-
ههههههههههههه
اخيرا لاقيت واحد زي انا طلع عني وكنت ناوي مجبش العربية بسبب البصمة
انا خدت العربية في مرور اكتوبر
وروحت علشان اطلع البصمة مش رادية تظهر فضلما كده يجي ساعة
وفي الاخر بتاع البصمة جاب مراية وعكس الشمس عليها وشاف الرقم بعينة وكانت الكارثة
الرقم مختلف عن الرقم بتاع شهادة البيانات
ورحت مخنوق وكنت عاوز ارجع العربية مش ناوي اشتري خلاص لحد ما راحو بعتولي عربيةة تانية
بس علي العموم الرقم علشان كومبيوتر فهو مقرف حتي مع العربية التانية المهندس فضل يبص كويس ومعرفش لغايت لما قلي خلي بالك منها
بس مفهمتش يعني ايه
المهم انها اترخصت
الحمد لله ويبركللي فيها
ويبارك لكل اللي معاه عربية
-
يعنى المشكلة عامة .. ماشاء الله .. يعنى انا حققت براءة اختراع و أوجدت مشكلة جديدة ف لوجى .. فعلا الخير علي قدوم الواردين
-
الله ينور يا عم وسيم .... كفايه بقا براءات مشاكل ... قصدي إختراعات وعموما أنا لما جيت ارفع البصمه محدش قالي إن في أي مشكله واجهته و ما أخدتش أكتر من 5 دقائق.
-
يابختك يا عم تامر ده انا خلصت الورق كله من 8 و نص ل 9 و نص و موضوع رفع البصمه لوحده قعدت فيه لحداشر و نص .. وربنا يستر المرة الجاية ولو انى مكبر دماغي عشان الترخيص كل 3 سنين
-
موضوع البصمه ده صعب فعلاً فى اللوجان والكل تقريباً إتعرض له ..
لأن مكان البصمه صعب وربنا سترها معايا وعدت فى الترخيص بعد عذاب ومراضيه للراجل بتاع البصمه بعد ما شخبط على كل الورق اللى معاه نقل الرقم من شهادة البيانات وخلاص
مش عارف ده فى اللوجان بس علشان محفوره بالكمبيوتر (مش عارف يعنى أيه) ولا موجود فى العربيات الجديده التانيه
المهم هى مشكله هتظهر كل ثلاث سنوات إن شاء الله متقللش من العربية أكيد فى الترخيص الجاى لو لينا عمر هيكون شافوا ليها حل
مبروك لكل اللوجانيه .. ربنا يسعدكم بالعربية .. ويكفيكم شرها ..
وتكون مشاويكم دائماً فى الخير .. سواء ببصمه أو من غير:Copy of m-s5:
-
أنا حصل معايا نفس الكلام ده بالظبط......و سمعت من الناس فى المرور ان الرينو كلها كده
-
كان معايا مندوب من المعرض هو اللي خلصني في المرور . بس بعد الفني ما اخذ البصمه و روحنا للمهندس علشان يوقع علي الورق قال لي ارجع للفني خليه ياخذ البصمة تاني رجعنا للفني و اخذ البصمة تاني و مشي الحال . المهم مبروك عليك و اتمتع بيها و بعد 3 سنين يحلها المولي .
-
وانا برضه حصل معايا نفس المشكلة بس بتعدي
-
المشكله حصلت معايا واتقرفت وهمه كمان عارفين ان الرينوا كوده مكتوب كمبيوتر والمفروض بيتاخد سكانر المهم قاللوي اعملها في التوكيل رفضت طبعا من هنا لهنا رض المهندس بأن ه يكتب معينه بالرؤيه واضريت افك وش المونيوم بتاع الشكمان عشان يشوف النمره وفعلا طلعت مطابقه والحمد لله وكتب في الورق ده كده بعد 3 سنين هعمل نفس الفلم بس انا كده ممكن اعملها من غير ما اجيب ميكانيكي لآنهم 3 مسامير هبل فكهم وربطهم وكان عايز 50جنيه قولتله 25واحمد ربنا كل ده عشان زيرو اما لو بي ام المهم قولت للمهندس عايزني اقطرها للعبور رايح جاي عشان البصمه؟؟؟؟انت فاكرها بي ام ادفعلها 1000جنيه قطر
-
انا برضه فكيت الغطا مرتين وقرفتني
هي فعلا مشكله
Content Relevant URLs by
vBSEO 3.6.0 PL2