الموضوع: يا دكاترة الاسنان الحقوني

انا روحت احشي ضرسي انهاردا هو مكانش بيوجع بس كان السوس باين فيه
الي حصل بقي عايز اسألكم عليه
السوس في ضرسي كان بالشكل الي في الصورة كدا في الاماكن العميقة الضرس first molar
الدكتور حفر فيه بالشكل ال في الصورة علي اليمين انا بصيت عليه في المراية قبل ما يحط الحشو
انا حاسيت انه شال كتير من الضرسو لا كدا الشغل المظبوط للحشو

كمان استخدم ال amalgm silver و انا كنت عايز ال composite الي بلون الاسنان قالي مش هيستحمل

و الافظع انه عمل القصة دي من غير بينج

كمان في تسوس في الضرس ال first premolar في الجزء الجانبي منه الي بين الضرس و الناب هو قال دا هيتحشي حرف L


الي حصل دا طبيعي ؟ قلولي علشان لسه في ضرسين عايزين حشو اكمل معاه و لا اشوف حد تاني


Uploaded with ImageShack.us

المشاركة الأصلية كتبت بواسطة ashouhdy

على حسب نوع الحشو المستخدم بتكون فتحة الضرس ... بس عامة هو الاساس تعمل الرسمة المتعارف عليها دايما تبدأ بال outline form اللى هو تقريبا الرسمة اللى على اليمين

طالما حيحط امالجم او كومبوزيت يبقى مفيش مشاكل ان يفتح كدة لأن الحشو محتاج سمك و عرض معين (بسيط) عشان ميتكسرش

فيها حاجات اسمها fissure sealnet دى مش بحتاج افتح الفتحة اللى على اليمين لأ بتكون على قد السوس بالضبط

هو فى مدارس مختلفة فى مدارس بتقولك افتح الرسمة كاملة extension for prevention وفى مدارس بتكون conservative اوى بتفتح يدوبك على قد السوس ... انا مش بأيد المدرسة التانية لأن فى 85% من الحالات لما افتح كامل بلاقى بواقى ورواسب للسوس لسة بتبدأ فى مناطق بعيدة عن المنطقة المركزية وبكدة الفتح دة بيؤدى الى الوقاية من ال recurrence او عودة السوس تانى للضرس بسبب عدم تنظيفة كاملة

بالنسبة للسؤال التانى بتاع ال premolar فصح بيكون فى حالتك الفتح ع شكل L او الصح اوى زجزاج متعرج اكتر.

موضوع البنج دة غلط تماما .... هو يمكن كان شايف التسوس سطحى شوية فحاول يعفيك من الم حقنة البنج ... بس فى كل الحالات يفضل البنج الا فى حالات معينة و مراحل معينة من علاج العصب (مش موضوعنا) لكن الكلام بتاع حشو مؤقت و كدة فدة مش صحيح يمكن حضرتك تعبتة فى الأسئلة شوية فهو حاول يسكتك وخلاص :)))))))))))))))))))) والف سلامة عليك

شكرا جزيلا لردك دكتور ashouhdy