تنظيف فلتر التكييف للساجا بالصور

**amr_haggag** · 23-04-2011 11:36 PM

بما ان الصيف داخل و تنظيفه في التوكيل ب 50 جنيه فقلت انظفه انا احسن
الخطوات و الشرح بالصور:

1-نفتح درج التابلوه لحد الاخر.

2- نرفع الجنب اليمين لفوق لحد ما نفك المفصلة من التابلوه.

3- خلي بالك الجنب الشمال ليه صداده واضح في الصورة.

4- هنميل بالدرج يمين علشان نفاديها.

5- ننزل الدرج للاخر ونشده علينا علشان نطلعه من المفصل.

6- ده المنظر بعد ما شلنا الدرج، هنشد الغطا من الايد اللي في الصورة وبعد اما بنفتحه نشده ناحة الشمال.

7- نشد الفلتر، وبيتنظف زي فلتر التكييف اللي في البيت.

8- نرجع كل حاجة مكانها بنفس الطريقة.

وده منظر الفلتر بعد التنظيف.

مع ان الفلتر كان نظيف بس ريحة الهوا كان فيها تراب و طبعا راحت بعد ما غسلته.

اتمنى ان انا اكون افدت بعض الناس وبتهيألي واضح جدا ان سياسه الاستغلال في التوكيل لم تتغير،ده حتى غسيل الموتور بالفوم ب 100 جنيه، ليه يعني؟؟؟؟؟

**sleepyhammer** · 23-04-2011 11:49 PM

الله ينور عليك وتسلم ايدك بجد

بس اسعار التوكيل فعلا مبالغ فيها جدا

وهل عندك فكرة ان فى صيانة ال5000 ممكن يغسلوا الموتور كده وينضفوا فلتر التكييف ولا اقولهم وحيبقى بفلوس زيادة؟؟؟

**sayed911** · 23-04-2011 11:51 PM

والله حضرتك سبقتني بيومين :d :d
انا كنت عامل الصور ومجهزها عشان الشرح ولكن يالله الحمد لله :d :d
حتى حضرتك والله عامله بطريقة افضل مني الف مليون مرة بجد متشكرين لحضرتك ولكن انا عايز اسئل سؤال مش عافه الحقيقة ..
انا عملتها بافعل ولكن الصينية الدوارة اللي تحت دي مش هيا دي الفلتر ؟ وهوا ده اللي بيتغير ولا الشبكة دي هيا اللي بتتغير ؟
لأني على ما اعتقد انه الصينية الدوارة دي هيا الفلتر ..

**A. Ibrahim** · 24-04-2011 12:44 AM

تسلم ايدك يا كبير
شغل علي ميه بيضه

**bassem.naguib** · 24-04-2011 01:21 AM

المشاركة الأصلية كتبت بواسطة sayed911

والله حضرتك سبقتني بيومين :d :d
انا كنت عامل الصور ومجهزها عشان الشرح ولكن يالله الحمد لله :d :d
حتى حضرتك والله عامله بطريقة افضل مني الف مليون مرة بجد متشكرين لحضرتك ولكن انا عايز اسئل سؤال مش عافه الحقيقة ..
انا عملتها بافعل ولكن الصينية الدوارة اللي تحت دي مش هيا دي الفلتر ؟ وهوا ده اللي بيتغير ولا الشبكة دي هيا اللي بتتغير ؟
لأني على ما اعتقد انه الصينية الدوارة دي هيا الفلتر ..

أنا مش عاوز أفتي لأني مشفتش الوضع على الطبيعة عامل أزاي .. بس حاسس أن الشبكة دي مش هي فقط فلتر التكييف وأنها جزء منه .. وكلام حضرتك منطقي ، لأني أول ما شفت الصور حسيت أن الفلتر حيكون في الجزء المدور مش الشبكة فقط .. وهل لما فكيت الفلتر لاقيت حاجة تانية غير الشبكة ؟! والجزء المدور ده فيه أيه ؟!

وتسلم أيد صاحب الموضوع الجميل ، ويا ريت يكون فيه تعقيب منه .

**mahmoud_magdy** · 24-04-2011 03:02 AM

تمام , الله ينور عليك
نفسي انضف الفلتر بتاع الجين بس اكتر مشكله خايف منها الدرج
كان في موضوع عن تنضيف الفلتر بتاع الجين بس مش فاكر فين بصراحه

**bassem.naguib** · 24-04-2011 09:18 AM

المشاركة الأصلية كتبت بواسطة sayed911

فيه عبارة عن صينية تانية فيها امشاط افقة (فلاتر هواء مرتبة بشكل تسلسلي ) ورى بعض ولما بتشغل التكيف بتجد الصينية كلها على بعضها بتلف مع من جوة ..

طيب ما حاولتش تفكها علشان تتنضف ولا مبتتفكش .. ولو حاولت خليك حريص جداً علشان مفيش حاجة تبوظ لا قدر الله .

**amr_haggag** · 24-04-2011 11:28 AM

المشاركة الأصلية كتبت بواسطة sleepyhammer

الله ينور عليك وتسلم ايدك بجد

بس اسعار التوكيل فعلا مبالغ فيها جدا

وهل عندك فكرة ان فى صيانة ال5000 ممكن يغسلوا الموتور كده وينضفوا فلتر التكييف ولا اقولهم وحيبقى بفلوس زيادة؟؟؟

الأسعار دي وانا بعمل صيانة ال1000، التوكيل مبيعملش حاجة ببلاش، ده المفروض يغسل العربية ن غير حاجة مع كل صيانة. وتبقى دعاية كويسة.

-

الموضوع: تنظيف فلتر التكييف للساجا بالصور

LinkBack

أدوات الموضوع

عرض

-

-

-

-

-

-

المواضيع المتشابهه

تنظيف فلتر التكييف الداخلي

كيف يتم تنظيف فلتر التكييف؟؟؟؟؟؟؟؟؟

تنظيف فلتر تكييف اللانسر البومة بالصور

خطوات تنظيف فلتر تنقية هواء التكييف للاسبرانزا

كيفية تنظيف فلتر التكييف

الكلمات الدلالية لهذا الموضوع

المفضلات

المفضلات

ضوابط المشاركة