الموضوع: أهمية أراء ملاك الشيفروليه اللانوس 2011

المشاركة الأصلية كتبت بواسطة mohamedibk

عاوز كل واحد يمتلك شيفروليه لانوس 2011 يقول رأيه الشخصى عن تلك السيارة
من حيث اعتماديته الاقتصادية وعمليته فى الشوارع
لاننى انوى شراء تلك السيارة زيرو
لان كل ما اسال شخص لا يمتلك تلك السيارة يقول لى ابعد عن تلك السيارة
واشترى سيارة مثلاً زى الرينو اللوجان
فى حين سالت تجار سيارات كثيرين قالوا لى
ان مشكلة اللوجان عندم يتم عرضها للبيع تفقد الكثير من قيمتها لاسباب ان الرينو بصفة عامة ظروفه السوقية عاملة كده وذلك لغلو قطع غياره الاصلى وتكنولوجياته العالية وتكاليف صيانته بينما اللانوس عامل زى الجنيه الذهب فى اى وقت اعادة البيع سهلة ويفقد بعض من قيمته ولكن ليست مثل الرينو اللوجان
فى حين سألت اصحاب اللوجان لماذا لم تشتروا شيفروليه لانوس افادوا بالاتى :-
1- ان الشيفروليه اللانوس تقفيل مصرى بينما اللوجان تقفيل مغربى مكون من قطع غيار فرنساوى
2- ان الشيفروليه اللانوس واطية وتحك كثير فى المطبات بينما اللوجان عالية لاتحتك بالمطبات
3- ان الشيفروليه اللانوس فقيرة فى الكماليات بينما اللوجان غانية بالكماليات
4- ان الشيفروليه اللانوس غالية ثمانها ب 72000 جنيه بينما اللوجان ثمانها ب 70000 جنيه
5- ان توكيل الشيفروليه اللانوس من حيث الضمان والصيانة اسوء من توكيل اللوجان الذى يقدم صيانة مخفضة وضمان مجانى مضمون
6- ان مستقبل اللوجان افضل من الشيفروليه اللانوس من حيث الانتشار وعلى المدى البعيد وقد يتفوق عليه
7- ان اللوجان مزاياها اكثر وعيوبها قليلة بينما الشيفروليه اللانوس عيوبها كثيرة ومزاياها قليلة جداً مثل قطع الغيار الصينى المكونة فيها ( طرمبة البنزين الصينى والعفشة السيئة واشياء اخرى )
فارجو الافادة الجيدة من اصحاب السيارة الشيفروليه اللانوس من حيث تلك الامور بصفة عامة

حضرتك ماشاء الله جبت عيوب ومميزات كل عربيه يبقى فاضل ايه تانى
انت مش محتاج مساعده من حد شوف ظروفك ايه واتخذ انت القرار وانصحك تخاطر زى ماانا خاطرت وان شاء الله انت الكسبان

بالنسبة للتكونولوجيا فى صالح اللوجان فرق تكنولوجيا10سنين
لوصيانتها كويسة واسعار قطع الغيار مش مولعة تبقى صفقة بعيدا عن شكل العربية اللى مش جاى معايا
انا جربت لوجان بتاعت جارى ركوبة حلوة ومريحة .
طبعا كل اللى بيشتكى جامد اوى كدة بيتكلم على الشيفورلية لانوس مش دايو لانوس
هيا فعلا فيها مكونات صينى منها طلمبة البنزين واجزاء فى العفشة .
من الاخر الدايو لانوس برقبة الشيفرولية لانوس
انا معايا نوبيرا 1 99 مغيرتش نص اللى غيرة م/ خالد فى عفشة الشيفرولية
ازاى عربية 2010 تجيب مساعد ولا تلحق تغير طنابير دة انا مغيرتهمش عندى الحمد لله ولم اشتكى منهم .

المشاركة الأصلية كتبت بواسطة ahmedeg1

يل باشا العربيه بقالها معايا سنه و نصف و ملاقيتش اللى حضرتك بتقوله ده
و بعدين فين قطع الغيار الصينى اللى حضرتك بتتكلم عنها انا فكيت البوبينه و الطرمبه مخصوص علشان القصه اللى مطلعينها على العربيه و لاقيتهم كورى
و مش معنى ان زميل حضرتك عنده مشاكل فى عربيته و الضمان بيغيرها على طول يبقى التوكيل ناجح مش سئ و كفايه قطع الغيار اللى برخص التراب و سعر اعادة البيع و فى أى وقت لو عاوز تبيع هتبيع
وبعدين حكاية انها تحك فى المطبات دى ترجع للى بيسوق مش عيب فى العربيه و كفايه ان مواتير العربيات دى جنرال موتورز و هى تعد من المواتير المعمره
و فى الاخر اللى بيستريح لحاجه بيشتريها و يركبها و ربنا يستر طريق كل واحد
مع خالص تحياتى

ياباشا ربنا يباركلك فى العربية ويارب ماتصرف عاليها ربع جنية زيادة عن الصيانة
من غير زعل بس فية ناس كتير معاها العربية ومحدش اشتكى منها وناس بردو اشتكوا منها
بس انا اعرف ان الشيفرولية لانوس طلمبة البنزين والموبينا صينى واغلب اعطالها منهم الكلام دة من ناس موثوق منها ومن الميكاميكى اللى بتعامل معاة .

على فكرة انا بحترم الانوس جدا وكنت ناوى اجيب لانوس اصلا بس ربنا كرمنى بقرشين زيادة وجبت نوبيرا .
وتحياتى لحضرتك ويارب ماتكون زعلان منى فى حاجة

المشاركة الأصلية كتبت بواسطة ahmedeg1

يا أخى الكريم أنا مش زعلان من شئ و لا من حضرتك أنا بتكلم بس فى إن ممكن تكون عربيتى باسات زى واحد أعرفه صاحبى و مكملتش 20000 ألف تقريبا موديل السنه اللى فاتت و جابت فتيس
و ممكن من طريقة السواقه يحصل عيوب كتير فى العربيه
و اللى مش قادر أفهمه الأخوه الميكانيكيه دول جابوا منين ان العربيه بها قطع غيار صينى مع ان الصين عملت عربيات و طلعت القمر بس احنا بس اللى عندنا عقده من الصينى و حاجه أخرى كل عربيه ليها مزايا و عيوب يعنى انا شايف ان الشيفورليه لانوس احسن من الدايو بحاجه واحده بس و هى انها زيروووووو فقط يبقى هشيل القلق من قطع الغيار و الصيانه و العك اللى بيعملوه الصنايعيه لمدة 3 سنين عشان الضمان و لو كانت على ان بعض العربيات فيها قطع صينى بسيطه لما تبوظ و تخلص فترة الضمان ابقا أجيبها أصلى و هتبقى برضوا لانوس
ربنا يبارك فيك يا أخى و يكفيك شر طريقك و و الله العظيم كل العربيات حلوه و كويسه حتى ال 128 عارف ليه
المثل بيقول حمارتك العاجه و لا سؤال اللئيم و كفايه بهدله المواصلات لو معاك اسرتك أو حتى لوحدك ربنا رزقك بعربيه علشان كده (متتبهدلش)
أسف للإطاله

ربنا يديم المعروف ياباشا
انت جبت المضمون كل العربيات حلوة