تنظيف فلتر التكييف للساجا بالصور

**khaled_yassin** · 24-04-2011 11:37 AM

تسلم ايدك ومشكور على المجهود

**marsguy** · 24-04-2011 12:01 PM

شكراً على المجهود والمشاركه

**أبومعاذ** · 24-04-2011 12:40 PM

المشاركة الأصلية كتبت بواسطة musiccairo

تمام , الله ينور عليك
نفسي انضف الفلتر بتاع الجين بس اكتر مشكله خايف منها الدرج
كان في موضوع عن تنضيف الفلتر بتاع الجين بس مش فاكر فين بصراحه

الجين 2 مش بتحتاج تفك الدرج انت تبص بعينك تحت الدرج هتلاقي الفلتر بالطول عمودي على الدرج و ليه كلبس بيقفل عليه هتفك الكلبس وتنزل الدراع و تشد الفلتر لتحت و هتلاقيه نازل معاه شوية تراب وورق شجر وحاجات غريبة نضفه ورجعه بس خد بالك إن ليه اتجاه معين في التركيب وبيبقى في سهم على الجنب بتاعه بيوضح اتجاه مرور الهوا

**bassem.naguib** · 24-04-2011 03:04 PM

المشاركة الأصلية كتبت بواسطة amr_haggag

الجزء المدور اللي زي الصينية ده عبارة عن مروحة التكييف امال يعني الهوا هييجي منين، اما الشبكة ففعلا هي دي الفلترفعلا.حد عنده تكييف في البيت يفتحه ويبص عليه من جوه هيلاقيه بيتكون من مروحة بنفس الشكل الللي موجود في العربية بس بطول التكيييف وطبعا الهوا بيعدي عل الفلتر ده اللي هوه زي ده بالظبط هدفه منع الاشياء الكبيرة والتراب من الدخول للمروحة.
كده واضح ان مفيش حد بيعمل حاجة في بيتهم بايده

ده لو حد نظف تكييف بيتهم مرة كان هيعرف كل الكلام ده.

لا والله يا باشا بننضف التكييفات اللي في بيوتنا بنفسنا والوحدة الخارجية كمان وبنغرق تراب منها والفلتر فيه نفس الفكرة اللي في تكييف الساجا .. واللي بستغرب ليه أنه نفس الخامة بتاعة فلتر التكييف المنزلي .. عكس باقي العربيات اللي أعتقد أن شكلة مغاير وخامة تانية .. ولا أنا اللي فاهم غلط !!

وشكراً على التوبيك الجميل ده ولتوضيح الجزء المدور أنه مروحة التكييف .

**mahmoud_magdy** · 25-04-2011 05:18 AM

المشاركة الأصلية كتبت بواسطة أبومريم

الجين 2 مش بتحتاج تفك الدرج انت تبص بعينك تحت الدرج هتلاقي الفلتر بالطول عمودي على الدرج و ليه كلبس بيقفل عليه هتفك الكلبس وتنزل الدراع و تشد الفلتر لتحت و هتلاقيه نازل معاه شوية تراب وورق شجر وحاجات غريبة نضفه ورجعه بس خد بالك إن ليه اتجاه معين في التركيب وبيبقى في سهم على الجنب بتاعه بيوضح اتجاه مرور الهوا

شكرا يا ابو مريم
ان شاء الله هحاول اعمل الموضوع ده

**mixd99999** · 25-04-2011 10:04 AM

موضوع جميل ...... تسلم ايدك يا عموووووور

**amr_haggag** · 25-04-2011 11:04 AM

المشاركة الأصلية كتبت بواسطة sayed911

والله يا فندم انا بنضف الفلتر في البيت بنفسي ولكن انا سؤالي كان ها اقول لحضرتك ليه :d
عندي في اللانسر لما تيجي بتعمل نفس الحركة دي بدال الفلتر الشبكي اللي عندنا ده بتطلع فلتر له نفس القماسات ولكن بدال الشبكة دي بتلاقي بقى شكل كده عامل زي فلتر المحرك عندنا بالضب كده اللي هيا الأجزاء الطولية البيضاء المرصوصة ورا بعض :d
عشان كده والله انا كنت بسأل ولكن واضح اني كنت على خطأ وانه في التوكيل بيغيروا الجزء الشبكي ده فقط !!

المشاركة الأصلية كتبت بواسطة ziabassem

لا والله يا باشا بننضف التكييفات اللي في بيوتنا بنفسنا والوحدة الخارجية كمان وبنغرق تراب منها والفلتر فيه نفس الفكرة اللي في تكييف الساجا .. واللي بستغرب ليه أنه نفس الخامة بتاعة فلتر التكييف المنزلي .. عكس باقي العربيات اللي أعتقد أن شكلة مغاير وخامة تانية .. ولا أنا اللي فاهم غلط !!:copy of m-s5:

وشكراً على التوبيك الجميل ده ولتوضيح الجزء المدور أنه مروحة التكييف .

يا جماعة انا بهزر معاكو انتو قلبتوها جد قوي كده ليه، عموما اتمنى بس ان ميكونش حد زعلان او متضايق من كلامي.

**bassem.naguib** · 25-04-2011 12:22 PM

المشاركة الأصلية كتبت بواسطة amr_haggag

يا جماعة انا بهزر معاكو انتو قلبتوها جد قوي كده ليه، عموما اتمنى بس ان ميكونش حد زعلان او متضايق من كلامي.

أنا بصراحة متضايق .. وزعلي مش حيروح إلا لما تيجي بنفسك وتنضف فلاتر التكيفات بتاعة أعضاء المنتدى كله علشان نغفر ليك غلطتك الفظيعة دي ... ههههههههههههههه

وبصراحة موضوع متميز بس حضرتك مردتش إذا كان فيه إمكانية لفك وتنضيف مروحة التكييف .. ولا هي ثابتة في مكانها وهل عليها تراب ولا لآه .. وإذا حاولت رجاء يكون بحرص شديد .

-

-

الموضوع: تنظيف فلتر التكييف للساجا بالصور

LinkBack

أدوات الموضوع

عرض

-

-

-

-

-

-

المواضيع المتشابهه

تنظيف فلتر التكييف الداخلي

كيف يتم تنظيف فلتر التكييف؟؟؟؟؟؟؟؟؟

تنظيف فلتر تكييف اللانسر البومة بالصور

خطوات تنظيف فلتر تنقية هواء التكييف للاسبرانزا

كيفية تنظيف فلتر التكييف

الكلمات الدلالية لهذا الموضوع

المفضلات

المفضلات

ضوابط المشاركة