الموضوع: أهمية أراء ملاك الشيفروليه اللانوس 2011

انا معاى لانوس 2010 العربيية جميلة جدا
مفبش فيها اى مشاكل
لكن ساعات بسمع صوت وانا بلف الدركسيون تحت
اية الصوت دة يا جماعة

الواحد مبسوط جداً من مشاركات الزملاء والتى نجدها فعالة فى هذا الموضوع والتى سوف تكون مفيدة وهامة لجميع المقبلين والذين يفكرون فى شراء تلك السيارة
وبالغ تحياتى لكل من يشارك معنا فى هذا الحوار الجميل
اخوكم / محمد

المشاركة الأصلية كتبت بواسطة emad_banda

انا معاى لانوس 2010 العربيية جميلة جدا
مفبش فيها اى مشاكل
لكن ساعات بسمع صوت وانا بلف الدركسيون تحت
اية الصوت دة يا جماعة

لو قصدك لما تلف الدركسيون للاخر بتسمع صوت زنه
متألقش ده صوت عادي في كل ال lanos

فعلا لو الصوت عباره عن زنه لما بتلف الدركسيون للاخر يمين أو شمال : دة صوت طبيعي و هوة صوت ماكينه الباور ... و الصوت دة بيدل علي كفاءة عمل مااكينه الباور ....بس سمعت انه غلط ان الواحد يفضل يكسر الدركسيون للاخر بقوة و الصوت دة يعلي .

مناقشة هايلة مليئة بالمعلومات القيمة و المفيدة
جزاكم الله خيرا

علي فكره انا معايا لانوس2010بس يعتبر مغيرتش حاجه الا المرايه الشمال فعلا انا كنت فاكر ان حد حاول يسرقها وطبعا التقفيل المصري اللي زي الزفت وطبعا مبروحش التوكيل خالص بس بشتري قطع الغيار منهم وبركبها بره وعلي فكره انضف قطع غيار عند منصور واوسخ صيانه عنده والحمد لله يعتبر مريحاني شويه بس في مشطله عندي ان سحب العربيه ضعيف علي الاول بس بعد كده بتفتح في السحب والمشكله دي مش عندي انا بس دي في معظم الشيفروليه الانو بعكس الدايو وياريت اي حد يجاوبني عليها

انا شايف ان اللانوس جميله جدا بس مع شوية تعديل يعني تجيب لانوس مستعمله وتغير المكنه بتاعتها بالمكنه ال 2 كامه وشوية تظبيط في التابلوه بالكاربون فايبر هتبقي حكايا لكن اللوجان دي تعدل فيها ازاي اللانوس شكلها جميل جدا ولو بتتكلم علي الصيانه اللي هتدفهي في صيانة اللانوس هتدفع اضعافه في صيانة اللوجان ومن حيث الصوت غير اللبادات الليتحت الرفارف بس

المشاركة الأصلية كتبت بواسطة khaled4nour

لو يرجع الزمن تانى وقت ما اشتريت عربيتى زيرو
طبعا مش هشترى لانوس نهائياً أو اى حاجة تقفيل مصرى
افضل انك تشترى اى عربية كسر زيرو لانسر او ما شابه ذلك
وفى اى حال من الاحوال أبعد عن اللانوس نهائياااااااااااااا
او بمعنى اصح اى تقفيل مصرى.
صدقنى والله رميت فلوسي فى الأرض
انت مش ملاحظ حاجه؟
انى بدافع بكل ما استطيع من قوة عن شراء هذه العربية المنكوبة؟
وده مش من فراغ
ولكن للأسف ملقتش حد يلح عليا كده زى ما انا بعمل مع الناس
لأن الحاحى ده مش من فراغ
انا وقتى معظمه مع العربية المنكووبه دى وسألت فيها بحكم المشاكل اللى فيها
اللى كل يوم يبان فيها شيء
وناس كتير اووووووووووووووووى بنفس المشاكل
عماله تفتح بؤها بالرغم انها زيرو موديل 2010 ومش بدفع ولا شلن لأنها فى الضمان
ومضطر أقبل رخامة الضمان والصيانة الدورية الغالية وقطع الغيار الأصلية من التوكيل والمبالغ فى سعرها
علشان لما بيحصل حاجه فى العربية بيغيروها على حسابهم بس انا عارف لما الضمان هيخلص انا اللى هعمل الحاجات دى على حسابي بص يا سيدى بأختاصار شديد انا هقولك انا غيرت ايه لغاية دلوقتى بالرغم انى أستاذ سواقة وبحافظ على عربيتى جدا بمعنى انه عيوب صناعه وذلك بشهاده مهندسي التوكيل
1- طنابير أمامية
2- ركبتين ( الشمعدان) الجزء اللى شايل المساعدين.
3 عدد 2 مساعد يمين وشمال
4- سويتش الأستوب والله العظيم غيرته مرتين
5- حساس الماب map برضو غيرته مرتين.
6- مراية شمال لأن الوير اللى فيها فرط لوحده والصدفة لقيت فى التوكيل 4 عربيات بنفس العيب.
7-ضبط الزوايا ده كل اسبوعين اروح اعمله لانها بتحدف بشكل مستفذ جهه اليمين.
8-العربية واوطيه مووووت الشكمان لحمته كذا مره بالرغم ان باخد المطب بالأسلوب السليم
عموما انا مش فاكر حاجات كتير بس كل ما هافتكر هقولك
على فكره انا عامل شكوى فى حماية المستهلك من اول شهر لأستلامى السيارة من هذه العيوب الفظيعة.
وبعد ده كله عاااااااااوز تشترى
عرفت ليه انا مش عاوز حد يخيب الخيبة اللى انا فيها
م/خالد

فعلا العيوب دي صحيحة بس فقط في الشيفورليه لانوس ودا باعتراف التوكيل
لكن عمرها ما كانت في الدايو لانوس علشان كدا هتلاقي ناس كتير بتعترض