروفة للزملاء
اللى بيواجة مشاكل فى عربيتة باستمرار بيكون اما نتيجة عدم اتباع تعليمات جدول الصيانة بالتالى قطع كتير بتتجاوز عمرها الافتراضى و تاثر بشدة على اداء العربية او تسبب تلف مكونات اخرى فى سكتها... دة بيحصل نتيجة "الفهلوة" من بعض الناس اللى بتعتبر ان القطعة "كويسة و شغالة" بالرغم من انها تجاوزت مدة خدمتها لمجرد ان "شكلها كويس" او "مش عاملة مشكلة"
او نتيجة شراء قطع غيار مجهولة المصدر سعيا وراء التوفير او شراء قطع غيار استيراد فى حاجات مينفعش فيها استيراد (طلمبات البنزين و البوبينة و الطنابير الخ الخ)
او نتيجة صيانة العربية عند واحد كفتجى بيعجن اى حاجة و السلام و الحاجة اللى يصلحها اما تبوظ تانى او يلف جمبها حاجتين تلاتة و غالبا برضة المشكلة دى بتحصل نتيجة محاولة التوفير فى مصاريف الصيانة
للوهلة الاولى حتحس ان صيانة العربية بالطريقة دى مكلفة جدا... لكن هى فى الحقيقة رخيصة جدا... لان الحاجة بتشتريها مرة واحدة و بتغيرها مرة واحدة و مبتجيش جنبها الا فلا الصيانة التالية... انما لو جبت قطعة غيار تعبانة حيبقى اكنك رميت فلوسك على الارض و حتروح برضة تجيب الاصلى فى الاخر... و يا سلام لو اللى بيركبلك القطعة دى واحد بطيخة... حيخربلك الدنيا و تلاقى نفسك عايز تصلح حاجة تانية و لما تصلحها تكون القطعة التعبانة تلفت و عايز تغيرها تانى...
و هنا ممكن واحد يفكر يجيب القطعة استيراد طالما هى بتبوظ كتير فا يجيب بوبينة او طلمبة استيراد تشتغل شهر ولا اتنين و تتوفى و تلاقى اشاعة ان "قطع غيار الكورى غير معمرة" و الكلام اللى بالك فيه لمجرد ان اللى بيشترى عايز يوفر تمن القطعة الاصلية فا اشتراها 4 او 5 مرات و كل مرة بيدفع مصنعية جديدة للميكانيكى او بيجرب ميكانيكى شكل مع كل تغيير
هنا صاحب العربية بيزهق من العربية و يبقى عايز يخلص منها... مع ان دى مش مشكلة العربية خالص... العربية زى ما بتحافظ عليها بتحافظ عليك... حتسترخص فى قطعة الغيار او تروح لميكانيكى نص لبة انت اللى حتتعك فى المشاكل
طبعا كل دة بينطبق على العربية الزيرو... اللى شارى مستعمل و مكنش موفق فى اختيارة و كان من نصيبة عربية مهملة (بيطلق عليها كنبة) حيفضل برضة فى الدوامة دى لان العربية بتبقى خرابة... هو مش مستحيل انها ترجع عربية محترمة بس دة حيصرف فلوس كتير ووقت كتير... و برضة دى مش مشكلة العربية
من الاخر لو عربيتك زيرو و مشيت على جدول الصيانة كما ينبغى و جبت قطع الغيار الاصلية و اتعاملت مع ميكانيكى خبرة و محترم العربية حتعيش معاك سنين و سنين و حتريحك على الاخر.... و لو شاريها مستعملة بس حالتها نضيفة و "بيتى" زى ما بيقولوا و عملت كدة حتوصل لنفس النتيجة... اى حاجة غير كدة معاك ربنا
MMamdouh
رقم العضوية : 56284
تاريخ التسجيل : 19Dec2009
المشاركات : 90
النوع : انثى
الاقامة : https://t.me/pump_upp
السيارة: 85421189939
السيارة[2]: peughot 504 ??????
دراجة بخارية: no
الحالة :
إلى الاخ /bshndi
بعد التحية ,,,
الهدف من هذا الموضوع الراى الشخصى لملاك هذه السيارة لمساعدتى ومساعدة الاخرين الذين يرغبون فى شراء سيارة اقتصادية
انا امكانياتى بصراحة فى حدود 70000 جنيه
وبشوف ايه انسب الاختيارات بالنسبة لى من الاتى ( لانوس - لوجان )
كل واحدة لها مميزات وعيوب
حتى الان بالنسبة لى شخصياً اللانوس افضله وذلك عشان قطع غيارها الاصلية رخيصة بالنسبة لسيارات فى فئتها السعرية وسهلة البيع ولا تفقد الكثير من قيمتها وسهلة الاصلاح وهناك ميكانيكة كثير بتفهم فيها كويس ومؤدية الغرض المطلوب منها .
