عرض للطباعة
السلام عليكم يا منتدى الوحوش
كنت عاوز أعرف تكلفة ترخيص اللوجان 3 سنين كام ؟؟؟
وكمان أنا جايب العربية قسط وأستلمت بس مفيش أى ورق معايا غير أستلام العربية فقط
وكان التقسيط عن طريق كونتكت هل المندوب بيكون معاه كل الأوراق ؟؟؟
المثلث وشنطة الأسعاف دلوقتى أجبارى ؟؟؟
وهل فى مكان أشترى منه المثلث وشنطة الأسعاف وكمان الطفاية غير المرور ؟؟؟
وأسف على الأطاله ومنتظر ردودكم الكريمة..........:biggrin2:
الف مبروك يا باشا و ربنا يرزقك خيرها و يكفيك شرها
- تم استبدال طفاية الحريق القديمة باخري جديدة من مركز بافاريا بجسر السويس مقابل 97 ج.م بدلا من 120 ج.م2- اوراق الترخيص كما يلي:ا- 45 ج.م استمارة 251 لثلاث سنوات + نموذج فحص فنىب- 6 ج.م ملف ورق3- رحت بعد كدة الي للفحص النى و دفع التامين الاجباري ل 3 سنوات بمبلغ 320 ج.م4- رحت بعد كده بعد المهندس اخد بصمه الشاسيه و الماتور و ورق التامين الاجباري لمدة 3 سنوات وشهادة البيانات وتم تقديمها الي مرور مصر الجديدة5- 780 ج.م ضريبة السيارة تم دفعها فى المرور6- انتظرت حتى اخدت الرخصة ثم بعد كده نزلت علشان اخد اللوحات المعدنية بتاعت العربية7- لقيت راجل بيركب اللوحات بشنيور و ركبهالي ب 10 ج.م
و مرحبا بك فى نادى الاخوة
طب و هل تكلفه الترخيص بتفرق بين القسط و الكاش و لا الاتنين واحد؟؟
ياتري التأمين الأجباري ده اد ايه بالظبط و التكلفه الأجماليه لكل عمليه الترخيص عشان الواحد يبقي عامل حسابه بس؟؟
تكلفة التراخيص مبتفرق بين القسط والكاش غير أن (القسط بيكون فى حظر بيع على الرخصه والترخيص بيكون لسنه واحده بس )
التأمين الإجبارى خاص بالحوادث وربنا يكفينا شرها وإجراءاته مجهوله للكل ممكن تقرأ عليه فى مواضيع التأمين فى المنتدى ده طبعاً غير التأمين التكميلى على العربية وده بيكون من 3% إلى 5% من ثمن العربية حسب الشركة وكمية الأخطار اللى بيغطيها التأمين
إجمالى قيمة التراخيص زى ماقال الأخ Haytham بالظبط وعلشان خاطرك هقولها تانى
1- طفايه جديده 1 ك بـ 120 جنيه
2-ملف فحص ونماذج بـ 51 جنيه
3- تأمين إجبارى لـ 3 سنوات بـ 320 جنيه (السنه فى حدود 125 جنيه )
4- ضريبة لـ 3 سنوات بـ 780 جنيه (السنه فى حدود 300 جنيه )
الإجمالى لـ 3 سنوات حوالى 1300 جنيه بعد الإكراميات بنفس راضيه (الحمد لله مفيش رشوه)
ده غير شنطة الإسعافات والمثلث لو دققوا عليهم هتجبهم من المرور سعرهم من 75 - 100 جنيه بتفرق من مرور للتانى طبعاً من بره أرخص كتير ودلوقتى ساعات مبيسألوش عليهم
برضه القيم ده لترخيص لمدة ثلاث سنوات بس علشان عربيتك قسط هترخص لسنه واحده ممكن تكون قى حدود 600 جنيه
خلى بالك بصمة الموتور فى اللوجان بتكون صعبة شويه علشان محفوره خفيف أوى بس لما هتراضى الراجل هيتعب شويه وفى الأخر هينقل المكتوب فى شهادة البيانات
ألف مبروك وربنا يسر الأمور وتكون فاتحة خير عليك إن شاء الله
الله يفتح عليك يابو حازم جبت الخلاصة بالذات في موضوع البصمة ده من امبارح بنرغي فيه
مبارك ان شاء الله
ربنا يعطيك من خيراها و يكفيك شرها
يعنى الاجمالى كلة كام؟؟؟؟؟؟؟؟؟؟
الله ينور يا أحلى منتدى
بجد والله متشكر
كل يوم أقتناعى وأستفادتى من المنتدى الجميل ده بيزيدوا
10000000000000 شكر
يعنى بإختصار تعمل حسابك علي 1400 أو 1500 عشان الفلوس ماتعجزش معاك
سلامى لكل حبايبنا الصعايده .. أصل الرجوله والجدعنهاقتباس:
المشاركة الأصلية كتبت بواسطة wassim_nasser
موضوع البصمه ده كان مسببلى قلقل جامد وخصوصا إن لى صديق كان المرور رفض ترخيص السياره علشان مش عارف ياخد البصمه وداخ شويه وفى الأخر رخص بس الحمد لله ربنا يسرها معايا والراجل فى مرور أكتوبر كان فاهم وعدت علشان كده لازم ننبه كل أصدقائنا على أى مشكله تصادفنا وإن شاء الله تعدى بسلام ونبارك للجميع