الف سلامة عليك يا باشمهندس خالد و فداك و ربنا يعوضك خير بإذن الله .
عرض للطباعة
الف سلامة عليك يا باشمهندس خالد و فداك و ربنا يعوضك خير بإذن الله .
الف سلامة على الباشمهندس, و ان شاء الله يقوم بالسلامة
للصدفة البحته ولطف القدر اني كنت مع البشنهدس سبعاوي لحظه وقوع الحادثه وسبحان اللطيف
انا كنت ماشي بعربيتي جنبه وكنا بنطلع مطب وجه اخونا المحشش سواق التاكسي اللانوس السودا
طافي نوره
عربيته سودا
طاير جدا
والمصيبه انه ياشارب حاجه يا محشش ومش واخد باله اننا عربيتين واننا ضاربين فرامل وبنطلع المطب
مش فاكر انا ليه كسرت شمال جامد بس انا اتخايلت بحاجه وسمعت صوت ولا ايه بالظبط مش فاكر
بس فوجئت بعربية سبعاوي بتطير من جنبي وتلتف نصف لفه وتطلع بالكاوتش الخلفي شمال على الرصيف واستقرت على كده
طبعا رجعت ركنت عاليمين ونزلت جري اطمن عليه والحمد لله انه طلع منها بحاجات بسيطه والحمد لله على كل حال
والحمد لله اننا كنا سوا يعني حصلت حاجات طريفه على قد ما الموقف متأزم
الفرده الشمال ورا عند سبعاوي اتقطعت والجنط اتعوج
والشنطه مكنتش بتفتح وبالتالي مش عارفين ننزل الاستبنه مكانها
جيت اديله الاستبن بتاعي لقيته مش منفوخ كويس
لقيت معاه هوا منفاخ
جينا ننفخه لقينا الولاعه عنده فاصله
ركبته في ولاعتي
جينا نفك الاكصدام اللي وقع نصه عالارض
مكنش في غير مفك وحيد معايا وكنت واخده والله بالصدفه وليلتها كنت مفضي العربية من كل حاجه
والحمد لله تمت المهمه وركبنا الاستبنه ومشيت وراه لحد اما وصل لجنب بيته وكملت انا طريقي للبيت والحمد لله عدى اليوم
والنهارده قابلته والحمد لله اتطمنت عليه والحمد لله على كل حال
نصايح على الهامش
اوعى تمشي من غير ادواتك في العربية ولو كنت لابد فاعلا ياريت المثلث والطفايه وشنطة العده والكريك دايما يكونو معاك
حاول في اي مكان في مطب غير متوقع تشغل الانتظار
رجاءا رجاءا نور عربيتك يكون شغال بالليل دائما ومش مجرد السهاري انما عالاقل الواطي ياناس
النور معمول مش بس عشان انت تشوف الطريق انما عشان الناس تشوفك...
بلاش السرعه العاليه
دي حاجات كده عالماشي والحمد لله على سلامتك يابشمهندس ويارب تكون اخر الاحزان وقدر الله وماشاء فعل
الحمد لله رب العالمين
تحياتي
سلامات لك وللبشمهندس سبعاوي
والحمد لله على كل حال
الف سلامة عليك يابشمهندس خالد والحمد لله قدر ولطف ....
الف سلامة يابشمهندس خالد وربنا يقومك بالسلامة والحمد لله انها جت على قد كدا
ألف سلامة عليه
و ربنا يصبره
و يرجعه بألف سلامه
الف سلامة ياباشمهندس وربنا يطمنا عليك
الف سلامة يا باشمهندس خالد.....فداك مليون عربية.
الحمد لله على السلامة
ربنا يشفيه ويعوضه خير ..... قدر الله وماشاء فعل