ما اللوجان ممتازة جداً وتتفوق فى اشياء كثيرة عن اللانوس ولكن فى نقط فى غير صالحها مثل غلو قطع الغيار الأصلية اعادة البيع مش سهلة وتفقد الكثير من قيمتها عند البيع وصيانتها برده غالية ومش اى حد بيفهم كويس فى الرينو
وانا عامل هذا الموضوع لكى يستفيد منه كل شخص
وليس بهدف الدعاية والاعلان حتى لا يعتقد ذلك
وشكراً
اه ملوظة هامة لك
اقراء مشاركاتى جيداً فى هذا الموضوع قبل ان تقول لىأه بالنسبة للسيد العضو أرجو تحديد الهدف من هذا الإستطلاع أو الإستفتاء أحسن حد يفتكرك شغال في شركة منافسه للأنوس ولا حاجة
رقم العضوية : 95878
تاريخ التسجيل : 22Apr2011
المشاركات : 6
النوع : ذكر
الاقامة : Cairo
السيارة: none
السيارة[2]: Daewoo lanos 1
الحالة :
ايه يا جماعة ،فى ايه متصلوا على النبى وكمان زيدو النبى صلاة
يا أ/ mohamedibk مفيش حد يقصد حاجة وأ/ bshndi كان بيهزر معاك ياعنى :)
على فكره انا كمان كنت محتار بين اللانوس واللوجان-وممكن تشوفو مشاركاتى فى الموضوع-وبصراحة النقاش ده عرفنى شوية حاجات عمرى مكنت هاعرفها
ربنا يخلى لينا المنتدى الجميل ده :)
رقم العضوية : 56284
تاريخ التسجيل : 19Dec2009
المشاركات : 90
النوع : انثى
الاقامة : https://t.me/pump_upp
السيارة: 85421189939
السيارة[2]: peughot 504 ??????
دراجة بخارية: no
الحالة :
عليه افضل الصلاة والسلام
خلى بالك يا حديدى ياحبيبى
الراجل ماقلش حاجة غلط
ولكن ممكن بسهولة حد يفتكر اننى بعمل فى شركة منصور شيفروليه او فى شركة رينو لوجان او اى شركة اخرى مضادة للانوس
وانى داخل اطلع القطط الفطسانة فى الانوس
والاخ / bshndi رايه على دماغى من فوق
عشان كده انا مش زعلان
احنا كلنا اخوات هنا فى المنتدى
رقم العضوية : 84819
تاريخ التسجيل : 03Jan2011
المشاركات : 1,991
النوع : ذكر
الاقامة : Cairo , Nasr city
السيارة: not yet
السيارة[2]: chevrolet lanos 2011
دراجة بخارية: no
الحالة :
تحياتي للجميع :-)
يا جماعه اي شيء في الدنيا له مزايا و له عيوب ....احنا بنتكلم في سيارات في فئه سعريه حتي 70.000 جنيه ... بالتالي في السعر دة السيارات بتبقي شعبيه ... او لو حد بيتضايق من كلمه شعبيه ف نقدر نقول اقتصاديه ... ارجو نتتفق علي هذا المبدأ
اللانوس... الفيرنا ... اللوجان....بروتون ساجا ....و بالنسبه للصيني : اسبيرانزا .. Byd .... كل هذه السيارات ذات الفئه السعريه بتتراوح من 65000 الي 70000 تقريبا .... كل سياره منهم بها ميزة و عيب .... اللي حتلاقيه ف واحدة مش حتلاقيه في التانيه من ناحيه الميزة و العيب ....هيه دي السياسه التنافسيه بين الشركات ...( مع تحفظي علي الصيني لكن بقاله وجود في السوق المصري )
فيه نقطه مهمه اوي بتحكم الموضوع اللي بنتتكلم فيه دة .... و هيه المشاكل الفرديه ... بمععني ممكن واحد فينا جاب عربيه و حصل معااه موقف ....ف منقدرش نعمم الموضوع او المشكله و نقول يبقي االعربيه الفلانيه و حشه ....
انا ذكرت في مشاركة ليا في نفس الموضوع من كام صفحة فاتوا ان سيارتي شيفروليه لانوس و وصلت لمرحله اني حبيع العربيه رغم انها مكملتتش معايا حوالي 5 شهور ... لاني حساس جدا للسيارات و العربيه محتاجة تظبيط ... من حيث مثلا ظبط زوايا - تربيط عفشه محترم - ظبط ابواب و زجاج - و هكذا .... طبعا توكيل منصور كرهني في اللانوس رغم اني بحبها جدا و جبتها بعد عده مقارنات استمرتت شهرين بالنسبه لي ...
