الموضوع: أنا خارج رايح مطبخ

طب منا لسه جاي من مطبخ

معلش بقى سلو بلدهم كدة
وبرضة انا لسة جاى من المطبخ وجايب طبق فاضى احط فية قشر اللب

يا ناس حرام عليكم
بقى الشوية اللي باقعد فيهم عالمنتدى ارتاح من المطبخ
الاقيه ورايا ورايا؟
يا سلاااام لو كل الرجالة يروحوا مطبخ ونقعد احنا نتفرج عالتليفزيون ونقرا الجرايد
و اقول له اعمل لي شاي بالنعناع
يا سلاااااااااااااام

بيسموها فى الارياف الشوار

بيروحوا يودوا شوار العروسه (اللى هو العفش اللى جايباه العروسه وغالبا فى الارياف بيكون المطبخ)

وبيعتبروه نوع من التباهى ان العروسه جايبه حاجات كتير وده دليل على مستواها ومستوى الجوازه

وكانوا زمان بيشيلوها البنات والستات ويمشوا بيه ويلفوا البلد من اطول طريق بنظام ودنك منين يا جحا علشان البلد كلها تتفرج وطبعا لازم اكير عدد يمشى فى الشوار ده يعنى ممكن تلاقى واحده شايله صينيه او كوبايتين على طبق او سبت وعليه فوطه

وفى اوقات كانوا بيجيبوا فرقه صغيره واحد بيزمر وواحد بيطبل وواحد بيلم النقوط

وع اختراع الدى جى والاورج الكهربائى (وانتهاء عهد الزماره)

اتحولت الفرقه بقدره قادر الى مسرح متحرك بنظام فيلم انا عاوز حقى (عربيه نقل دوبل وعليها الفرقه والسماعات وديزل كهربا صغير)

وتلف البلد كلها شارع شارع وطبعا لازم تعطل الطريق كله علشان كل البلد تقدر تتفرج

يارب العادات دى تنتهى بقااا
بحس انها قمه التخلف!
يعنى افرض حد مش قادر يشترى الحاجات دى وعاوز يتجوز
تقف المظاهر دى قدامه مانع انه يتجوز
لان محدش هيرضى ان بنته الشارع كله ميشفش جابت ايه

العادات دي مش موجودة غير في الارياف بس وعندنا في القاهرة في المناطق الشعبية جدا
تلاقوهم يوم التنجيد جايبين دي جي وحبال وناشرين عليها الالحفة والبطاطين والكوفرتات
وبعد ما يخلصوا يلموا كل حاجتها على عربيات نقل ويقعدوا عليها يزغرطوا
بس الناس اصحاب الدخل المتوسط والمرتفع مستحيل يعملوا كدة
الواحدة لو تطول تغطي كل كرسي وكنبة وهما دخلين البيت كانت عملتها وفي ناس بتعمل كدة فعلا
وبتنقل حاجتها بالليل و في الفجر عشان محدش يشوفها
شفتوا الفرق

انا رايح الحمام