صديق ليا معاه فيرنا 2010 ... كلمته و قلتله قراري بالبيع و بكل امانه و بدون تحيز يا جماعه .... قاللي لو العيوب دي هيه االلي حتخليك تبيع العربيه و تجيب فيرنا مثلا ... قاللي يبقي انت غلطاان .... لان كل السيارات في هذه الفئه السعريه متقاربه في المشاكل .... بمعني انها سياارات لا ترضي طموحاتنا الكامله في امتلاك سياره زيرو تكون سياره العمر مثلا . وانه هوة غير طنابير بعد سنه في الضمان .... يعني الفروق بين االموديلات مش فروق خرافيه يعني ... االكلام علي اللانوس كتير و علي مشاكلها لانها قديمه ... بنتتج من زمان من االتسعينيات ...
انا بقول تجربتي ... ممكن واحد تاني مععاه نفس الموديل بتاعي و موااجهش نفس العيوب اللي بشتكي منها و ممكن بردو يكون ااتععامل مع توكيل منصور و اتبسط جدا ... دي فروق فرديه ... صديقي معاه فيرنا و بيعاني من نفس مشكله ان التوكيل مش كويس .... بردو فروق فرديه .
الناس بتقبل علي اللانوس او الفيرنا لان السيارتان اصبحتا معروفتان جدا و صيانتتهم سهله و قطع غيارهم معقوله نسبيا و مشاكلهم معروفه و النقطه المهمه اوي هوه سعر ااعاده البيع...( مهم جدا النقطه دي ) .... عشان لما مثلا تبيع بعد 3 سنين و تحب تجيب حاجة اعلي متخسرش كتير ...يبقي اللي خسرته هوة تمن الركوب .
ااتعلمت هناا موضوع فيشه الاوكتان و بصراحة دي ميزه حلوة في اللانوس و لما جربتها استريحت جدا من حيث السحب .
اللي فهمتته في الاخر ان توكيل منصور مبيعرفش يعمل صيانه للانوس ...و بيشخصوا المشاكل غلط ... مش زي توكيل ابو غالي
مع العلم ان ممكن يكون المشكله او العيب حاجة بسيطه .
مثال : الفرامل ععندي كانتت عاوزة اخذ هواء و اللي فاكره اان فيه مهندس في منصور قاللي ان مشكله الفرامل دي من ضمن المشاكل االلي في اللنوس اللي ملهاش حصل و اللي ااحنا خااطبنا فيها general motors و حتي االان مجاش رد.
و اكتشفت ان الموضوع لاايزيد عن انه كان محتاج يتاخد هوا صح للفرامل .... طبعا المهندس دة ( مهندس لامؤاخذة ) ... عاوز شكوي محترمة عشاان يصحي ويفوق ويشتغل صح ... بدل ما هوة بيعذب الناس ومش عاوز يشوف شغله .
االلي قصدي اقوله ممكن كلمه واحدة تسوأ منتج و ممكن كلمه ترفع منتج
زي الاخ اللي في قسم الاسبيرانزا ... و جاب m 11 و قعد 32 صفحة يمدح فيها و ف مزاياها و فيه اعضاء هاجموه و قالوله حرام عليك تغري الناس دي كلها عيوب .... عارفين؟... الععضو دة خلاني من كلامه كنت حبيع و اجيب m11 ....لان سعرها تقريبا حوالي 75000...., و فيها اوبشنز كتير ..... لما سأالت عليها و علي مشااكلها و مدي توافر قطع غياارها ....حمدت ربنا اني مخدتش القرار دة ....خصوصا بععد ما شفت أراء بعض الملاك من الموديل دة .
و اخيرا بكل امانه : اللانوس و الفيرنا و اللوجان .... عربيات كويسه جدا من جهه مواصفتها وسعرها.... لكنهم مش فئه ممتازة
اللي عاوز يشتري يقارن بين التلاته ااو بين اي عربيه و التانيه من حيث :
1- المشاكل العامه بين المستخدمين ... ( و ليس المشاكل الفرديه )
2- سهوله الصيانه عند ااي ميكانيكي او مركز خدمه
3- تواافر قطع الغيار و سعرها
4- سعر اعادة البيع
5- و اخيرا اعتقد ان التقفيل المصري ...بختك يابو بخيت :-))
طولت عليكم .... لكن لاازم نتكلم باستفاضه عشان الكل يستفاد و محدش يحس انه اتدبس في عربيه بسبب رأي حد .
اخوكم / عمرو
المفضلات